Түрікменстан елшісі сенат спикерімен кездесті
Түрікменстан елшісі сенат спикерімен кездесті
Астана. 15 қаңтар. "Қазақстан Бүгін" - Қазақстан Республикасы парламенті cенатының nөрағасы Қасым-Жомарт Тоқаев Түрікменстан Республикасының елімізде тіркелген елшісі, дипломатиялық корпустың дуайені Мухамед Абалаковты оның өтініші бойынша қабылдады, деп хабарлайды агенттік сенаттың баспасөз қыдметіне сілтеме жасап.
Баспасөз қызметінің ақпаратына сәйкес, кездесу барысында Қазақстан мен Түрікменстан Республикасы арасындағы ынтымақтастықты одан әрі дамыту мәселелері талқыланды.
Қ.Тоқаев екі ел арасындағы "қарым-қатынастардың нығая түскенін, екіжақты әріптестік тұрғысындағы қатынастарға мемлекет басшыларының кездесулерінде қол жеткен уағдаластықтар тың серпін бергенін" атап өтті.
Сенат төрағасы Қазақстан мен Түрікменстан елдері арасындағы достық қарым-қатынастарды дамытуға қосқан үлесі үшін түрікмен елшісіне алғысын білдіріп, парламент сенатының Құрмет грамотасымен марапаттады.
Ақпаратты пайдаланған жағдайда "Казахстан Сегодня" ақпараттық агенттігіне сілтеме жасау міндетті
тақырып бойынша жаңалықтар
Министрлік Орталық Азия елдерінің өңірлік қауіпсіздігі мәселелері жөніндегі халықаралық конференцияға қатысты
Сурет: МИОР РК
Ташкентте "БҰҰ Жаһандық терроризмге қарсы стратегиясын іске асыру жөніндегі бірлескен іс-қимыл жоспары шеңберінде Орталық Азия елдерінің өңірлік ынтымақтастығы" тақырыбында жоғары деңгейдегі халықаралық конференция ұйымдастырылды, деп хабарлайды KAZAKHSTAN TODAY
Ағымдағы жылғы 3-4 наурызда Біріккен Ұлттар Ұйымының, сондай-ақ Орталық Азия елдерінің өкілдері өзара Терроризмге қарсы ынтымақтастықтың нәтижелерін бағалау мәселелерін талқылады.
Қазақстандық делегация құрамында АҚДМ Дін істері комитеті төрағасының орынбасары Бауыржан Бакиров қатысты.
Б.Бакиров министрліктің дін саласындағы іске асырып жатқан мемлекеттік саясаты туралы баяндама жасап, отандық заңнамамен, экстремизм мен терроризмге қарсы іс-қимыл жөніндегі мемлекеттік бағдарламалармен, сондай-ақ діни экстремизм мен терроризмнің алдын алу жөніндегі жұмыстардың негізгі бағыттарымен таныстырды.
Іс-шарада бұрын қолданыста болған бірлескен іс-қимыл жоспары шеңберіндегі 10 жылдық ынтымақтастықтың қорытындылары шығарылып, терроризмге қарсы күрес саласындағы өңірлік және халықаралық ынтымақтастық перспективаларының ағымдағы және болашақ үрдістері талқыланды.
Конференция соңында Орталық Азияда Жаһандық терроризмге қарсы стратегияны іске асыру жөніндегі бірлескен іс-қимыл жоспары ұсынылып, мақұлданды, сондай-ақ "Ташкент декларациясы" қабылданды.