АСТАНА. 18 -маусым. Kazakhstan Today. Үндістан елшілігі таяу уақыттарда Алматыдан Астанаға көшпекші. Бұл туралы бүгін Қазақстан президенті Нұрсұлтан Назарбаевқа сенімхатын табыс ету рәсімінен кейін Үндістанның төтенше және өкілетті елшісі Ашок Саджанхар мәлім етті, деп хабарлайды Kazakhstan Today тілшісі.
"Біз таяу уақыттарда Алматыдан Астанаға көшетіндігімізді хабарлағам келеді", - деді елші.
Рәсім барысында Н. Назарбаевтың атап көрсеткеніндей, "Қазақстан Үндістанмен арадағы саяси диалогтың дамуына қанағаттанады". "Қазіргі жағдаймен біздің елдер мейлінше өзекті халықаралық проблемалар, соның ішінде көпполярлы әлем құру, қазіргі заманғы қауіп-қатерлермен күресу үшін халықаралық және өңірлік қауіпсіздіктің сенімді құрылымын құру жөніндегі ұстанымдары ұқсас ", - деді президент.
"Біз Үндістанды потенциалдық стратегиялық әріптес деп танимыз және түрлі бағыттар бойынша, соның ішінде ақпараттық технологиялар, әскери-техникалық ынтымақтастық және мәдени-гуманитарлық алмасулар тәрізді бағыттар бойынша Үндістанмен арадағы байланысты дамытуды қолдаймыз", - деді мемлекет басшысы.
Ресми мәліметтерге сәйкес, Қазақстан мен Үндістан арасындағы тауар айналымы 2006 жылы $210,2 млн болды. Қазақстан экономикасына жұмсалған Үндістан инвестициясы $13,2 млн тең.
Ақпаратты пайдаланған жағдайда «Kazakhstan Today» ақпараттық агенттігіне сілтеме жасау міндетті
Үндістан елшілігі таяу уақыттарда Алматыдан Астанаға көшпекші
тақырып бойынша жаңалықтар
Министрлік Орталық Азия елдерінің өңірлік қауіпсіздігі мәселелері жөніндегі халықаралық конференцияға қатысты
Сурет: МИОР РК
Ташкентте "БҰҰ Жаһандық терроризмге қарсы стратегиясын іске асыру жөніндегі бірлескен іс-қимыл жоспары шеңберінде Орталық Азия елдерінің өңірлік ынтымақтастығы" тақырыбында жоғары деңгейдегі халықаралық конференция ұйымдастырылды, деп хабарлайды KAZAKHSTAN TODAY
Ағымдағы жылғы 3-4 наурызда Біріккен Ұлттар Ұйымының, сондай-ақ Орталық Азия елдерінің өкілдері өзара Терроризмге қарсы ынтымақтастықтың нәтижелерін бағалау мәселелерін талқылады.
Қазақстандық делегация құрамында АҚДМ Дін істері комитеті төрағасының орынбасары Бауыржан Бакиров қатысты.
Б.Бакиров министрліктің дін саласындағы іске асырып жатқан мемлекеттік саясаты туралы баяндама жасап, отандық заңнамамен, экстремизм мен терроризмге қарсы іс-қимыл жөніндегі мемлекеттік бағдарламалармен, сондай-ақ діни экстремизм мен терроризмнің алдын алу жөніндегі жұмыстардың негізгі бағыттарымен таныстырды.
Іс-шарада бұрын қолданыста болған бірлескен іс-қимыл жоспары шеңберіндегі 10 жылдық ынтымақтастықтың қорытындылары шығарылып, терроризмге қарсы күрес саласындағы өңірлік және халықаралық ынтымақтастық перспективаларының ағымдағы және болашақ үрдістері талқыланды.
Конференция соңында Орталық Азияда Жаһандық терроризмге қарсы стратегияны іске асыру жөніндегі бірлескен іс-қимыл жоспары ұсынылып, мақұлданды, сондай-ақ "Ташкент декларациясы" қабылданды.