ЛОНДОН. 20-наурыз. Kazakhstan Today. Ұлыбританиядағы Қазақстан елшісі Ерлан Ыдырысов Лондон Сити мэрі Джордж Статтардпен екі жақты ынтымақтастық мәселелерін талқылады. Бұл туралы Kazakhstan Today тілшісіне Ұлыбританиядағы Қазақстан елшілігінен хабарлады.
Елшіліктің ақпаратына сәйкес, елші мен Лондон Сити мэрінің кездесуі Дж.Саттардтың Қазақстанға ресми сапары қарсаңында өтті. Ол 2007-жылдың 28-30 наурызында Елбасының шақыруымен елімізге келеді деп күтілуде.
Келіссөздер барысында Е.Ыдырысов Дж.Саттардқа Қазақстан президентінің жолдауының мән-мазмұны туралы ақпарат беріп, Қазақстан-Ұлыбритания қарым-қатынастарының басты ерекшеліктері мен Қазақстандағы саяси-экономикалық ахуал туралы талқылады.
Алдағы сапар аясында мэр ел басшылығының бірқатар өкілдерімен, атап айтсақ, сенат төрағасы Қасым-Жомарт Тоқаевпен, мәжіліс төрағасы Орал Мұхамеджановпен, ҚР Жоғарғы сотының төрағасы Қайрат Мәмимен кездеседі. Сонымен бірге Ұлыбританиялық өкілдер 28-наурызда "Financial Times" басылымы мен Алматыдағы аймақтық қаржы орталығының қызметін реттеу жөніндегі ҚР агенттігі бірлесе ұйымдастырған "Kazakhstan Growth and Capital Markets Forum" атты халықаралық бас қосуға қатысады.
Дж.Саттардпен бірге елімізге Лондон Сити шерифі Д.Льюис пен Лондон қор биржасының (LSE) төрағасы К.Гибсон-Смит келеді. LSE басшысының сапары Алматыдағы аймақтық қаржы орталығы мен Лондон капитал рыногы арасындағы ұзақ мерзімді әріптестіктің құрамды бөлігі болып табылады. Иріптестік Алматыдағы аймақтық қаржы орталығы мен Лондон қор биржасы арасында былтыр қол қойылған ынтымақтастық туралы меморандумға негізделеді.
Ақпаратты пайдаланған жағдайда «Kazakhstan Today» ақпараттық агенттігіне сілтеме жасау міндетті
Ұлыбританиядағы Қазақстан елшісі Лондон Сити мэрімен екі жақты ынтымақтастық мәселелерін талқылады
тақырып бойынша жаңалықтар
Министрлік Орталық Азия елдерінің өңірлік қауіпсіздігі мәселелері жөніндегі халықаралық конференцияға қатысты
Сурет: МИОР РК
Ташкентте "БҰҰ Жаһандық терроризмге қарсы стратегиясын іске асыру жөніндегі бірлескен іс-қимыл жоспары шеңберінде Орталық Азия елдерінің өңірлік ынтымақтастығы" тақырыбында жоғары деңгейдегі халықаралық конференция ұйымдастырылды, деп хабарлайды KAZAKHSTAN TODAY
Ағымдағы жылғы 3-4 наурызда Біріккен Ұлттар Ұйымының, сондай-ақ Орталық Азия елдерінің өкілдері өзара Терроризмге қарсы ынтымақтастықтың нәтижелерін бағалау мәселелерін талқылады.
Қазақстандық делегация құрамында АҚДМ Дін істері комитеті төрағасының орынбасары Бауыржан Бакиров қатысты.
Б.Бакиров министрліктің дін саласындағы іске асырып жатқан мемлекеттік саясаты туралы баяндама жасап, отандық заңнамамен, экстремизм мен терроризмге қарсы іс-қимыл жөніндегі мемлекеттік бағдарламалармен, сондай-ақ діни экстремизм мен терроризмнің алдын алу жөніндегі жұмыстардың негізгі бағыттарымен таныстырды.
Іс-шарада бұрын қолданыста болған бірлескен іс-қимыл жоспары шеңберіндегі 10 жылдық ынтымақтастықтың қорытындылары шығарылып, терроризмге қарсы күрес саласындағы өңірлік және халықаралық ынтымақтастық перспективаларының ағымдағы және болашақ үрдістері талқыланды.
Конференция соңында Орталық Азияда Жаһандық терроризмге қарсы стратегияны іске асыру жөніндегі бірлескен іс-қимыл жоспары ұсынылып, мақұлданды, сондай-ақ "Ташкент декларациясы" қабылданды.