Ил-Каеда басшысы бүлікке шақыруда
Ил-Каеда лаңкестік ұйымының көсемі Айман әл-Завахири, Пәкістан халқы өз елінің үкіметін күшпен құлатуы керек деп мәлімдеді және осылай пәкістандықтарды бүлікке шақырды, деп хабарлайды Хабар агенттігі.
Астана. 16-наурыз. Kazakhstan Today - Ил-Каеда басшысы бүлікке шақыруда, деп хабарлайды Kazakhstan Today агенттігінің тілшісі.
Ил-Каеда лаңкестік ұйымының көсемі Айман әл-Завахири, Пәкістан халқы өз елінің үкіметін күшпен құлатуы керек деп мәлімдеді және осылай пәкістандықтарды бүлікке шақырды, деп хабарлайды Хабар агенттігі.
Ил-Завахиридің үндеуі ғаламтордағы экстремистік сайттардың бірінде жария етілген. Оның айтуынша, Пәкістан үкіметі мен әскерилері АҚШ-пен бірлесе отырып, мұсылмандарға қарсы соғысуда. Ил-Каеда басшысы олар Пәкістандағы тайпалар тұратын ауданда әскери операциялар жүргізіп, АҚШ-тың ұшқышсыз басқарылатын құрылғыларының ұшуына рұқсат беруді исламға қарсы соғыс деп қарастыратынын айтты.
Лаңкестік ұйым басшысының бұл үндеуі қашан және қайда жазып алынғаны белгісіз. Бірақ онда АҚШ-тың ұшқышсыз басқарылатын ұшу құрылғыларының өткен жылғы қараша айындағы шабуылы туралы айтылады. Сол кезде құрылғының зымыран шабуылынан пәкістандық 24 жауынгер қаза тапқан еді. Ал өткен айда әл-Каеда ұйымы Сириядағы үкіметке қарсы қозғалысты қолдаған үндеу жариялаған болатын.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
тақырып бойынша жаңалықтар
Министрлік Орталық Азия елдерінің өңірлік қауіпсіздігі мәселелері жөніндегі халықаралық конференцияға қатысты
Сурет: МИОР РК
Ташкентте "БҰҰ Жаһандық терроризмге қарсы стратегиясын іске асыру жөніндегі бірлескен іс-қимыл жоспары шеңберінде Орталық Азия елдерінің өңірлік ынтымақтастығы" тақырыбында жоғары деңгейдегі халықаралық конференция ұйымдастырылды, деп хабарлайды KAZAKHSTAN TODAY
Ағымдағы жылғы 3-4 наурызда Біріккен Ұлттар Ұйымының, сондай-ақ Орталық Азия елдерінің өкілдері өзара Терроризмге қарсы ынтымақтастықтың нәтижелерін бағалау мәселелерін талқылады.
Қазақстандық делегация құрамында АҚДМ Дін істері комитеті төрағасының орынбасары Бауыржан Бакиров қатысты.
Б.Бакиров министрліктің дін саласындағы іске асырып жатқан мемлекеттік саясаты туралы баяндама жасап, отандық заңнамамен, экстремизм мен терроризмге қарсы іс-қимыл жөніндегі мемлекеттік бағдарламалармен, сондай-ақ діни экстремизм мен терроризмнің алдын алу жөніндегі жұмыстардың негізгі бағыттарымен таныстырды.
Іс-шарада бұрын қолданыста болған бірлескен іс-қимыл жоспары шеңберіндегі 10 жылдық ынтымақтастықтың қорытындылары шығарылып, терроризмге қарсы күрес саласындағы өңірлік және халықаралық ынтымақтастық перспективаларының ағымдағы және болашақ үрдістері талқыланды.
Конференция соңында Орталық Азияда Жаһандық терроризмге қарсы стратегияны іске асыру жөніндегі бірлескен іс-қимыл жоспары ұсынылып, мақұлданды, сондай-ақ "Ташкент декларациясы" қабылданды.