Изербайжан президентінің "Загульба" резиденциясында Ресей және Изербайжан президенттерінің келіссөдері өтті
Изербайжан президентінің "Загульба" резиденциясында Ресей және Изербайжан президенттерінің келіссөдері өтті
Баку. 4 шілде. "Қазақстан Бүгін" - Изербайжан президентінің "Загульба" резиденциясында Ресей және Изербайжан президенттерінің келіссөдері өтті, деп хабарлайды "Қазақстан Бүгін" агенттігінің тілшісі.
Ресей президенті Дмитрий Медведевпен бірге жүрген делегация құрамында Ресейдің бір топ іскерлері бар. Олардың арасында ЛУКОЙЛ президенті, Внешторгбанк басшысы, "Газпром" басқармасының төрағасы, "Альфа-банк" президенті, Ресей темір жолдарының басшысы бар.
Қазіргі уақытта келіссөздер қорытындысы бойынша екіжақты 5 құжатқа қол қойылған. Оның ішінде, Ресей мен Изербайжан арасындағы Достық және стратегиялық серіктестік жөніндегі декларация бар.
Ақпаратты пайдаланған жағдайда "Казахстан Сегодня" ақпараттық агенттігіне сілтеме жасау міндетті
тақырып бойынша жаңалықтар
Министрлік Орталық Азия елдерінің өңірлік қауіпсіздігі мәселелері жөніндегі халықаралық конференцияға қатысты
Сурет: МИОР РК
Ташкентте "БҰҰ Жаһандық терроризмге қарсы стратегиясын іске асыру жөніндегі бірлескен іс-қимыл жоспары шеңберінде Орталық Азия елдерінің өңірлік ынтымақтастығы" тақырыбында жоғары деңгейдегі халықаралық конференция ұйымдастырылды, деп хабарлайды KAZAKHSTAN TODAY
Ағымдағы жылғы 3-4 наурызда Біріккен Ұлттар Ұйымының, сондай-ақ Орталық Азия елдерінің өкілдері өзара Терроризмге қарсы ынтымақтастықтың нәтижелерін бағалау мәселелерін талқылады.
Қазақстандық делегация құрамында АҚДМ Дін істері комитеті төрағасының орынбасары Бауыржан Бакиров қатысты.
Б.Бакиров министрліктің дін саласындағы іске асырып жатқан мемлекеттік саясаты туралы баяндама жасап, отандық заңнамамен, экстремизм мен терроризмге қарсы іс-қимыл жөніндегі мемлекеттік бағдарламалармен, сондай-ақ діни экстремизм мен терроризмнің алдын алу жөніндегі жұмыстардың негізгі бағыттарымен таныстырды.
Іс-шарада бұрын қолданыста болған бірлескен іс-қимыл жоспары шеңберіндегі 10 жылдық ынтымақтастықтың қорытындылары шығарылып, терроризмге қарсы күрес саласындағы өңірлік және халықаралық ынтымақтастық перспективаларының ағымдағы және болашақ үрдістері талқыланды.
Конференция соңында Орталық Азияда Жаһандық терроризмге қарсы стратегияны іске асыру жөніндегі бірлескен іс-қимыл жоспары ұсынылып, мақұлданды, сондай-ақ "Ташкент декларациясы" қабылданды.