ҰҚШҰ елдерінің өкілдері осы мемлекеттердің жастары үшін бірыңғай ақпараттық кеңістік құруды ұсынады
ҰҚШҰ елдерінің өкілдері осы мемлекеттердің жастары үшін бірыңғай ақпараттық кеңістік құруды ұсынады
Бішкек. 27 маусым. "Қазақстан Бүгін" - ҰҚШҰ елдерінің өкілдері осы мемлекеттердің жастары үшін бірыңғай ақпараттық кеңістік құруды ұсынады. Бұл ұсыныс Ұйым мүшелерінің ақпараттық қауіпсіздігін қамтамасыз ету проблемаларына арналған халықаралық конференцияда жарияланды, деп хабарлайды "Қазақстан Бүгін" агенттігінің тілшісі.
Бірыңғай ақпараттық кеңістікті құру ҰҚШҰ елдерінің жастарының арасындағы байланыстарды нығайтуға, білімді жетілдіруге, азаматтардың әлеуметтік қамсыздандырылуына, жас ұрпақты мемлекеттік басқаруға тартуға, жастар парламентаризміне арналатын электрондық сайттарды ашуды көздейді.
"ҰҚШҰ елдерінің жастары үшін бірыңғай ақпараттық кеңістікке ҰҚШҰ мемлекеттері тарапынан қолдау көрсетілуі тиіс", - деп мәлімдеді Қырғызстанның Білім министрлігінің өкілі Ұлан Бірімқұлов.
Ақпаратты пайдаланған жағдайда "Казахстан Сегодня" ақпараттық агенттігіне сілтеме жасау міндетті
тақырып бойынша жаңалықтар
Министрлік Орталық Азия елдерінің өңірлік қауіпсіздігі мәселелері жөніндегі халықаралық конференцияға қатысты
Сурет: МИОР РК
Ташкентте "БҰҰ Жаһандық терроризмге қарсы стратегиясын іске асыру жөніндегі бірлескен іс-қимыл жоспары шеңберінде Орталық Азия елдерінің өңірлік ынтымақтастығы" тақырыбында жоғары деңгейдегі халықаралық конференция ұйымдастырылды, деп хабарлайды KAZAKHSTAN TODAY
Ағымдағы жылғы 3-4 наурызда Біріккен Ұлттар Ұйымының, сондай-ақ Орталық Азия елдерінің өкілдері өзара Терроризмге қарсы ынтымақтастықтың нәтижелерін бағалау мәселелерін талқылады.
Қазақстандық делегация құрамында АҚДМ Дін істері комитеті төрағасының орынбасары Бауыржан Бакиров қатысты.
Б.Бакиров министрліктің дін саласындағы іске асырып жатқан мемлекеттік саясаты туралы баяндама жасап, отандық заңнамамен, экстремизм мен терроризмге қарсы іс-қимыл жөніндегі мемлекеттік бағдарламалармен, сондай-ақ діни экстремизм мен терроризмнің алдын алу жөніндегі жұмыстардың негізгі бағыттарымен таныстырды.
Іс-шарада бұрын қолданыста болған бірлескен іс-қимыл жоспары шеңберіндегі 10 жылдық ынтымақтастықтың қорытындылары шығарылып, терроризмге қарсы күрес саласындағы өңірлік және халықаралық ынтымақтастық перспективаларының ағымдағы және болашақ үрдістері талқыланды.
Конференция соңында Орталық Азияда Жаһандық терроризмге қарсы стратегияны іске асыру жөніндегі бірлескен іс-қимыл жоспары ұсынылып, мақұлданды, сондай-ақ "Ташкент декларациясы" қабылданды.