ТМД-ға қатысушы мемлекеттердің үкімет басшыларының кеңесі Достастық аясында H1N1 тұмауы таралуының алдын алуға бағытталған бірлескен шараларды дәйектеу жөнінде шешім қабылдады
Астана. 22 мамыр. "Қазақстан Бүгін" - ТМД-ға қатысушы мемлекеттердің үкімет басшыларының кеңесі Достастық аясында H1N1 тұмауы таралуының алдын алуға бағытталған бірлескен шараларды дәйектеу жөнінде шешім қабылдады. Бұл туралы бүгін Астанада Тәуелсіз Мемлекеттер Достастығына қатысушы мемлекеттердің үкімет басшылары кеңесінің кезекті мәжілісінен кейін өткен баспасөз мәслихатында ТМД Атқару комитетінің төрағасы, атқарушы хатшы Сергей Лебедев мәлім етті, деп хабарлайды "Қазақстан Бүгін" агенттігінің тілшісі.
С. Лебедевтің айтуынша, ТМД елдерінің үкімет басшыларымен кездесу барысында Қазақстан президенті Нұрсұлтан Назарбаев H1N1 тұмауы таралуының алдын алуға бағытталған, ТМД аясындағы бірлескен шараларды дәйектеу жөнінде қызғылықты әрі өзекті ұсыныс жасады.
"Бұл бастаманы Тәуелсіз Мемлекеттер Достастығына қатысушы мемлекеттердің үкімет басшылары кеңесінің кезекті мәжілісінде Қазақстан үкімет басшысы Кәрім Мәсімов жария етіп, ол бір дауыстан қолдау тапты", - деді ТМД атқарушы хатшысы.
"Біз талқылаған күн тәртібіне қосымша ТМД аясында H1N1 тұмауы таралуының алдын алуға бағытталған бірлескен шараларды дәйектеу жөнінде шешім қабылданды", - деді С. Лебедев.
Ақпаратты пайдаланған жағдайда "Казахстан Сегодня" ақпараттық агенттігіне гиперсілтеме жасау міндетті. «Қазақстан Бүгін» Ақпараттық агенттігінің материалдарына авторлық құқық.
тақырып бойынша жаңалықтар
Министрлік Орталық Азия елдерінің өңірлік қауіпсіздігі мәселелері жөніндегі халықаралық конференцияға қатысты
Сурет: МИОР РК
Ташкентте "БҰҰ Жаһандық терроризмге қарсы стратегиясын іске асыру жөніндегі бірлескен іс-қимыл жоспары шеңберінде Орталық Азия елдерінің өңірлік ынтымақтастығы" тақырыбында жоғары деңгейдегі халықаралық конференция ұйымдастырылды, деп хабарлайды KAZAKHSTAN TODAY
Ағымдағы жылғы 3-4 наурызда Біріккен Ұлттар Ұйымының, сондай-ақ Орталық Азия елдерінің өкілдері өзара Терроризмге қарсы ынтымақтастықтың нәтижелерін бағалау мәселелерін талқылады.
Қазақстандық делегация құрамында АҚДМ Дін істері комитеті төрағасының орынбасары Бауыржан Бакиров қатысты.
Б.Бакиров министрліктің дін саласындағы іске асырып жатқан мемлекеттік саясаты туралы баяндама жасап, отандық заңнамамен, экстремизм мен терроризмге қарсы іс-қимыл жөніндегі мемлекеттік бағдарламалармен, сондай-ақ діни экстремизм мен терроризмнің алдын алу жөніндегі жұмыстардың негізгі бағыттарымен таныстырды.
Іс-шарада бұрын қолданыста болған бірлескен іс-қимыл жоспары шеңберіндегі 10 жылдық ынтымақтастықтың қорытындылары шығарылып, терроризмге қарсы күрес саласындағы өңірлік және халықаралық ынтымақтастық перспективаларының ағымдағы және болашақ үрдістері талқыланды.
Конференция соңында Орталық Азияда Жаһандық терроризмге қарсы стратегияны іске асыру жөніндегі бірлескен іс-қимыл жоспары ұсынылып, мақұлданды, сондай-ақ "Ташкент декларациясы" қабылданды.