ҰҚШҰ елдері Орталық Азияда жаңа әскери құрылым құрмақ ниетте
Бішкек. 12 қыркүйек. "Қазақстан Бүгін" - ҰҚШҰ елдері Орталық Азияда жаңа әскери құрылым құрмақ ниетте. Бұл туралы ҰҚШҰ бас хатшысы Николай Бордюжа Бішкекте бүгін өтіп жатқан ҰҚШҰ мүше елдердің төтенше жағдайлар жөніндегі үйлестіру кеңесінің бірінші отырысы барысында мәлімдеді, деп хабарлайды агенттік тілшісі.
Н. Бордюжаның айтуынша, "Ұжымдық қауіпсіздік шарты ұйымына мүше барлық елдер өз айналасында әскери нысандардың пайда болуына немесе зымыраннан қорғаныс жүйесінің құрылып жатқанына алаңдаулы. Мұндай әрекеттер ҰҚШҰ шептерінде жаңа әскери инфрақұрылым қалыптастыру, Кеңестер одағы дәуіріндегі оның кейбір элементтерін қайта қалпына келтіру қажеттігін тудырады".
Оның айтуынша, ұйымның әскери жағын күшейту туралы шешім Мәскеуде өткен ҰҚШҰ саммитінде қабылданды.
Ақпаратты пайдаланған жағдайда "Казахстан Сегодня" ақпараттық агенттігіне сілтеме жасау міндетті
тақырып бойынша жаңалықтар
Министрлік Орталық Азия елдерінің өңірлік қауіпсіздігі мәселелері жөніндегі халықаралық конференцияға қатысты
Сурет: МИОР РК
Ташкентте "БҰҰ Жаһандық терроризмге қарсы стратегиясын іске асыру жөніндегі бірлескен іс-қимыл жоспары шеңберінде Орталық Азия елдерінің өңірлік ынтымақтастығы" тақырыбында жоғары деңгейдегі халықаралық конференция ұйымдастырылды, деп хабарлайды KAZAKHSTAN TODAY
Ағымдағы жылғы 3-4 наурызда Біріккен Ұлттар Ұйымының, сондай-ақ Орталық Азия елдерінің өкілдері өзара Терроризмге қарсы ынтымақтастықтың нәтижелерін бағалау мәселелерін талқылады.
Қазақстандық делегация құрамында АҚДМ Дін істері комитеті төрағасының орынбасары Бауыржан Бакиров қатысты.
Б.Бакиров министрліктің дін саласындағы іске асырып жатқан мемлекеттік саясаты туралы баяндама жасап, отандық заңнамамен, экстремизм мен терроризмге қарсы іс-қимыл жөніндегі мемлекеттік бағдарламалармен, сондай-ақ діни экстремизм мен терроризмнің алдын алу жөніндегі жұмыстардың негізгі бағыттарымен таныстырды.
Іс-шарада бұрын қолданыста болған бірлескен іс-қимыл жоспары шеңберіндегі 10 жылдық ынтымақтастықтың қорытындылары шығарылып, терроризмге қарсы күрес саласындағы өңірлік және халықаралық ынтымақтастық перспективаларының ағымдағы және болашақ үрдістері талқыланды.
Конференция соңында Орталық Азияда Жаһандық терроризмге қарсы стратегияны іске асыру жөніндегі бірлескен іс-қимыл жоспары ұсынылып, мақұлданды, сондай-ақ "Ташкент декларациясы" қабылданды.