Түркіменстанның президенті Тәжікстанға ресми сапармен келді
Түркіменстанның президенті Тәжікстанға ресми сапармен келді
Душанбе. 4-қазан. "Қазақстан Бүгін" - Түркіменстанның президенті Гурбангулы Бердымухамедов Тәжікстанға екі күндік ресми сапармен келді, деп хабарлайды "Қазақстан Бүгін" агенттігінің тілшісі.
Душанбеде Г. Бердымухамедов Тәжікстанның президенті Эмомоли Рахмонмен үкімет резиденцияда кездесті. Кездесу "1+1" форматында өтті. Күннің екінші жартысында Душанбеде Тәжікстан мен Түркіменстан өкілдерінің қатысуымен келіссөздер өтеді.
Келіссөздер қорытындысы бойныша тәжік-түркімен қатынастарын регламенттейтін тоғыз екіжақты құжатқа қол қойылады, деп күтілуде. Олардың ішінде ең маңыздысы, Достастық және ынтымақтастық туралы келісім болмақ. Сонымен қатар, экономика және сауда, ғылым және техника саласында, инвестицияны қорғау және мадақтау, ауылшаруашылық, мәдениет және білім саласындағы ынтымақтастық туралы келісімдерге қол қою жоспарланған. Елбасы құжаттарға қол қойылғаннан кейін бұқаралық ақпарат құралдарына мәлімдеме жасайды.
5-қазанда Түркіменстанның президенті Тәжікстанның бірқатар нысандарын барғаннан кейін, күннің екінші жартысында ТМД мүше мемлекеттердің басшылары Кеңесінің отырысына қатысады.
Ақпаратты пайдаланған жағдайда «Казахстан Сегодня» ақпараттық агенттігіне сілтеме жасау міндетті
тақырып бойынша жаңалықтар
Министрлік Орталық Азия елдерінің өңірлік қауіпсіздігі мәселелері жөніндегі халықаралық конференцияға қатысты
Сурет: МИОР РК
Ташкентте "БҰҰ Жаһандық терроризмге қарсы стратегиясын іске асыру жөніндегі бірлескен іс-қимыл жоспары шеңберінде Орталық Азия елдерінің өңірлік ынтымақтастығы" тақырыбында жоғары деңгейдегі халықаралық конференция ұйымдастырылды, деп хабарлайды KAZAKHSTAN TODAY
Ағымдағы жылғы 3-4 наурызда Біріккен Ұлттар Ұйымының, сондай-ақ Орталық Азия елдерінің өкілдері өзара Терроризмге қарсы ынтымақтастықтың нәтижелерін бағалау мәселелерін талқылады.
Қазақстандық делегация құрамында АҚДМ Дін істері комитеті төрағасының орынбасары Бауыржан Бакиров қатысты.
Б.Бакиров министрліктің дін саласындағы іске асырып жатқан мемлекеттік саясаты туралы баяндама жасап, отандық заңнамамен, экстремизм мен терроризмге қарсы іс-қимыл жөніндегі мемлекеттік бағдарламалармен, сондай-ақ діни экстремизм мен терроризмнің алдын алу жөніндегі жұмыстардың негізгі бағыттарымен таныстырды.
Іс-шарада бұрын қолданыста болған бірлескен іс-қимыл жоспары шеңберіндегі 10 жылдық ынтымақтастықтың қорытындылары шығарылып, терроризмге қарсы күрес саласындағы өңірлік және халықаралық ынтымақтастық перспективаларының ағымдағы және болашақ үрдістері талқыланды.
Конференция соңында Орталық Азияда Жаһандық терроризмге қарсы стратегияны іске асыру жөніндегі бірлескен іс-қимыл жоспары ұсынылып, мақұлданды, сондай-ақ "Ташкент декларациясы" қабылданды.