Изербайжандағы Қазақстан Республикасының елшісі Изербайжан Республикасының сыртқы істер министріне сенім грамотасының көшірмесін тапсырды
Изербайжандағы Қазақстан Республикасының елшісі Изербайжан Республикасының сыртқы істер министріне сенім грамотасының көшірмесін тапсырды
Баку. 29-ақпан. "Қазақстан Бүгін" - Изербайжанның сыртқы істер министрі Эльмар Мамедьяров бейсенбі, 28-ақпанда Изербайжандағы Қазақстан Республикасының еллшісі болып жуырда жаңадан тағайындалған елшісі Серік Пірімбетовты қабылдады. Бұл туралы "Қазақстан Бүгін" агенттігінің тілшісіне Изербайжан Республикасының Сыртқы істер министрлігінің баспасөз қызметі хабарлады.
Изербайжанның сыртқы істер министріне сенім грамотасының көшірмесін табыс ете тұрып, Серік Пірімбетов оны еліміздегі саяси, экономикалық жағдай және Қазақстанның қазіргі дамуы туралы хабардар етті. Сондай-ақ, ол Қазақстан мен Изербайжанның екі жақты қарым-қатынасының жоғары деңгейін атап көрсетті.
Эльмар Мамедьяров өз кезегінде екі елдің арасындағы стратегиялық серіктестік деңгейіндегі өзара қарым-қатынасты жалғастыра беру және кеңейте түсу қажеттігін айтты. Жаңа салалардағы ынтымақтастықты дамыту және елшінің осы саладағы тиімді жұмысын іске асыру маңыздылығын атап көрсетті.
"Кездесу барысында, сондай-ақ, аймақтық және халықаралық ұйымдар аясындағы ынтымақтастық, аймақтық жобаларға қатысу, Каспий теңізін делимитациялау және өзара қызығушылық тудырып отырған тағы да басқа мәселелер бойынша пікір алмасылды", - деп атап көрсетті Сыртқы істер министрлігі.
Ақпаратты пайдаланған жағдайда "Казахстан Сегодня" ақпараттық агенттігіне сілтеме жасау міндетті
тақырып бойынша жаңалықтар
Министрлік Орталық Азия елдерінің өңірлік қауіпсіздігі мәселелері жөніндегі халықаралық конференцияға қатысты
Сурет: МИОР РК
Ташкентте "БҰҰ Жаһандық терроризмге қарсы стратегиясын іске асыру жөніндегі бірлескен іс-қимыл жоспары шеңберінде Орталық Азия елдерінің өңірлік ынтымақтастығы" тақырыбында жоғары деңгейдегі халықаралық конференция ұйымдастырылды, деп хабарлайды KAZAKHSTAN TODAY
Ағымдағы жылғы 3-4 наурызда Біріккен Ұлттар Ұйымының, сондай-ақ Орталық Азия елдерінің өкілдері өзара Терроризмге қарсы ынтымақтастықтың нәтижелерін бағалау мәселелерін талқылады.
Қазақстандық делегация құрамында АҚДМ Дін істері комитеті төрағасының орынбасары Бауыржан Бакиров қатысты.
Б.Бакиров министрліктің дін саласындағы іске асырып жатқан мемлекеттік саясаты туралы баяндама жасап, отандық заңнамамен, экстремизм мен терроризмге қарсы іс-қимыл жөніндегі мемлекеттік бағдарламалармен, сондай-ақ діни экстремизм мен терроризмнің алдын алу жөніндегі жұмыстардың негізгі бағыттарымен таныстырды.
Іс-шарада бұрын қолданыста болған бірлескен іс-қимыл жоспары шеңберіндегі 10 жылдық ынтымақтастықтың қорытындылары шығарылып, терроризмге қарсы күрес саласындағы өңірлік және халықаралық ынтымақтастық перспективаларының ағымдағы және болашақ үрдістері талқыланды.
Конференция соңында Орталық Азияда Жаһандық терроризмге қарсы стратегияны іске асыру жөніндегі бірлескен іс-қимыл жоспары ұсынылып, мақұлданды, сондай-ақ "Ташкент декларациясы" қабылданды.