Трансазиялық теміржолдар желісін құру жөніндегі үкіметаралық келісім 11 маусымда күшіне енеді
Трансазиялық теміржолдар желісін құру жөніндегі үкіметаралық келісім 11 маусымда күшіне енеді
Алматы. 9 маусым. "Қазақстан Бүгін" - Трансазиялық теміржолдар желісін құру жөніндегі үкіметаралық келісім 11 маусымда күшіне енеді, деп хабарлайды "Қазақстан Бүгін" агенттігі БҰҰ Жаңалықтар орталығына сілтеме жасап.
Келісім ұзындығы 114 шақырымдық, өңірдегі 28 елді өзара қосатын Трансазиялық халықаралық теміржолдар желісін құруға бағытталған. Құжатқа 2006 жылдың қараша айында Оңтүстік Кореяның Бусан айлағында БҰҰ-ның Азия және Тынық мұхитына арналған Экономикалық және әлеуметтік комиссиясына (ЭСКАТО) мүше елдердің министрлер конференциясында қол қойылған.
Жаңа келісімнің аясында төрт халықаралық бағытты дамыту қарастырылған. Солтүстік дәліз Ресей, Қазақстан, Монғолия, Қытай мен Корей түбегін қосады. Ал оңтүстік дәліз Таиланд пен Қытайдың Юньнань провинциясын Түркиямен жалғастырады. Ол Бангладеш, Үндістан, Пакистан және Иран арқылы өтеді. Субөңірлік желі Оңтүстік-Шығыс Азия елдерін : Бруней, Камбоджа, Индонезия, Лаос, Малайзия, Филиппины, Сингапур, Таиланд және Вьетнамды қосады. Солтүстік-Оңтүстік транспорттық дәлізі Солтүстік Еуропаны Парсы шығанағымен жалғастырады, ол Ресей, Орталық Азия және Кавказ арқылы өтеді.
Ақпаратты пайдаланған жағдайда "Казахстан Сегодня" ақпараттық агенттігіне гиперсілтеме жасау міндетті. «Қазақстан Бүгін» Ақпараттық агенттігінің материалдарына авторлық құқық.
тақырып бойынша жаңалықтар
Министрлік Орталық Азия елдерінің өңірлік қауіпсіздігі мәселелері жөніндегі халықаралық конференцияға қатысты
Сурет: МИОР РК
Ташкентте "БҰҰ Жаһандық терроризмге қарсы стратегиясын іске асыру жөніндегі бірлескен іс-қимыл жоспары шеңберінде Орталық Азия елдерінің өңірлік ынтымақтастығы" тақырыбында жоғары деңгейдегі халықаралық конференция ұйымдастырылды, деп хабарлайды KAZAKHSTAN TODAY
Ағымдағы жылғы 3-4 наурызда Біріккен Ұлттар Ұйымының, сондай-ақ Орталық Азия елдерінің өкілдері өзара Терроризмге қарсы ынтымақтастықтың нәтижелерін бағалау мәселелерін талқылады.
Қазақстандық делегация құрамында АҚДМ Дін істері комитеті төрағасының орынбасары Бауыржан Бакиров қатысты.
Б.Бакиров министрліктің дін саласындағы іске асырып жатқан мемлекеттік саясаты туралы баяндама жасап, отандық заңнамамен, экстремизм мен терроризмге қарсы іс-қимыл жөніндегі мемлекеттік бағдарламалармен, сондай-ақ діни экстремизм мен терроризмнің алдын алу жөніндегі жұмыстардың негізгі бағыттарымен таныстырды.
Іс-шарада бұрын қолданыста болған бірлескен іс-қимыл жоспары шеңберіндегі 10 жылдық ынтымақтастықтың қорытындылары шығарылып, терроризмге қарсы күрес саласындағы өңірлік және халықаралық ынтымақтастық перспективаларының ағымдағы және болашақ үрдістері талқыланды.
Конференция соңында Орталық Азияда Жаһандық терроризмге қарсы стратегияны іске асыру жөніндегі бірлескен іс-қимыл жоспары ұсынылып, мақұлданды, сондай-ақ "Ташкент декларациясы" қабылданды.