АСТАНА. 8-қыркүйек. Kazakhstan Today. Аудандар мен облыстық маңызы бар қалалардың әкімдері сайлауына қатысуға әзірге екі үміткер ғана аттарын ұсынды, деп хабарлады бүгін Орталық сайлау комиссиясының төрағасы Оңалсын Жұмабеков.
"7-қыркүйектегі жағдаймен Атырау облысының Мақат ауданында екі үміткердің аты ұсынылды",- деді О.Жұмабеков Орталық сайлау комиссиясының жиналысында.
Бұдан бұрын да хабарлағанымыздай, еліміздегі аудан әкімдерінің сайлауы 20-қазанда өтеді. Орталық сайлау комиссиясының сайлау алдындағы шаралардың жоспарына сәйкес, қыркүйектің 5 мен 19 аралығында үміткерлердің аты ұсынылса, үміткерлерді тіркеу қыркүйектің 10 мен 24 аралығына белгіленді. Сайлау алдындағы үгіт-насихат жұмыстары тіркеу аяқталған күннен басталып, 18-қазанға дейін жалғасады. Сайлау нәтижесі 26-қазанда жария етіледі.
Сайлау Ақмола облысының Ақкөл, Есіл, Жарқайың, Зеренді және Қорғалжың аудандары мен Степногорск қаласында; Ақтөбе облысының Ийтеке би, Алға, Ырғыз және Уыл аудандарында; Алматы облысының Балхаш, Қарасай, Кербұлақ, Көксу және Райымбек аудандары мен Текелі қаласында; Атырау облысының Қызылқоға және Мақат аудандарында; Шығыс Қазақстан облысының Абай, Бородулиха, Глубоковский, Күршім және Шемонаиха аудандары мен Риддер қаласында; Жамбыл облысының Жамбыл, Қордай және Талас аудандарында; Батыс Қазақстан облысының Бөкейорда, Қаратөбе, Сырым және Шыңғырлау аудандарында; Қарағанды облысының Ақтоғай, Осакаровский және Нұра аудандары мен Приозерск, Сәтпаев және Теміртау қалаларында; Қызылорда облысының Арал және Жаңақорған аудандарында; Қостанай облысының Амангелді, Иулиекөл, Қамысты, Қарасу және Қостанай аудандары мен Рудный қаласында; Маңғыстау облысының Бейнеу ауданы мен Жаңаөзен қаласында; Павлодар облысының Қашыр,Май және Успенский аудандары мен Екібастұз қаласында; Солтүстік Қазақстан облысының Ақжар, Ғабит Мүсірепов атындағы, Қызылжар және Тайынша аудандарында; Оңтүстік Қазақстан облысының Мақтаарал, Созақ және Түлкібас аудандары мен Арыс қаласында өтеді.
Сайлау жанама сайлау құқығының негізінде жүзеге асырылады, басқаша айтқанда, әкімдерді тиісті мәслихаттардың депутаттары сайлайды.
Ақпаратты пайдаланған жағдайда «Kazakhstan Today» ақпараттық агенттігіне сілтеме жасау міндетті
Икімдер сайлауына қатысуға әзірге екі үміткер ғана аттарын ұсынды - Орталық сайлау комиссиясы
тақырып бойынша жаңалықтар
Министрлік Орталық Азия елдерінің өңірлік қауіпсіздігі мәселелері жөніндегі халықаралық конференцияға қатысты
Сурет: МИОР РК
Ташкентте "БҰҰ Жаһандық терроризмге қарсы стратегиясын іске асыру жөніндегі бірлескен іс-қимыл жоспары шеңберінде Орталық Азия елдерінің өңірлік ынтымақтастығы" тақырыбында жоғары деңгейдегі халықаралық конференция ұйымдастырылды, деп хабарлайды KAZAKHSTAN TODAY
Ағымдағы жылғы 3-4 наурызда Біріккен Ұлттар Ұйымының, сондай-ақ Орталық Азия елдерінің өкілдері өзара Терроризмге қарсы ынтымақтастықтың нәтижелерін бағалау мәселелерін талқылады.
Қазақстандық делегация құрамында АҚДМ Дін істері комитеті төрағасының орынбасары Бауыржан Бакиров қатысты.
Б.Бакиров министрліктің дін саласындағы іске асырып жатқан мемлекеттік саясаты туралы баяндама жасап, отандық заңнамамен, экстремизм мен терроризмге қарсы іс-қимыл жөніндегі мемлекеттік бағдарламалармен, сондай-ақ діни экстремизм мен терроризмнің алдын алу жөніндегі жұмыстардың негізгі бағыттарымен таныстырды.
Іс-шарада бұрын қолданыста болған бірлескен іс-қимыл жоспары шеңберіндегі 10 жылдық ынтымақтастықтың қорытындылары шығарылып, терроризмге қарсы күрес саласындағы өңірлік және халықаралық ынтымақтастық перспективаларының ағымдағы және болашақ үрдістері талқыланды.
Конференция соңында Орталық Азияда Жаһандық терроризмге қарсы стратегияны іске асыру жөніндегі бірлескен іс-қимыл жоспары ұсынылып, мақұлданды, сондай-ақ "Ташкент декларациясы" қабылданды.