Ұжымдық қауіпсіздік шарты ұйымының әскери-экономикалық ынтымақтастық жөніндегі мемлекетаралық комиссиясының отырысы Бішкекте өтеді
МИСКЕУ. 8-тамыз. Kazakhstan Today. 10-11-тамызда Бішкекте Ұжымдық қауіпсіздік шарты ұйымының әскери-экономикалық ынтымақтастық жөніндегі мемлекетаралық комиссиясының отырысы өтеді. Бұл туралы Kazakhstan Today агенттігіне ұйым хатшылығының баспасөз қызметінен хабарлады.
"Отырыс барысында әскери мақсаттағы өнімдерді жасау, пайдалану, модернизациялау, жөндеу және пайдалы жарату саласындағы нормативтік-техникалық құжаттардың жобасын бірлесе жасау, ұйым шеңберінде қорғаныс-өнеркәсіп кешені кәсіпорындары мен ұйымдарының маманданған бағытын сақтап қалуға бағытталған ұжымдық шаралар қолдану қажеттігі, санаткерлік іс-қызметтің нәтижелерін пайдалану мен қорғау тәртіптері мен оларға қатысты құқықты өзара қорғау шаралары туралы талқылау жоспарланған",- деп хабарлады комиссияның хатшысы Александр Булидоров.
Сонымен бірге комиссия іс-қызметінің ағымдағы жылдағы кейбір қорытындылары мен Ұжымдық қауіпсіздік шарты ұйымының әскери-экономикалық ынтымақтастық жөніндегі мемлекетаралық комиссиясының төрағасының жанында жұмыс тобын құру туралы мәселені қарау межеленген.
Ұжымдық қауіпсіздік шарты ұйымының хатшылығынан хабарлағанындай, әскери-экономикалық ынтымақтастық жөніндегі мемлекетаралық комиссиясы 2005-жылдың 23-маусымында Ұжымдық қауіпсіздік шарты ұйымының ұжымдық қауіпсіздік кеңесінің шешіміне сәйкес құрылған.
тақырып бойынша жаңалықтар
Министрлік Орталық Азия елдерінің өңірлік қауіпсіздігі мәселелері жөніндегі халықаралық конференцияға қатысты
Сурет: МИОР РК
Ташкентте "БҰҰ Жаһандық терроризмге қарсы стратегиясын іске асыру жөніндегі бірлескен іс-қимыл жоспары шеңберінде Орталық Азия елдерінің өңірлік ынтымақтастығы" тақырыбында жоғары деңгейдегі халықаралық конференция ұйымдастырылды, деп хабарлайды KAZAKHSTAN TODAY
Ағымдағы жылғы 3-4 наурызда Біріккен Ұлттар Ұйымының, сондай-ақ Орталық Азия елдерінің өкілдері өзара Терроризмге қарсы ынтымақтастықтың нәтижелерін бағалау мәселелерін талқылады.
Қазақстандық делегация құрамында АҚДМ Дін істері комитеті төрағасының орынбасары Бауыржан Бакиров қатысты.
Б.Бакиров министрліктің дін саласындағы іске асырып жатқан мемлекеттік саясаты туралы баяндама жасап, отандық заңнамамен, экстремизм мен терроризмге қарсы іс-қимыл жөніндегі мемлекеттік бағдарламалармен, сондай-ақ діни экстремизм мен терроризмнің алдын алу жөніндегі жұмыстардың негізгі бағыттарымен таныстырды.
Іс-шарада бұрын қолданыста болған бірлескен іс-қимыл жоспары шеңберіндегі 10 жылдық ынтымақтастықтың қорытындылары шығарылып, терроризмге қарсы күрес саласындағы өңірлік және халықаралық ынтымақтастық перспективаларының ағымдағы және болашақ үрдістері талқыланды.
Конференция соңында Орталық Азияда Жаһандық терроризмге қарсы стратегияны іске асыру жөніндегі бірлескен іс-қимыл жоспары ұсынылып, мақұлданды, сондай-ақ "Ташкент декларациясы" қабылданды.