ҰҚШҰ Орта Азия өңірінде бірлескен әскери топ құрмақ
ҰҚШҰ Орта Азия өңірінде бірлескен әскери топ құрмақ
Алматы. 28 шілде. "Қазақстан Бүгін" - Ұжымдық қауіпсіздік шарты ұйымына мүше мемлекеттер Орта Азия өңірінде бірлескен әскери топ құрады. Бұл туралы ҰҚШҰ бас хатшысы Николай Бордюжа Мәскеуде ұйымға мүше мемлекеттердің өкілдерімен кеңескеннен кейін мәлімдеді, деп хабарлайды "Қазақстан Бүгін" агенттігінің тілшісі "Газета" ақпарат агенттігіне сілтеме жасай отырып.
"Орта Азия өңірінде бірлескен әскери күш пен топ міндетті түрде құрылады. Ол Ауғанстандағы күрделі жағдайды ескере отырып, өңірдегі әскери-саяси ұстау факторы болуға арналған", - деп атап көрсетті ҰҚШҰ бас хатшысы.
ҰҚШҰ-на Армения, Беларусь, Қазақстан, Қырғызстан, Ресей, Тәжікстан мен Өзбекстан мемлекеттері кіреді.
Ақпаратты пайдаланған жағдайда "Казахстан Сегодня" ақпараттық агенттігіне сілтеме жасау міндетті
тақырып бойынша жаңалықтар
Министрлік Орталық Азия елдерінің өңірлік қауіпсіздігі мәселелері жөніндегі халықаралық конференцияға қатысты
Сурет: МИОР РК
Ташкентте "БҰҰ Жаһандық терроризмге қарсы стратегиясын іске асыру жөніндегі бірлескен іс-қимыл жоспары шеңберінде Орталық Азия елдерінің өңірлік ынтымақтастығы" тақырыбында жоғары деңгейдегі халықаралық конференция ұйымдастырылды, деп хабарлайды KAZAKHSTAN TODAY
Ағымдағы жылғы 3-4 наурызда Біріккен Ұлттар Ұйымының, сондай-ақ Орталық Азия елдерінің өкілдері өзара Терроризмге қарсы ынтымақтастықтың нәтижелерін бағалау мәселелерін талқылады.
Қазақстандық делегация құрамында АҚДМ Дін істері комитеті төрағасының орынбасары Бауыржан Бакиров қатысты.
Б.Бакиров министрліктің дін саласындағы іске асырып жатқан мемлекеттік саясаты туралы баяндама жасап, отандық заңнамамен, экстремизм мен терроризмге қарсы іс-қимыл жөніндегі мемлекеттік бағдарламалармен, сондай-ақ діни экстремизм мен терроризмнің алдын алу жөніндегі жұмыстардың негізгі бағыттарымен таныстырды.
Іс-шарада бұрын қолданыста болған бірлескен іс-қимыл жоспары шеңберіндегі 10 жылдық ынтымақтастықтың қорытындылары шығарылып, терроризмге қарсы күрес саласындағы өңірлік және халықаралық ынтымақтастық перспективаларының ағымдағы және болашақ үрдістері талқыланды.
Конференция соңында Орталық Азияда Жаһандық терроризмге қарсы стратегияны іске асыру жөніндегі бірлескен іс-қимыл жоспары ұсынылып, мақұлданды, сондай-ақ "Ташкент декларациясы" қабылданды.