АСТАНА. 6-сәуір. Kazakhstan Today. Украина СІМ елдегі текетірес бейбіт жолмен шешілетіндігін мәлімдеп, мемлекеттің ішкі ісіне сырттан араласпау принципін еске салады, деп хабарлайды Kazakhstan Today агенттігі Қазақстандағы Украина елшілігіне сілтеме жасап.
"Украинаның СІМ ел ішіндегі текетірес тек демократиялық және бейбіт жолмен шешілетіндігін жеткізеді",- деп елшілік Украина сыртқы істер министрі Арсений Яценюктің бейсенбіде Украинаның Ұлттық қауіпсіздік және қорғаныс кеңесінің отырысынан кейінгі брифинге жасаған мәлімдемесінен дәйексөз келтіреді.
А.Яценюктің айтуынша, "сайлауды мерзімінен бұрын өткізу - халықаралық тәжірибедегі жаңалық емес". "Мәселен, кейінгі 10 жылда тек Еуропадағы он екі елде сайлаулар мерзімінен бұрын өткізілген",- деді ол. "Демек, тұрақты әрі қалыпты жағдай бұл. Орталық сайлау комиссиясының шешімі болған жағдайда шетелдегі сайлау округі тиісті науқанды өткізуге дайын болмақ",- деді СІМ.
"Халықаралық құқықтың басты принципі - елдің ішкі ісіне араласпау. Оған барлық елдер, соның ішінде Украина да бағынып отыр". "Осы кезеңде ел ішіндегі саяси шиеленісті реттеуге қандай да бір делдалдарды араластыру жөнінде шешім шығарылған жоқ. Сол себепті біз келіп жатқан ұсыныстар үшін ризашылығымызды білдіреміз, бірақ қазіргі жағдайда олар өзекті емес",- деді сыртқы істер министрі.
Ол сонымен қатар Украинаның өзіне жүктеп алған барлық халықаралық міндеттемелерін толық көлемде орындап отырғанын және оларды әріқарай да орындай беретінін атап өтті. "Мемлекеттің сыртқы саяси мекемесі өз жұмысын одан әрі жалғастыруда. Украинада президенттік институт мызғымайтындығын, жоғарғы атқарушы билік ретінде министрлер кабинеті жұмыс істеп жатқанын, толық заңды екенін және өз өкілеттілігін атқарып жатқанын атап өткім келеді. Демек, Украинаның халықаралық міндеттемесін орындамай отырғандығы туралы кез-келген мәселені көтеру орынсыз",- деді дипломат.
Ақпаратты пайдаланған жағдайда «Kazakhstan Today» ақпараттық агенттігіне сілтеме жасау міндетті
Украина СІМ елдегі текетірес бейбіт жолмен шешілетіндігін мәлімдеп, сырттан араласпау принципін еске салады
тақырып бойынша жаңалықтар
Министрлік Орталық Азия елдерінің өңірлік қауіпсіздігі мәселелері жөніндегі халықаралық конференцияға қатысты
Сурет: МИОР РК
Ташкентте "БҰҰ Жаһандық терроризмге қарсы стратегиясын іске асыру жөніндегі бірлескен іс-қимыл жоспары шеңберінде Орталық Азия елдерінің өңірлік ынтымақтастығы" тақырыбында жоғары деңгейдегі халықаралық конференция ұйымдастырылды, деп хабарлайды KAZAKHSTAN TODAY
Ағымдағы жылғы 3-4 наурызда Біріккен Ұлттар Ұйымының, сондай-ақ Орталық Азия елдерінің өкілдері өзара Терроризмге қарсы ынтымақтастықтың нәтижелерін бағалау мәселелерін талқылады.
Қазақстандық делегация құрамында АҚДМ Дін істері комитеті төрағасының орынбасары Бауыржан Бакиров қатысты.
Б.Бакиров министрліктің дін саласындағы іске асырып жатқан мемлекеттік саясаты туралы баяндама жасап, отандық заңнамамен, экстремизм мен терроризмге қарсы іс-қимыл жөніндегі мемлекеттік бағдарламалармен, сондай-ақ діни экстремизм мен терроризмнің алдын алу жөніндегі жұмыстардың негізгі бағыттарымен таныстырды.
Іс-шарада бұрын қолданыста болған бірлескен іс-қимыл жоспары шеңберіндегі 10 жылдық ынтымақтастықтың қорытындылары шығарылып, терроризмге қарсы күрес саласындағы өңірлік және халықаралық ынтымақтастық перспективаларының ағымдағы және болашақ үрдістері талқыланды.
Конференция соңында Орталық Азияда Жаһандық терроризмге қарсы стратегияны іске асыру жөніндегі бірлескен іс-қимыл жоспары ұсынылып, мақұлданды, сондай-ақ "Ташкент декларациясы" қабылданды.