Украина Қазақстанмен арадағы әскери-техникалық ынтымақтастықты күшейте түсуге дайын
"Біз екі жақты ынтымақтастықтың бір құрамдас бөлігі болып табылатын әскери-техникалық ынтымақтастық аясын кеңейте түсуге дайынбыз. Бұл бағытта Украинаның мүмкіндіктері зор", - деді М. Ежель.
Алматы. 20 сәуір. Kazakhstan Today - Украина Қазақстанмен арадағы әскери-техникалық ынтымақтастықты күшейте түсуге дайын. Бұл туралы Украинаның қорғаныс министрі Михаил Ежель Қазақстанның Украинадағы елшісі Амангелді Жұмабаевпен кездесуде мәлімдеді, деп хабарлайды Kazakhstan Today Украина Қорғаныс министрлігінің баспасөз қызметіне сілтеме жасап.
"Біз екі жақты ынтымақтастықтың бір құрамдас бөлігі болып табылатын әскери-техникалық ынтымақтастық аясын кеңейте түсуге дайынбыз. Бұл бағытта Украинаның мүмкіндіктері зор", - деді М. Ежель.
Өз кезегінде елші Қазақстан үшін Украинамен арадағы ынтымақтастықтың маңыздылығына тоқталды.
"Қазақстан мен Украина арасында жақын байланыс бар, Украина біз үшін стратегиялық серіктес", - деді А. Жұмабаев.
Ол бұған қоса Қазақстанның Украинамен арада әскери және әскери-техникалық саладардағы екіжақты жобаларды жүзеге асыруға қызығушылық танытатынын атап көрсетті.
Кездесу барысында М. Ежель мен А. Жұмабаев сонымен қатар Қазақстанның қорғаныс министрі Иділбек Жақсыбековтың Украинаға сапарын ұйымдастыру жайын да талқылады.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
тақырып бойынша жаңалықтар
Министрлік Орталық Азия елдерінің өңірлік қауіпсіздігі мәселелері жөніндегі халықаралық конференцияға қатысты
Сурет: МИОР РК
Ташкентте "БҰҰ Жаһандық терроризмге қарсы стратегиясын іске асыру жөніндегі бірлескен іс-қимыл жоспары шеңберінде Орталық Азия елдерінің өңірлік ынтымақтастығы" тақырыбында жоғары деңгейдегі халықаралық конференция ұйымдастырылды, деп хабарлайды KAZAKHSTAN TODAY
Ағымдағы жылғы 3-4 наурызда Біріккен Ұлттар Ұйымының, сондай-ақ Орталық Азия елдерінің өкілдері өзара Терроризмге қарсы ынтымақтастықтың нәтижелерін бағалау мәселелерін талқылады.
Қазақстандық делегация құрамында АҚДМ Дін істері комитеті төрағасының орынбасары Бауыржан Бакиров қатысты.
Б.Бакиров министрліктің дін саласындағы іске асырып жатқан мемлекеттік саясаты туралы баяндама жасап, отандық заңнамамен, экстремизм мен терроризмге қарсы іс-қимыл жөніндегі мемлекеттік бағдарламалармен, сондай-ақ діни экстремизм мен терроризмнің алдын алу жөніндегі жұмыстардың негізгі бағыттарымен таныстырды.
Іс-шарада бұрын қолданыста болған бірлескен іс-қимыл жоспары шеңберіндегі 10 жылдық ынтымақтастықтың қорытындылары шығарылып, терроризмге қарсы күрес саласындағы өңірлік және халықаралық ынтымақтастық перспективаларының ағымдағы және болашақ үрдістері талқыланды.
Конференция соңында Орталық Азияда Жаһандық терроризмге қарсы стратегияны іске асыру жөніндегі бірлескен іс-қимыл жоспары ұсынылып, мақұлданды, сондай-ақ "Ташкент декларациясы" қабылданды.