АСТАНА. 28-наурыз. Kazakhstan Today. Транскаспий құбырын тарту әзірге тек сөз жүзіндегі мәселе түрінде ғана талқылануда. Бұл туралы бүгін еліміздің сыртқы істер министрі Марат Тәжин баспасөз мәслихатында мәлімдеді, деп хабарлайды Kazakhstan Today тілшісі.
"Ең алдымен Каспий теңізінің құқықтық мәртебесіне қатысты мәселенің басын ашып алу керек. Изерге мәртебе айқындалмай тұрып Каспийдің табаны арқылы тартылатын құбыр туралы сөз қозғау қиын",- деді М.Тәжин. "Бұл мәселені шешудің қазіргі заманғы технологиялық мүмкіндіктері бар. Бірақ олар туралы айту әзірге ерте",- деді ол. "Сауатты құрылған экономикалық қамтамасыздықсыз жобаның орындылығы туралы айту да күрделі",- деді министр.
Ақпаратты пайдаланған жағдайда «Kazakhstan Today» ақпараттық агенттігіне сілтеме жасау міндетті
Транскаспий құбырын тарту әзірге тек сөз жүзіндегі мәселе түрінде ғана талқылануда - ҚР СІМ
тақырып бойынша жаңалықтар
Министрлік Орталық Азия елдерінің өңірлік қауіпсіздігі мәселелері жөніндегі халықаралық конференцияға қатысты
Сурет: МИОР РК
Ташкентте "БҰҰ Жаһандық терроризмге қарсы стратегиясын іске асыру жөніндегі бірлескен іс-қимыл жоспары шеңберінде Орталық Азия елдерінің өңірлік ынтымақтастығы" тақырыбында жоғары деңгейдегі халықаралық конференция ұйымдастырылды, деп хабарлайды KAZAKHSTAN TODAY
Ағымдағы жылғы 3-4 наурызда Біріккен Ұлттар Ұйымының, сондай-ақ Орталық Азия елдерінің өкілдері өзара Терроризмге қарсы ынтымақтастықтың нәтижелерін бағалау мәселелерін талқылады.
Қазақстандық делегация құрамында АҚДМ Дін істері комитеті төрағасының орынбасары Бауыржан Бакиров қатысты.
Б.Бакиров министрліктің дін саласындағы іске асырып жатқан мемлекеттік саясаты туралы баяндама жасап, отандық заңнамамен, экстремизм мен терроризмге қарсы іс-қимыл жөніндегі мемлекеттік бағдарламалармен, сондай-ақ діни экстремизм мен терроризмнің алдын алу жөніндегі жұмыстардың негізгі бағыттарымен таныстырды.
Іс-шарада бұрын қолданыста болған бірлескен іс-қимыл жоспары шеңберіндегі 10 жылдық ынтымақтастықтың қорытындылары шығарылып, терроризмге қарсы күрес саласындағы өңірлік және халықаралық ынтымақтастық перспективаларының ағымдағы және болашақ үрдістері талқыланды.
Конференция соңында Орталық Азияда Жаһандық терроризмге қарсы стратегияны іске асыру жөніндегі бірлескен іс-қимыл жоспары ұсынылып, мақұлданды, сондай-ақ "Ташкент декларациясы" қабылданды.