АСТАНА. 28-мамыр. Kazakhstan Today. Түрікменстан президенті Гурбангулы Бердымухаммедов екі күндік мемлекеттік сапармен Қазақстанға келді, деп хабарлайды Kazakhstan Today тілшісі.
Түрікменстан жетекшісі мінген ұшақ Астана әуежайына 15 сағат 10 минутта келіп қонды. Иуежайда қонақты ҚР СІМ Марат Тәжин мен ҚР ЭМРМ Бақтықожа Ізмұхамбетов күтіп алды.
Бүгін журналистерге арнап өткізілген қысқаша баспасөз мәслихатында ҚР СІМ-нің ресми өкілі Ержан Ашықбаевтың хабарлауынша, Түрікменстан президенті сапар барысында Елбасы Нұрсұлтан Назарбаевпен кездесіп, екі жақтың үкімет мүшелерінің қатысуымен келіссөздер жүргізеді деп жоспарланған. Бұл келіссөздердің негізгі тақырыбы - қазақ-түркімен саяси, сауда-экономикалық және мәдени-гуманитарлық қарым-қатынастарды дамыту болады.
"Атап айтар болсақ, қазақстандық компаниялардың Түрікменстандағы мұнай-газ кеніштерін игеру жобаларына, елдер арасындағы темір жол тармақтары мен өзге де көлік жолдарының құрылысына қатысу мүмкіндіктерін, сондай-ақ өнеркәсіптің түрлі салаларында бірлескен кәсіпорындар құру мәселелерін талқылау көзделуде. Сапар қарсаңында Алматы мен Ашхабад арасында аптасына екі рет әуе қатынасы қайта іске қосылды",- деді Е.Ашықбаев.
Келіссөздердің нәтижесінде бірқатар екі жақты құжаттарға қол қою көзделуде.
Ақпаратты пайдаланған жағдайда «Kazakhstan Today» ақпараттық агенттігіне сілтеме жасау міндетті
Түрікменстан президенті Астанаға келді
тақырып бойынша жаңалықтар
Министрлік Орталық Азия елдерінің өңірлік қауіпсіздігі мәселелері жөніндегі халықаралық конференцияға қатысты
Сурет: МИОР РК
Ташкентте "БҰҰ Жаһандық терроризмге қарсы стратегиясын іске асыру жөніндегі бірлескен іс-қимыл жоспары шеңберінде Орталық Азия елдерінің өңірлік ынтымақтастығы" тақырыбында жоғары деңгейдегі халықаралық конференция ұйымдастырылды, деп хабарлайды KAZAKHSTAN TODAY
Ағымдағы жылғы 3-4 наурызда Біріккен Ұлттар Ұйымының, сондай-ақ Орталық Азия елдерінің өкілдері өзара Терроризмге қарсы ынтымақтастықтың нәтижелерін бағалау мәселелерін талқылады.
Қазақстандық делегация құрамында АҚДМ Дін істері комитеті төрағасының орынбасары Бауыржан Бакиров қатысты.
Б.Бакиров министрліктің дін саласындағы іске асырып жатқан мемлекеттік саясаты туралы баяндама жасап, отандық заңнамамен, экстремизм мен терроризмге қарсы іс-қимыл жөніндегі мемлекеттік бағдарламалармен, сондай-ақ діни экстремизм мен терроризмнің алдын алу жөніндегі жұмыстардың негізгі бағыттарымен таныстырды.
Іс-шарада бұрын қолданыста болған бірлескен іс-қимыл жоспары шеңберіндегі 10 жылдық ынтымақтастықтың қорытындылары шығарылып, терроризмге қарсы күрес саласындағы өңірлік және халықаралық ынтымақтастық перспективаларының ағымдағы және болашақ үрдістері талқыланды.
Конференция соңында Орталық Азияда Жаһандық терроризмге қарсы стратегияны іске асыру жөніндегі бірлескен іс-қимыл жоспары ұсынылып, мақұлданды, сондай-ақ "Ташкент декларациясы" қабылданды.