АСТАНА. 26-наурыз. Kazakhstan Today. Ұлыбританияның бизнес өкілдері Қазақстан мен Ұлыбритания арасында сауда-экономикалық байланыстарды одан әрі дамыту мен нығайту жөнінде келіссөздер жүргізу үшін елімізге келмекші.
Бұл туралы бүгін журналистерге арнап өткізілген қысқаша баспасөз мәслихатында ҚР СІМ-нің ресми өкілі Ержан Ашықбаев құлағдар етті,- деп хабарлайды Kazakhstan Today тілшісі.
Делегацияны 2006 жылдың қарашасында Елбасының Ұлыбританияға ресми сапары барысында қол жеткен уағдаластықтарға сәйкес, Лондон Ситидің Лорд-Мэрі Джон Статтард басқарады. Ол 28-30 наурыз аралығында Қазақстан Республикасына ресми сапармен келеді деп күтілуде.
Лорд-Мэрдің Астанаға сапары барысында Қазақстан-Ұлыбритания сауда-экономикалық байланыстарды одан әрі дамыту мен нығайту, Алматы қаласы өңірлік қаржы орталығын ілгерлету бойынша кездесу-пікір алмасу жоспарланған.
Сондай-ақ, сапар барысында ҚР Алматы қаласының өңірлік қаржы орталығының қызметін реттеу жөніндегі агенттігі (АӨҚО), Лондон қор биржасы, Алматы қаласының әкімдігі, "ОДҚ "Қазына" АҚ, "МАБҚХ "Самұрық" АҚ және "Financial Times" баспасының қатысуымен семинарлар мен дөңгелек үстелдер өткізу жоспарланған.
Ақпаратты пайдаланған жағдайда «Kazakhstan Today» ақпараттық агенттігіне сілтеме жасау міндетті
Ұлыбританияның бизнес өкілдері Қазақстан мен Ұлыбритания арасында сауда-экономикалық байланыстарды одан әрі дамыту мен нығайту жөнінде келіссөздер жүргізу үшін елімізге келмекші
тақырып бойынша жаңалықтар
Министрлік Орталық Азия елдерінің өңірлік қауіпсіздігі мәселелері жөніндегі халықаралық конференцияға қатысты
Сурет: МИОР РК
Ташкентте "БҰҰ Жаһандық терроризмге қарсы стратегиясын іске асыру жөніндегі бірлескен іс-қимыл жоспары шеңберінде Орталық Азия елдерінің өңірлік ынтымақтастығы" тақырыбында жоғары деңгейдегі халықаралық конференция ұйымдастырылды, деп хабарлайды KAZAKHSTAN TODAY
Ағымдағы жылғы 3-4 наурызда Біріккен Ұлттар Ұйымының, сондай-ақ Орталық Азия елдерінің өкілдері өзара Терроризмге қарсы ынтымақтастықтың нәтижелерін бағалау мәселелерін талқылады.
Қазақстандық делегация құрамында АҚДМ Дін істері комитеті төрағасының орынбасары Бауыржан Бакиров қатысты.
Б.Бакиров министрліктің дін саласындағы іске асырып жатқан мемлекеттік саясаты туралы баяндама жасап, отандық заңнамамен, экстремизм мен терроризмге қарсы іс-қимыл жөніндегі мемлекеттік бағдарламалармен, сондай-ақ діни экстремизм мен терроризмнің алдын алу жөніндегі жұмыстардың негізгі бағыттарымен таныстырды.
Іс-шарада бұрын қолданыста болған бірлескен іс-қимыл жоспары шеңберіндегі 10 жылдық ынтымақтастықтың қорытындылары шығарылып, терроризмге қарсы күрес саласындағы өңірлік және халықаралық ынтымақтастық перспективаларының ағымдағы және болашақ үрдістері талқыланды.
Конференция соңында Орталық Азияда Жаһандық терроризмге қарсы стратегияны іске асыру жөніндегі бірлескен іс-қимыл жоспары ұсынылып, мақұлданды, сондай-ақ "Ташкент декларациясы" қабылданды.