Уәлихан Қайсаров мемлекеттік тілден өткен сынақта сүрінді
Уәлихан Қайсаров Президенттікке кандидаттардың мемлекеттік тілді еркін меңгеруін анықтау жөніндегі лингвистикалық комиссияның сынынан өте алмады, деп хабарлайды Kazakhstan Today агенттігінің тілшісі.
Астана. 9 - ақпан. Kazakhstan Today - Уәлихан Қайсаров Президенттікке кандидаттардың мемлекеттік тілді еркін меңгеруін анықтау жөніндегі лингвистикалық комиссияның сынынан өте алмады, деп хабарлайды Kazakhstan Today агенттігінің тілшісі.
ҚазАқпарат агенттігінің хабарлауынша, Қазақстан Республикасының Президенттігіне кандидат Уәлихан Қайсаров Президенттікке кандидаттардың мемлекеттік тілді еркін меңгеруін анықтау жөніндегі лингвистикалық комиссияның сынынан өте алмаған.
Лингвистикалық комиссия төрағасы Мырзатай Жолдасбековтың айтуынша, мемлекеттік тілді еркін меңгеру сынағы үш түрлі бағыт бойынша жүргізілді. "Атап айтқанда, кандидат екі беттен аспайтын шығарма жазып, кітаптан 3 минуттан аспайтын мәтін оқу керек. Сондай-ақ кандидат мінберден сөйлеп, өз ойын жеткізе алатындығын көрсетуі керек",-деді М. Жолдасбеков.
Комиссия төрағасының сөзінше, У. Қайсаров жазба жұмысы бойынша тақырыпты аша алмады. Оның ойы шашыраңқы болды. Сөйлем құрауда көп қателер жіберді. "Нәтижесінде орфографиялық қателер - 7, пунктуациялық қателер - 11, стилдік қателер - 10 болды. Бас-аяғы 2 беттік жазба жұмысының негізгі қателері - 28 болып шықты",-деді М. Жолдасбеков.
Оның сөзіне қарағанда, У. Қайсаровтың кітәптан мәтін оқуы көңілден шықты. Ал еркін тақырыпта ойы шашыраңқы болған.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
тақырып бойынша жаңалықтар
Министрлік Орталық Азия елдерінің өңірлік қауіпсіздігі мәселелері жөніндегі халықаралық конференцияға қатысты
Сурет: МИОР РК
Ташкентте "БҰҰ Жаһандық терроризмге қарсы стратегиясын іске асыру жөніндегі бірлескен іс-қимыл жоспары шеңберінде Орталық Азия елдерінің өңірлік ынтымақтастығы" тақырыбында жоғары деңгейдегі халықаралық конференция ұйымдастырылды, деп хабарлайды KAZAKHSTAN TODAY
Ағымдағы жылғы 3-4 наурызда Біріккен Ұлттар Ұйымының, сондай-ақ Орталық Азия елдерінің өкілдері өзара Терроризмге қарсы ынтымақтастықтың нәтижелерін бағалау мәселелерін талқылады.
Қазақстандық делегация құрамында АҚДМ Дін істері комитеті төрағасының орынбасары Бауыржан Бакиров қатысты.
Б.Бакиров министрліктің дін саласындағы іске асырып жатқан мемлекеттік саясаты туралы баяндама жасап, отандық заңнамамен, экстремизм мен терроризмге қарсы іс-қимыл жөніндегі мемлекеттік бағдарламалармен, сондай-ақ діни экстремизм мен терроризмнің алдын алу жөніндегі жұмыстардың негізгі бағыттарымен таныстырды.
Іс-шарада бұрын қолданыста болған бірлескен іс-қимыл жоспары шеңберіндегі 10 жылдық ынтымақтастықтың қорытындылары шығарылып, терроризмге қарсы күрес саласындағы өңірлік және халықаралық ынтымақтастық перспективаларының ағымдағы және болашақ үрдістері талқыланды.
Конференция соңында Орталық Азияда Жаһандық терроризмге қарсы стратегияны іске асыру жөніндегі бірлескен іс-қимыл жоспары ұсынылып, мақұлданды, сондай-ақ "Ташкент декларациясы" қабылданды.