МИНСК. 26-наурыз. Kazakhstan Today. ТМД СІМ кеңесінің 2007-жылғы 25-сәуірде Астанада өтеді деп межеленген кезекті мәжілісі барысында 19 мәселе талқыланады, оның бесеуі ақырғы шешім қабылдауға байланысты болмақ. Бұл туралы Kazakhstan Today тілшісіне ТМД атқару комитетінен хабарлады.
Баспасөз қызметінің хабарлауынша, министрлер мәдени ынтымақтастық жөніндегі кеңес пен табиғи және техногендік сипаттағы төтенше жағдайлар жөніндегі мемлекетаралық кеңестің іс-қызметіне қатысты мәселелерді талқылап, осы кеңестердің есептері бойынша шешім қабылдайды. Отырысқа қатысушылар Достастық аясындағы сыртқы істер министрліктері арасындағы көп деңгейлі консультациялардың 2006-жылға арналған жоспарын жүзеге асыру мен 2007-жылғы консультациялар жоспарын талқылайды.
Отырыста сонымен бірге Абхазиядағы (Грузия) шиеленіс аймағында бейбітшілікті қолдау жөніндегі ұжымдық күштердің іс-қызметіне қатысты құжаттар қаралады. Атап айтсақ, ТМД-ға қатысушы елдердің қорғаныс министрлерінің кеңесі сыртқы істер министрлерінің кеңесінде түпкілікті шешім қабылдау үшін аталмыш күштердің қолбасшылығы жөніндегі мәселені енгізді. Шешімнің жобасында Абхазиядағы (Грузия) шиеленіс аймағында бейбітшілікті қолдау жөніндегі ұжымдық күштердің қолбасшысы, генерал-майор Сергей Чабанның өкілеттілігі мерзімін сыртқы істер министрлерінің кеңесі белгіленген тәртіппен қолбасшының кандидатурасын келскенге дейін ұзарта тұру жөніндегі қорғаныс министрлерінің кеңесінің ұсынысымен келісу ұсынылған.
Сонымен бірге ТМД аясында бейбітшілікті қолдау жөніндегі ұжымдық күштердің қызметкерлеріне әлеуметтік және құқықтық кепілдіктер беру, сондай-ақ, ТМД аясында бейбітшілікті қолдау жөніндегі ұжымдық күштердің қызметкерлерінің іс-қызметінің қаржылық, техникалық және тылдағы қамтамасыздығының тәртіптерін талқылау көзделген. Оларды ТМД Экономикалық кеңесі мен сыртқы істер министрлігінің кеңесі мақұлдаған жағдайда түпкілікті шешімді ТМД үкімет басшылары кеңесінің кезекті отырысында қабылдау жоспарланған.
Сонымен бірге сыртқы шекараларда дағдарысты жағдай туындағанда ТМД-ға қатысушы елдердің шекаралық және басқа да мекемелерінің арасында өзара көмек көрсету мен дағдарысты реттеу бағытындағы ықпалдастығын ұйымдастыру, сондай-ақ, шекара әскерлері қолбасшылары кеңесінің "Тәуелсіз Мемлекеттер Достастығының құрметті шекарашысы" атты төс белгісін тағайындау жөніндегі мәселелерге арналған құжаттардың жобасы талқыланады.
Сыртқы істер министрлері бұған қоса ТМД үкімет басшылары кеңесінің 2007-жылы 25-мамырда Ялтада өтеді деп межеленген кезекті мәжілісінің күн тәртібінің жобасын сарапқа салады.
Ақпаратты пайдаланған жағдайда «Kazakhstan Today» ақпараттық агенттігіне сілтеме жасау міндетті
ТМД СІМ кеңесінің 2007-жылғы сәуір айында өтетін мәжілісі барысында 19 мәселе талқыланады
тақырып бойынша жаңалықтар
Министрлік Орталық Азия елдерінің өңірлік қауіпсіздігі мәселелері жөніндегі халықаралық конференцияға қатысты
Сурет: МИОР РК
Ташкентте "БҰҰ Жаһандық терроризмге қарсы стратегиясын іске асыру жөніндегі бірлескен іс-қимыл жоспары шеңберінде Орталық Азия елдерінің өңірлік ынтымақтастығы" тақырыбында жоғары деңгейдегі халықаралық конференция ұйымдастырылды, деп хабарлайды KAZAKHSTAN TODAY
Ағымдағы жылғы 3-4 наурызда Біріккен Ұлттар Ұйымының, сондай-ақ Орталық Азия елдерінің өкілдері өзара Терроризмге қарсы ынтымақтастықтың нәтижелерін бағалау мәселелерін талқылады.
Қазақстандық делегация құрамында АҚДМ Дін істері комитеті төрағасының орынбасары Бауыржан Бакиров қатысты.
Б.Бакиров министрліктің дін саласындағы іске асырып жатқан мемлекеттік саясаты туралы баяндама жасап, отандық заңнамамен, экстремизм мен терроризмге қарсы іс-қимыл жөніндегі мемлекеттік бағдарламалармен, сондай-ақ діни экстремизм мен терроризмнің алдын алу жөніндегі жұмыстардың негізгі бағыттарымен таныстырды.
Іс-шарада бұрын қолданыста болған бірлескен іс-қимыл жоспары шеңберіндегі 10 жылдық ынтымақтастықтың қорытындылары шығарылып, терроризмге қарсы күрес саласындағы өңірлік және халықаралық ынтымақтастық перспективаларының ағымдағы және болашақ үрдістері талқыланды.
Конференция соңында Орталық Азияда Жаһандық терроризмге қарсы стратегияны іске асыру жөніндегі бірлескен іс-қимыл жоспары ұсынылып, мақұлданды, сондай-ақ "Ташкент декларациясы" қабылданды.