МИНСК. 8-тамыз. Kazakhstan Today. ТМД Атқару комитетінде бүгін ТМД-ға қатысушы елдердің жарғылық және басқа да органдарының жанындағы өкілетті өкілдерінің тұрақты кеңесінің кезекті отырысы өтеді. Бұл туралы Kazakhstan Today агенттігіне Атқару комитетінің баспасөз қызметі хабарлады.
Кеңес мүшелері бұған дейінгі отырыста қабылданған шешімдердің орындалуына қатысты ақпаратты тыңдап, Мемлекет басшыларының кеңесі, үкімет басшыларының кеңесі мен Достастықтың сыртқы істер министрлері кеңесінің кезекті отырыстарының күн тәртібін талқылайды. Бұған қоса жиында ТМД өкілетті өкілдерінің тұрақты кеңесінің жұмыс регламентінің жаңа редакциясын талқылау межеленген.
Сонымен бірге отырыс барысында Достастық органдарының іс-қызметін жетілдіру мен оны реформалауға, ТМД жылына арналған негізгі шаралардың жоспарын жүзеге асыру барысына қатысты мәселелерді қарау көзделген.
ТМД өкілетті өкілдерінің тұрақты кеңесі Достастық органдарын жаңалау мәселелерін талқылайды
тақырып бойынша жаңалықтар
Министрлік Орталық Азия елдерінің өңірлік қауіпсіздігі мәселелері жөніндегі халықаралық конференцияға қатысты
Сурет: МИОР РК
Ташкентте "БҰҰ Жаһандық терроризмге қарсы стратегиясын іске асыру жөніндегі бірлескен іс-қимыл жоспары шеңберінде Орталық Азия елдерінің өңірлік ынтымақтастығы" тақырыбында жоғары деңгейдегі халықаралық конференция ұйымдастырылды, деп хабарлайды KAZAKHSTAN TODAY
Ағымдағы жылғы 3-4 наурызда Біріккен Ұлттар Ұйымының, сондай-ақ Орталық Азия елдерінің өкілдері өзара Терроризмге қарсы ынтымақтастықтың нәтижелерін бағалау мәселелерін талқылады.
Қазақстандық делегация құрамында АҚДМ Дін істері комитеті төрағасының орынбасары Бауыржан Бакиров қатысты.
Б.Бакиров министрліктің дін саласындағы іске асырып жатқан мемлекеттік саясаты туралы баяндама жасап, отандық заңнамамен, экстремизм мен терроризмге қарсы іс-қимыл жөніндегі мемлекеттік бағдарламалармен, сондай-ақ діни экстремизм мен терроризмнің алдын алу жөніндегі жұмыстардың негізгі бағыттарымен таныстырды.
Іс-шарада бұрын қолданыста болған бірлескен іс-қимыл жоспары шеңберіндегі 10 жылдық ынтымақтастықтың қорытындылары шығарылып, терроризмге қарсы күрес саласындағы өңірлік және халықаралық ынтымақтастық перспективаларының ағымдағы және болашақ үрдістері талқыланды.
Конференция соңында Орталық Азияда Жаһандық терроризмге қарсы стратегияны іске асыру жөніндегі бірлескен іс-қимыл жоспары ұсынылып, мақұлданды, сондай-ақ "Ташкент декларациясы" қабылданды.