Түркіменстан президенті Санкт-Петербургтегі ТМД елдерінің бейресми саммитінде өз елінің басымдықтарын жариялады
Түркіменстан президенті Санкт-Петербургтегі ТМД елдерінің бейресми саммитінде өз елінің басымдықтарын жариялады
Мәскеу. 9 маусым. "Қазақстан Бүгін" - Түркіменстан президенті Гурбангулы Бердімұхамедов Санкт-Петербургтегі ТМД елдері басшыларының бейресми саммитінің аясында жұма күні өткен Константинов сарайындағы кездесуде Түркіменстан тұғырнамасын ТМД-ның заманауи дамуы сатысындағы қауымдасқан мүшесі ретінде атады, деп хабарлайды "Қазақстан Бүгін" агенттігінің тілшісі.
"Түркіменстанның сыртқы саясатындағы негізгі басымдықтардың бірі барлық мемлекеттермен, әсіресе, ТМД елдерімен екіжақты ынтымақтастықты дамыту болып табылады. Бұл ретте талқыланатын проблемалар мен шешілетін тапсырмаларға байланысты кеңейтілген форматтағы өзара іс-қимыл да жоққа шығарылмайды", - деп мәлімдеді Гурбангулы Бердімұхамедов.
Түркіменстан басшысы соңғы уақыттардағы Түркіменстанның ТМД елдерімен қатынасы жоғары деңгейге жеткенін жеткізді. Оған негізінен ТМД аясындағы саммиттер, ресми кездесулер және басқа да әртүрлі деңгейлердегі шаралар ықпал етіп отыр.
Осыған байланысты ХІІ Петербург халықаралық экономикалық форумын ұйымдастырушылар мен оның қатысушыларына сәттілік тілей отырып Гурбангулы Бердімұхамедов 2009 жылы Ашхабад қаласында ТМД елдерінің ауыл шаруашылық өнімін өндірушілерінің саммитін өткізуге ұсыныс білдірді.
Ақпаратты пайдаланған жағдайда "Казахстан Сегодня" ақпараттық агенттігіне сілтеме жасау міндетті
тақырып бойынша жаңалықтар
Министрлік Орталық Азия елдерінің өңірлік қауіпсіздігі мәселелері жөніндегі халықаралық конференцияға қатысты
Сурет: МИОР РК
Ташкентте "БҰҰ Жаһандық терроризмге қарсы стратегиясын іске асыру жөніндегі бірлескен іс-қимыл жоспары шеңберінде Орталық Азия елдерінің өңірлік ынтымақтастығы" тақырыбында жоғары деңгейдегі халықаралық конференция ұйымдастырылды, деп хабарлайды KAZAKHSTAN TODAY
Ағымдағы жылғы 3-4 наурызда Біріккен Ұлттар Ұйымының, сондай-ақ Орталық Азия елдерінің өкілдері өзара Терроризмге қарсы ынтымақтастықтың нәтижелерін бағалау мәселелерін талқылады.
Қазақстандық делегация құрамында АҚДМ Дін істері комитеті төрағасының орынбасары Бауыржан Бакиров қатысты.
Б.Бакиров министрліктің дін саласындағы іске асырып жатқан мемлекеттік саясаты туралы баяндама жасап, отандық заңнамамен, экстремизм мен терроризмге қарсы іс-қимыл жөніндегі мемлекеттік бағдарламалармен, сондай-ақ діни экстремизм мен терроризмнің алдын алу жөніндегі жұмыстардың негізгі бағыттарымен таныстырды.
Іс-шарада бұрын қолданыста болған бірлескен іс-қимыл жоспары шеңберіндегі 10 жылдық ынтымақтастықтың қорытындылары шығарылып, терроризмге қарсы күрес саласындағы өңірлік және халықаралық ынтымақтастық перспективаларының ағымдағы және болашақ үрдістері талқыланды.
Конференция соңында Орталық Азияда Жаһандық терроризмге қарсы стратегияны іске асыру жөніндегі бірлескен іс-қимыл жоспары ұсынылып, мақұлданды, сондай-ақ "Ташкент декларациясы" қабылданды.