Изербайжан парламенті ТМД елдерінің Мемлекетаралық гуманитарлық ынтымақтастық қорының қызметі бойынша келісімді бекітті
Изербайжан парламенті ТМД елдерінің Мемлекетаралық гуманитарлық ынтымақтастық қорының қызметі бойынша келісімді бекітті
Баку. 2 сәуір. "Қазақстан Бүгін" - Изербайжан милли меджлисі (парламент) 1 сәуір күні өткен жалпы отырысында ТМД елдерінің Мемлекетаралық гуманитарлық ынтымақтастық қорының қызметіне қатысты бірқатар құжаттарды бекітті, деп хабарлайды "Қазақстан Бүгін" агенттігінің тілшісі.
Атап айтқанда, депутаттар "ТМД елдерінің Мемлекетаралық гуманитарлық ынтымақтастық қорын құру туралы" келісімді, "Қордың лауазымдық айлық жалақысын есептеу схемасы және қордың атқарушы директоратының атқарушы директоры мен қызметкерлерін ақшалай қамтамасыздығы мөлшерлемесін анықтау тәртібі туралы" және "Қор органдарының қызметін қаржылай қамтамасыз ету және атқарушы директорат қызметкерлері санының жоғарғы шегі туралы" қаулыларды бекітті.
Келісімге 2006 жылдың 25 мамырында Ташкент қаласында қол қойылған болатын.
Ақпаратты пайдаланған жағдайда "Казахстан Сегодня" ақпараттық агенттігіне сілтеме жасау міндетті
тақырып бойынша жаңалықтар
Министрлік Орталық Азия елдерінің өңірлік қауіпсіздігі мәселелері жөніндегі халықаралық конференцияға қатысты
Сурет: МИОР РК
Ташкентте "БҰҰ Жаһандық терроризмге қарсы стратегиясын іске асыру жөніндегі бірлескен іс-қимыл жоспары шеңберінде Орталық Азия елдерінің өңірлік ынтымақтастығы" тақырыбында жоғары деңгейдегі халықаралық конференция ұйымдастырылды, деп хабарлайды KAZAKHSTAN TODAY
Ағымдағы жылғы 3-4 наурызда Біріккен Ұлттар Ұйымының, сондай-ақ Орталық Азия елдерінің өкілдері өзара Терроризмге қарсы ынтымақтастықтың нәтижелерін бағалау мәселелерін талқылады.
Қазақстандық делегация құрамында АҚДМ Дін істері комитеті төрағасының орынбасары Бауыржан Бакиров қатысты.
Б.Бакиров министрліктің дін саласындағы іске асырып жатқан мемлекеттік саясаты туралы баяндама жасап, отандық заңнамамен, экстремизм мен терроризмге қарсы іс-қимыл жөніндегі мемлекеттік бағдарламалармен, сондай-ақ діни экстремизм мен терроризмнің алдын алу жөніндегі жұмыстардың негізгі бағыттарымен таныстырды.
Іс-шарада бұрын қолданыста болған бірлескен іс-қимыл жоспары шеңберіндегі 10 жылдық ынтымақтастықтың қорытындылары шығарылып, терроризмге қарсы күрес саласындағы өңірлік және халықаралық ынтымақтастық перспективаларының ағымдағы және болашақ үрдістері талқыланды.
Конференция соңында Орталық Азияда Жаһандық терроризмге қарсы стратегияны іске асыру жөніндегі бірлескен іс-қимыл жоспары ұсынылып, мақұлданды, сондай-ақ "Ташкент декларациясы" қабылданды.