АЛМАТЫ. 19-ақпан. Kazakhstan Today. Түрікмения халықаралық ұйымдарға қатысу мәселесінде бейтараптық мәртебесін сақтап қалады, деп мәлімдеді "Түрікменстан" журналына берген сұхбатында жаңа президент Гурбангулы Бердімұхаммедов.
"Түрікменстанның халықаралық ұйымдарға қатысу немесе қатыспауында осынау мүшеліктің еліміз 1995-жылы қабылдаған және бүгінгі күнге дейін бұлжытпай сақтап келе жатқан халықаралық бейтараптық мәртебесіне сәйкестілік - шешуші фактор болып табылады",- деді Г.Бердымұхаммедов өзінің президент ретінде берген алғашқы сұхбатында.
"Түрікменстанның барлық сыртқы саяси қадамының негізінде тұрақты бейтараптық мәртебесін тұрақты сақтау жөніндегі негізгі принцип пен еліміз осы мәртебеге сәйкес жүктеп алған барлық міндеттемелер кешені жатыр. Демек, бізден халықаралық сахнада қандай да бір саяси альянс құруды күтуге болмайды",- деді ол.
Сонымен қатар, Гурбангулы Бердімұхаммедов Түрікменстан өзінің "сенімді серіктерімен" саяси және экономикалық байланыстарын берік ұстанып, оларды одан әрі дамытатындығын атап көрсетті. "Біз қазірдің өзінде бірқатар елдерден ресми сапарға шақыру алдық. Мұндай іссапарлардың уақыты мен орны нақтылануда",- деп қосты ол.
Осыған байланысты мемлекет басшысы екіжақты Түрікменстан - Ресей мемлекетаралық мүмкіншіліктер әлеуеті "айтарлықтай ұзақ мерзім бойы толық пайдаланылмай келгеніне" тоқтала кетті. "Экономика, ғылым мен техника және мәдени ынтымақтастық салаларында екі жақ өзара қызығушылық танытып отырған, өзіндік жемісін беретін көптеген бағыттар бар",- деді ол.
Сонымен қатар, Гурбангулы Бердімұхаммедов "Түрікменстан бұрындары жасалған екіжақты келісімдерге қатысты халықаралық экономикалық байланыстар саласындағы өз міндеттемелерін сақтап қалатындығын" атап көрсетті.
Ақпаратты пайдаланған жағдайда «Kazakhstan Today» ақпараттық агенттігіне сілтеме жасау міндетті
Түрікменстан халықаралық ұйымдарға қатысу мәселесінде бейтараптық сақтайды
тақырып бойынша жаңалықтар
Министрлік Орталық Азия елдерінің өңірлік қауіпсіздігі мәселелері жөніндегі халықаралық конференцияға қатысты
Сурет: МИОР РК
Ташкентте "БҰҰ Жаһандық терроризмге қарсы стратегиясын іске асыру жөніндегі бірлескен іс-қимыл жоспары шеңберінде Орталық Азия елдерінің өңірлік ынтымақтастығы" тақырыбында жоғары деңгейдегі халықаралық конференция ұйымдастырылды, деп хабарлайды KAZAKHSTAN TODAY
Ағымдағы жылғы 3-4 наурызда Біріккен Ұлттар Ұйымының, сондай-ақ Орталық Азия елдерінің өкілдері өзара Терроризмге қарсы ынтымақтастықтың нәтижелерін бағалау мәселелерін талқылады.
Қазақстандық делегация құрамында АҚДМ Дін істері комитеті төрағасының орынбасары Бауыржан Бакиров қатысты.
Б.Бакиров министрліктің дін саласындағы іске асырып жатқан мемлекеттік саясаты туралы баяндама жасап, отандық заңнамамен, экстремизм мен терроризмге қарсы іс-қимыл жөніндегі мемлекеттік бағдарламалармен, сондай-ақ діни экстремизм мен терроризмнің алдын алу жөніндегі жұмыстардың негізгі бағыттарымен таныстырды.
Іс-шарада бұрын қолданыста болған бірлескен іс-қимыл жоспары шеңберіндегі 10 жылдық ынтымақтастықтың қорытындылары шығарылып, терроризмге қарсы күрес саласындағы өңірлік және халықаралық ынтымақтастық перспективаларының ағымдағы және болашақ үрдістері талқыланды.
Конференция соңында Орталық Азияда Жаһандық терроризмге қарсы стратегияны іске асыру жөніндегі бірлескен іс-қимыл жоспары ұсынылып, мақұлданды, сондай-ақ "Ташкент декларациясы" қабылданды.