Украинаның Орталық сайлау комиссиясы президент сайлауын өтті деп таныды
Украинаның Орталық сайлау комиссиясы президент сайлауын өтті деп таныды
Алматы. 18 қаңтар. Kazakhstan Today - Украинаның Орталық сайлау комиссиясы президент сайлауын өтті деп танығанын жария етті, деп хабарлайды Kazakhstan Today ИТАР-ТАСС агенттігіне сілтеме жасап.
"Украинадағы 17 қаңтардағы президент сайлауы өтті деп танылды, және бұл - ешкім де қарсы дау айта алмайтын, дәлелденген дерек", - деді Орталық сайлау комиссиясының төрағасы Владимир Шаповал.
Оның айтуынша, Орталық сайлау комиссиясы қазір "таңбасы кеуіп үлгермеген" алғашқы хаттамаларды ала бастады.
Дауыс беру хаттамаларының 80%-ын өңдеуден кейін Украинадағы президент сайлауында Виктор Янукович әлі де Юлия Тимошенконы 11% дауысқа артқа тастап келеді. ОСК мәліметінше, В. Януковичке 35,76%, Ю. Тимошенкоға - 24,72% дауыс берілген.
"Сайлау додасын үшінші болып банкир Сергей Тигипко - 13,05%, төртінші болып - "Фронт перемен" партиясының жетекшісі Арсений Яценюк - 6,96%-пен аяқтады. Қазіргі президент Виктор Ющенко 5-проценттік кедергіден өтті - оның алған дауысы - 5,33%. Бірде-бір үміткерді жақтамағандар 2,21% болды", -деп хабарлайды ИТАР-ТАСС.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
тақырып бойынша жаңалықтар
Министрлік Орталық Азия елдерінің өңірлік қауіпсіздігі мәселелері жөніндегі халықаралық конференцияға қатысты
Сурет: МИОР РК
Ташкентте "БҰҰ Жаһандық терроризмге қарсы стратегиясын іске асыру жөніндегі бірлескен іс-қимыл жоспары шеңберінде Орталық Азия елдерінің өңірлік ынтымақтастығы" тақырыбында жоғары деңгейдегі халықаралық конференция ұйымдастырылды, деп хабарлайды KAZAKHSTAN TODAY
Ағымдағы жылғы 3-4 наурызда Біріккен Ұлттар Ұйымының, сондай-ақ Орталық Азия елдерінің өкілдері өзара Терроризмге қарсы ынтымақтастықтың нәтижелерін бағалау мәселелерін талқылады.
Қазақстандық делегация құрамында АҚДМ Дін істері комитеті төрағасының орынбасары Бауыржан Бакиров қатысты.
Б.Бакиров министрліктің дін саласындағы іске асырып жатқан мемлекеттік саясаты туралы баяндама жасап, отандық заңнамамен, экстремизм мен терроризмге қарсы іс-қимыл жөніндегі мемлекеттік бағдарламалармен, сондай-ақ діни экстремизм мен терроризмнің алдын алу жөніндегі жұмыстардың негізгі бағыттарымен таныстырды.
Іс-шарада бұрын қолданыста болған бірлескен іс-қимыл жоспары шеңберіндегі 10 жылдық ынтымақтастықтың қорытындылары шығарылып, терроризмге қарсы күрес саласындағы өңірлік және халықаралық ынтымақтастық перспективаларының ағымдағы және болашақ үрдістері талқыланды.
Конференция соңында Орталық Азияда Жаһандық терроризмге қарсы стратегияны іске асыру жөніндегі бірлескен іс-қимыл жоспары ұсынылып, мақұлданды, сондай-ақ "Ташкент декларациясы" қабылданды.