АСТАНА. 9-қараша. Kazakhstan Today. Түркі тілдес мемлекеттер басшыларының саммиті 17-қарашада Антальяда өтеді, оған Елбасы Нұрсұлтан Назарбаев қатысады. Бүгін Астанада ҚР СІМ Қасымжомарт Тоқаев Түркия елшісі Танер Себенмен кездесуде алдағы саммитке дайындық барысын талқылады, деп хабарлайды Kazakhstan Today агенттігіне ҚР СІМ-нің баспасөз қызметі.
Баспасөз қызметінің ақпаратына сәйкес, тараптар бұған қоса Қазақстан мен Түркия арасындағы ынтымақтастықты одан әрі дамыту төңірегінде пікір алмасты. Қ.Тоқаев Теңіздегі оқиғалардың қайталануына жол бермеу үшін екі ел үкіметтерінің жақын ықпалдастығы қажет екенін атап өтті.
Бүгін сондай-ақ еліміздің СІМ Ұлыбритания елшісі Пол Браммелді қабылдады. Онда мемлекет басшысының таяуда Біріккен Корольдікке жасайтын ресми сапарына дайындық барысы талқыланды.
Ақпаратты пайдаланған жағдайда «Kazakhstan Today» ақпараттық агенттігіне сілтеме жасау міндетті
Түркі тілдес мемлекеттер басшыларының саммиті 17-қарашада Антальяда өтеді
тақырып бойынша жаңалықтар
Министрлік Орталық Азия елдерінің өңірлік қауіпсіздігі мәселелері жөніндегі халықаралық конференцияға қатысты
Сурет: МИОР РК
Ташкентте "БҰҰ Жаһандық терроризмге қарсы стратегиясын іске асыру жөніндегі бірлескен іс-қимыл жоспары шеңберінде Орталық Азия елдерінің өңірлік ынтымақтастығы" тақырыбында жоғары деңгейдегі халықаралық конференция ұйымдастырылды, деп хабарлайды KAZAKHSTAN TODAY
Ағымдағы жылғы 3-4 наурызда Біріккен Ұлттар Ұйымының, сондай-ақ Орталық Азия елдерінің өкілдері өзара Терроризмге қарсы ынтымақтастықтың нәтижелерін бағалау мәселелерін талқылады.
Қазақстандық делегация құрамында АҚДМ Дін істері комитеті төрағасының орынбасары Бауыржан Бакиров қатысты.
Б.Бакиров министрліктің дін саласындағы іске асырып жатқан мемлекеттік саясаты туралы баяндама жасап, отандық заңнамамен, экстремизм мен терроризмге қарсы іс-қимыл жөніндегі мемлекеттік бағдарламалармен, сондай-ақ діни экстремизм мен терроризмнің алдын алу жөніндегі жұмыстардың негізгі бағыттарымен таныстырды.
Іс-шарада бұрын қолданыста болған бірлескен іс-қимыл жоспары шеңберіндегі 10 жылдық ынтымақтастықтың қорытындылары шығарылып, терроризмге қарсы күрес саласындағы өңірлік және халықаралық ынтымақтастық перспективаларының ағымдағы және болашақ үрдістері талқыланды.
Конференция соңында Орталық Азияда Жаһандық терроризмге қарсы стратегияны іске асыру жөніндегі бірлескен іс-қимыл жоспары ұсынылып, мақұлданды, сондай-ақ "Ташкент декларациясы" қабылданды.