ТМД сарапшылары қару-жарақтың заңсыз айналымымен күрестегі ынтымақтастық жөніндегі келісім жобасымен келісті
ТМД сарапшылары қару-жарақтың заңсыз айналымымен күрестегі ынтымақтастық жөніндегі келісім жобасымен келісті
Минск. 12 маусым. "Қазақстан Бүгін" - Минскідегі ТМД Атқару комитетінің сарапшылар тобының 10-11 маусымдағы отырысында қару-жарақ пен жарылғыш заттарды заңсыз дайындау және заңсыз айналымымен күрестегі ТМД елдерінің ынтымақтастығы келісім жобасын келісті, деп хабарлайды "Қазақстан Бүгін" агенттігінің тілшісі ТМД Атқару комитетінің баспасөз қызметіне сілтеме жасай отырып.
Отырысқа төрағалық еткен РФ Сыртқы істер министрлігінің ТМД елдерінің Бірінші департаментінің директорының орынбасары Сергей Третьяков атап көрсеткендей, ТМД елдеріндегі лаңкестік актілердің барлығы дерлік заңсыз айналымда жүрген қару-жарақ пен жарылғыш заттарды пайдалану арқылы іске асырылады.
Баспасөз қызметі атап көрсеткендей, құжат сонымен қатар, қару-жарақтың заңсыз айналымына қатысы бар ұлтаралық қылмыстық топтар, олардың көшбасшылары мен мүшелері жайлы мәліметтер банкін құруды қарастырады.
Келісім жобасын ТМД елдерінің Үкімет басшыларының кеңесінің кезекті отырысының қарауына бекітілген тәртіппен енгізуге шешім шығарылды.
Ақпаратты пайдаланған жағдайда "Казахстан Сегодня" ақпараттық агенттігіне сілтеме жасау міндетті
тақырып бойынша жаңалықтар
Министрлік Орталық Азия елдерінің өңірлік қауіпсіздігі мәселелері жөніндегі халықаралық конференцияға қатысты
Сурет: МИОР РК
Ташкентте "БҰҰ Жаһандық терроризмге қарсы стратегиясын іске асыру жөніндегі бірлескен іс-қимыл жоспары шеңберінде Орталық Азия елдерінің өңірлік ынтымақтастығы" тақырыбында жоғары деңгейдегі халықаралық конференция ұйымдастырылды, деп хабарлайды KAZAKHSTAN TODAY
Ағымдағы жылғы 3-4 наурызда Біріккен Ұлттар Ұйымының, сондай-ақ Орталық Азия елдерінің өкілдері өзара Терроризмге қарсы ынтымақтастықтың нәтижелерін бағалау мәселелерін талқылады.
Қазақстандық делегация құрамында АҚДМ Дін істері комитеті төрағасының орынбасары Бауыржан Бакиров қатысты.
Б.Бакиров министрліктің дін саласындағы іске асырып жатқан мемлекеттік саясаты туралы баяндама жасап, отандық заңнамамен, экстремизм мен терроризмге қарсы іс-қимыл жөніндегі мемлекеттік бағдарламалармен, сондай-ақ діни экстремизм мен терроризмнің алдын алу жөніндегі жұмыстардың негізгі бағыттарымен таныстырды.
Іс-шарада бұрын қолданыста болған бірлескен іс-қимыл жоспары шеңберіндегі 10 жылдық ынтымақтастықтың қорытындылары шығарылып, терроризмге қарсы күрес саласындағы өңірлік және халықаралық ынтымақтастық перспективаларының ағымдағы және болашақ үрдістері талқыланды.
Конференция соңында Орталық Азияда Жаһандық терроризмге қарсы стратегияны іске асыру жөніндегі бірлескен іс-қимыл жоспары ұсынылып, мақұлданды, сондай-ақ "Ташкент декларациясы" қабылданды.