Ұжымдық қауіпсіздік шарты ұйымында мемлекетаралық мақсатты бағдарламаларды қаржыландыру жөніндегі ереже жасалды
Ұжымдық қауіпсіздік шарты ұйымында мемлекетаралық мақсатты бағдарламаларды қаржыландыру жөніндегі ереже жасалды
Мәскеу. 15 сәуір. "Қазақстан Бүгін" - Бүгін Ұжымдық қауіпсіздік шарты ұйымы жанындағы Тұрақты кеңес отырысында ұйым хатшылығында дайындалған мемлекетаралық мақсатты бағдарламаларды жасау, қаржыландыру және жүзеге асыру тәртібі жөніндегі ереже жобасы талқыға салынды. Бұл туралы "Қазақстан Бүгін" агенттігінің тілшісіне Ұжымдық қауіпсіздік шарты ұйымының хатшылығы хабарлады. "Ереже ұйым қызметінің сыртқы саясат, әскери-техникалық, әскери-экономикалық және өзге де салалардағы міндеттерді шешуде қолданбалы зерттеулер, перспективалы ғылыми-техникалық, технологиялық, өндірістік және өзге де жұмыстар жасауға жағдай тудыру және оны қаржыландыруға құқықтық негіз болады", - деп хабарлады баспасөз қызметі.
Құжатқа сәйкес мақсатты бағдарламалар ұйымға мүше кем дегенде үш мемлекет қатысып және құжатты ұйымның Ұжымдық қауіпсіздік кеңесі бекіткеннен кейін мемелекетаралық статусын иеленеді.
Баспасөз қызметі хабарлағандай, құзырлы өкілдер құжатпен келісті және оны Ұжымдық қауіпсіздік шарты ұйымының жарғылық органдарының қарауына ұсыну туралы шешім қабылдады.
Құжат 2010 жылға дейінгі кезеңге және одан да әрі қарайғы уақытқа есептелген Ұжымдық қауіпсіздік шарты ұйымының әскери коалициясын құру жоспарына сәйкес дайындалды.
Ақпаратты пайдаланған жағдайда "Казахстан Сегодня" ақпараттық агенттігіне сілтеме жасау міндетті
тақырып бойынша жаңалықтар
Министрлік Орталық Азия елдерінің өңірлік қауіпсіздігі мәселелері жөніндегі халықаралық конференцияға қатысты
Сурет: МИОР РК
Ташкентте "БҰҰ Жаһандық терроризмге қарсы стратегиясын іске асыру жөніндегі бірлескен іс-қимыл жоспары шеңберінде Орталық Азия елдерінің өңірлік ынтымақтастығы" тақырыбында жоғары деңгейдегі халықаралық конференция ұйымдастырылды, деп хабарлайды KAZAKHSTAN TODAY
Ағымдағы жылғы 3-4 наурызда Біріккен Ұлттар Ұйымының, сондай-ақ Орталық Азия елдерінің өкілдері өзара Терроризмге қарсы ынтымақтастықтың нәтижелерін бағалау мәселелерін талқылады.
Қазақстандық делегация құрамында АҚДМ Дін істері комитеті төрағасының орынбасары Бауыржан Бакиров қатысты.
Б.Бакиров министрліктің дін саласындағы іске асырып жатқан мемлекеттік саясаты туралы баяндама жасап, отандық заңнамамен, экстремизм мен терроризмге қарсы іс-қимыл жөніндегі мемлекеттік бағдарламалармен, сондай-ақ діни экстремизм мен терроризмнің алдын алу жөніндегі жұмыстардың негізгі бағыттарымен таныстырды.
Іс-шарада бұрын қолданыста болған бірлескен іс-қимыл жоспары шеңберіндегі 10 жылдық ынтымақтастықтың қорытындылары шығарылып, терроризмге қарсы күрес саласындағы өңірлік және халықаралық ынтымақтастық перспективаларының ағымдағы және болашақ үрдістері талқыланды.
Конференция соңында Орталық Азияда Жаһандық терроризмге қарсы стратегияны іске асыру жөніндегі бірлескен іс-қимыл жоспары ұсынылып, мақұлданды, сондай-ақ "Ташкент декларациясы" қабылданды.