ТМД тәжірибелік мақсаттарды шешуді мұрат тұтады - Беларусь сыртқы істер министрі
ТМД тәжірибелік мақсаттарды шешуді мұрат тұтады - Беларусь сыртқы істер министрі
Мәскеу. 26 наурыз. Kazakhstan Today - ТМД тәжірибелік мақсаттарды шешуді мұрат тұтады. Бұл туралы бүгін Мәскеуде өткен ТМД Сыртқы істер министрлері кеңесі отырысының қорытындысы бойынша Беларусь сыртқы істер министрі Сергей Мартынов мәлім етті, деп хабарлайды Kazakhstan Today БЕЛТА агенттігіне сілтеме жасап.
Агенттіктің хабарлауынша, бүгін өткен министрлер бас қосуының басты мақсаты - ТМД үкімет басшылары мен ТМД мемлекет басшыларының алдағы отырыстарына арналған құжаттарды дайындауға саяды, деді С. Мартынов. Оның айтуынша, Сыртқы істер министрліктерінің басшылары 20-ға жуық құжатпен қоса күн тәртібіне қосымша енгізілген бірқатар мәселелерді қарады. Олардың барлығы бойынша дерлік оң шешім қабылданды.
"Бұлар - ТМД аясында байыпты әрі тәжірибелік қызметтер орныға бастағанын дәлелдейтін құжаттар. Олар Қарулы күштердің өзара ықпалдастығына, шекаралық және антитеррорлық қызметтердің ықпалдастығына қатысты. Ұлы Отан соғысындағы Жеңістің 65 жылдық мерейтойын мерекелеуге қатысты іс-шаралар да талқыланды", -деді ол.
Сондай-ақ, сыртқы саясат мекемелерінің басшылары ТМД-ның 20 жылдығына арналған іс-әрекеттердің жоспарының жобасын да алдын-ала мақұлдады.
"Мәскеуде бүгін өткен ТМД Сыртқы істер министрлері кеңесі отырысының қорытындысы ТМД-ның тәжірибелік мақсаттарды шешуді мұрат тұтатынын дәлелдейді", - деді министр.
Отырыста сонымен қатар ТМД-ны одан әрі дамыту тұжырымдамасын жүзеге асыруға қатысты мәселелер де талқыланды.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
тақырып бойынша жаңалықтар
Министрлік Орталық Азия елдерінің өңірлік қауіпсіздігі мәселелері жөніндегі халықаралық конференцияға қатысты
Сурет: МИОР РК
Ташкентте "БҰҰ Жаһандық терроризмге қарсы стратегиясын іске асыру жөніндегі бірлескен іс-қимыл жоспары шеңберінде Орталық Азия елдерінің өңірлік ынтымақтастығы" тақырыбында жоғары деңгейдегі халықаралық конференция ұйымдастырылды, деп хабарлайды KAZAKHSTAN TODAY
Ағымдағы жылғы 3-4 наурызда Біріккен Ұлттар Ұйымының, сондай-ақ Орталық Азия елдерінің өкілдері өзара Терроризмге қарсы ынтымақтастықтың нәтижелерін бағалау мәселелерін талқылады.
Қазақстандық делегация құрамында АҚДМ Дін істері комитеті төрағасының орынбасары Бауыржан Бакиров қатысты.
Б.Бакиров министрліктің дін саласындағы іске асырып жатқан мемлекеттік саясаты туралы баяндама жасап, отандық заңнамамен, экстремизм мен терроризмге қарсы іс-қимыл жөніндегі мемлекеттік бағдарламалармен, сондай-ақ діни экстремизм мен терроризмнің алдын алу жөніндегі жұмыстардың негізгі бағыттарымен таныстырды.
Іс-шарада бұрын қолданыста болған бірлескен іс-қимыл жоспары шеңберіндегі 10 жылдық ынтымақтастықтың қорытындылары шығарылып, терроризмге қарсы күрес саласындағы өңірлік және халықаралық ынтымақтастық перспективаларының ағымдағы және болашақ үрдістері талқыланды.
Конференция соңында Орталық Азияда Жаһандық терроризмге қарсы стратегияны іске асыру жөніндегі бірлескен іс-қимыл жоспары ұсынылып, мақұлданды, сондай-ақ "Ташкент декларациясы" қабылданды.