Үлкен сегіздік саммитінде экономикалық мәселелер талқыланады
Жұма күні Кэмп-Дэвидте Үлкен сегіздікке мүше елдердің саммиты жұмысын бастайды. Илемнің бетке ұстар 8 мемлекетінің басшылары осы басқосуда түрлі мәселелерді талқылайды.
Астана. 17-мамыр. Kazakhstan Today Үлкен сегіздік саммитінде экономикалық мәселелер талқыланады, деп хабарлайды Kazakhstan Today агенттігінің тілшісі.
Жұма күні Кэмп-Дэвидте Үлкен сегіздікке мүше елдердің саммиты жұмысын бастайды. Илемнің бетке ұстар 8 мемлекетінің басшылары осы басқосуда түрлі мәселелерді талқылайды.
Дегенмен, сарапшылардың пікірінше, саммитте талқыланатын басты тақырып әлем экономикасының тұрақсыздығы болмақ. Таңдаулы әлем басшыларының ортасына жаңа тұлғалардың қосылуы әрдайым жұртшылықтың қызығушылығын туғызады. Биылғы саммитте бұқаралық ақпарат құралдарының басты назарына Францияның жаңа президенті Франсуа Олланд пен Германия канцлері Ангела Меркель ілігетін түрі бар. Сайлау науқаны барысында Франсуа Олланд экономиканы дамыту үшін Германия ұсынған қатаң үнемдеу шаралары емес, өсімге негізделген саясат керек деп мәлімдеген болатын. Еуропаның ең ірі екі ел басшыларының арасындағы пікір қайшылығы халықаралық қауымдастықты алаңдатып отыр.
"Үлкен сегіздік саммитінде талқыланатын басты тақырып - әлем экономикасының жағдайы болмақ. Сол себепті саммитке қатысушы елдердің басшылары Еуропалық Одақ еуроаймақты құтқару үшін не істейтінін білгісі келетіні анық",- деп мәлім етті саясаттанушы Джордж Перкович.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
тақырып бойынша жаңалықтар
Министрлік Орталық Азия елдерінің өңірлік қауіпсіздігі мәселелері жөніндегі халықаралық конференцияға қатысты
Сурет: МИОР РК
Ташкентте "БҰҰ Жаһандық терроризмге қарсы стратегиясын іске асыру жөніндегі бірлескен іс-қимыл жоспары шеңберінде Орталық Азия елдерінің өңірлік ынтымақтастығы" тақырыбында жоғары деңгейдегі халықаралық конференция ұйымдастырылды, деп хабарлайды KAZAKHSTAN TODAY
Ағымдағы жылғы 3-4 наурызда Біріккен Ұлттар Ұйымының, сондай-ақ Орталық Азия елдерінің өкілдері өзара Терроризмге қарсы ынтымақтастықтың нәтижелерін бағалау мәселелерін талқылады.
Қазақстандық делегация құрамында АҚДМ Дін істері комитеті төрағасының орынбасары Бауыржан Бакиров қатысты.
Б.Бакиров министрліктің дін саласындағы іске асырып жатқан мемлекеттік саясаты туралы баяндама жасап, отандық заңнамамен, экстремизм мен терроризмге қарсы іс-қимыл жөніндегі мемлекеттік бағдарламалармен, сондай-ақ діни экстремизм мен терроризмнің алдын алу жөніндегі жұмыстардың негізгі бағыттарымен таныстырды.
Іс-шарада бұрын қолданыста болған бірлескен іс-қимыл жоспары шеңберіндегі 10 жылдық ынтымақтастықтың қорытындылары шығарылып, терроризмге қарсы күрес саласындағы өңірлік және халықаралық ынтымақтастық перспективаларының ағымдағы және болашақ үрдістері талқыланды.
Конференция соңында Орталық Азияда Жаһандық терроризмге қарсы стратегияны іске асыру жөніндегі бірлескен іс-қимыл жоспары ұсынылып, мақұлданды, сондай-ақ "Ташкент декларациясы" қабылданды.