Изербайжан Қазақстанмен арадағы үкіметаралық келісімдерді ратификациялау бойынша мемлекетішілік процедураларды аяқтады
Изербайжан Қазақстанмен арадағы үкіметаралық келісімдерді ратификациялау бойынша мемлекетішілік процедураларды аяқтады
Баку. 24 желтоқсан. Kazakhstan Today - Изербайжан Қазақстанмен арадағы үкіметаралық келісімдерді ратификациялау бойынша мемлекетішілік процедураларды аяқтады, деп хабарлайды Kazakhstan Today осы ел президентінің әкімшілігіне сілтеме жасап.
Атап айтсақ, президент Ильхам Алиевтің бұйрығымен Қазақстан мемлекет басшысының Бакуге 2009 жылдың 2 қазанында жасаған сапары кезінде қол қойылған үш үкіметаралық келісім бекітілді: 1992 - 1993 жылдардағы сауда-экономикалық байланыстар кезінде түзілген берешекті өтеу туралы келісім, ауылшаруашылығы саласындағы ынтымақтастық туралы келісім, Сумгаит және Ақтау секілді бауырлас қалалар арасында қарым-қатынас орнату туралы бірлескен декларация.
Изербайжанның министрлер кабинетіне осы келісімдерді жүзеге асыруға қажетті шараларды қолдану тапсырылды.
Изербайжанның сыртқы істер министрлігіне Қазақстан жағына Изербайжан тарапынан аталған келісімдердің күшіне енуіне қажетті мемлекетішілік процедуралардың орындалғаны туралы хабарландыру тапсырылды.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
тақырып бойынша жаңалықтар
Министрлік Орталық Азия елдерінің өңірлік қауіпсіздігі мәселелері жөніндегі халықаралық конференцияға қатысты
Сурет: МИОР РК
Ташкентте "БҰҰ Жаһандық терроризмге қарсы стратегиясын іске асыру жөніндегі бірлескен іс-қимыл жоспары шеңберінде Орталық Азия елдерінің өңірлік ынтымақтастығы" тақырыбында жоғары деңгейдегі халықаралық конференция ұйымдастырылды, деп хабарлайды KAZAKHSTAN TODAY
Ағымдағы жылғы 3-4 наурызда Біріккен Ұлттар Ұйымының, сондай-ақ Орталық Азия елдерінің өкілдері өзара Терроризмге қарсы ынтымақтастықтың нәтижелерін бағалау мәселелерін талқылады.
Қазақстандық делегация құрамында АҚДМ Дін істері комитеті төрағасының орынбасары Бауыржан Бакиров қатысты.
Б.Бакиров министрліктің дін саласындағы іске асырып жатқан мемлекеттік саясаты туралы баяндама жасап, отандық заңнамамен, экстремизм мен терроризмге қарсы іс-қимыл жөніндегі мемлекеттік бағдарламалармен, сондай-ақ діни экстремизм мен терроризмнің алдын алу жөніндегі жұмыстардың негізгі бағыттарымен таныстырды.
Іс-шарада бұрын қолданыста болған бірлескен іс-қимыл жоспары шеңберіндегі 10 жылдық ынтымақтастықтың қорытындылары шығарылып, терроризмге қарсы күрес саласындағы өңірлік және халықаралық ынтымақтастық перспективаларының ағымдағы және болашақ үрдістері талқыланды.
Конференция соңында Орталық Азияда Жаһандық терроризмге қарсы стратегияны іске асыру жөніндегі бірлескен іс-қимыл жоспары ұсынылып, мақұлданды, сондай-ақ "Ташкент декларациясы" қабылданды.