В.Путин, А.Лукашенко және Н.Назарбаев ықпалдастық мәселелерін талқылайды
19 желтоқсанда Мәскеуде Ұжымдық қауіпсіздік шарты ұйымы Ұжымдық қауіпсіздік кеңесінің кезекті сессиясы, Еуразиялық экономикалық қоғамдастықтың Мемлекетаралық кеңесінің отырысы, сондай-ақ Жоғарғы Еуразиялық экономикалық кеңестің кезекті отырысы өтеді, оған Ресей Федерациясының Президенті В.В.Путин қатысады.
Астана. 17-желтоқсан. Kazakhstan Today - В.Путин, А.Лукашенко және Н.Назарбаев ықпалдастық мәселелерін талқылайды, деп хабарлайды Kazakhstan Today агенттігінің тілшісі.
19 желтоқсанда Мәскеуде Ұжымдық қауіпсіздік шарты ұйымы Ұжымдық қауіпсіздік кеңесінің кезекті сессиясы, Еуразиялық экономикалық қоғамдастықтың Мемлекетаралық кеңесінің отырысы, сондай-ақ Жоғарғы Еуразиялық экономикалық кеңестің кезекті отырысы өтеді, оған Ресей Федерациясының Президенті В.В.Путин қатысады.
Бұл туралы Ресей Президентінің баспасөз қызметі хабарлады.
Мәскеуге осы бірлестіктер қатысушы-елдерінің басшылары - Армения Республикасының, Беларусь Республикасының, Қазақстан Республикасының, Қырғыз Республикасының және Тәжікстан Республикасының президенттері келеді.
ҰҚШҰ Ұжымдық қауіпсіздік кеңесі сессиясының барысында тараптар халықаралық және аймақтық өзекті мәселелерді, соның ішінде Ауғанстандағы жағдайды, ұйымның мүше-мемлекеттерінің өзара іс-қимылы мәселелерін: ұжымдық қауіпсіздік жүйесін жетілдіру және төтенше жағдайларға шұғыл ұжымдық әрекет ету шараларын, сондай-ақ орта мерзімді кезеңдегі ҰҚШҰ дамуы мәселелерін талқылайды. Сессия қорытындысымен бірқатар құжаттарға қол қойылады.
ЕурАзЭҚ саммитінде бірлестікті одан әрі қайта құру және оның қызметін Ресей, Беларус және Қазақстанның Кедендік одағы және Бірыңғай экономикалық кеңістігі ауқымындағы жаңа жағдайға бейімдеу, сондай-ақ қоғамдастық органдарын қаржыландыру мәселелеріне баса көңіл бөлінеді.
Кеден одағы мен Бірыңғай экономикалық кеңістіктің жоғарғы органы - Жоғарғы Еуразиялық экономикалық кеңестік отырысы ауқымында В.В.Путин, А.Г.Лукашенко және Н.И.Назарбаев 2015 жылдың басына қарай Еуразиялық экономикалық одақты қалыптастыруға бағытталған үш мемлекеттің ықпалдастық өзара іс-қимылын дамыту және тереңдету мәселелерін талқылайды, сондай-ақ бірқатар бірлескен құжаттарға қол қояды.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
тақырып бойынша жаңалықтар
Министрлік Орталық Азия елдерінің өңірлік қауіпсіздігі мәселелері жөніндегі халықаралық конференцияға қатысты
Сурет: МИОР РК
Ташкентте "БҰҰ Жаһандық терроризмге қарсы стратегиясын іске асыру жөніндегі бірлескен іс-қимыл жоспары шеңберінде Орталық Азия елдерінің өңірлік ынтымақтастығы" тақырыбында жоғары деңгейдегі халықаралық конференция ұйымдастырылды, деп хабарлайды KAZAKHSTAN TODAY
Ағымдағы жылғы 3-4 наурызда Біріккен Ұлттар Ұйымының, сондай-ақ Орталық Азия елдерінің өкілдері өзара Терроризмге қарсы ынтымақтастықтың нәтижелерін бағалау мәселелерін талқылады.
Қазақстандық делегация құрамында АҚДМ Дін істері комитеті төрағасының орынбасары Бауыржан Бакиров қатысты.
Б.Бакиров министрліктің дін саласындағы іске асырып жатқан мемлекеттік саясаты туралы баяндама жасап, отандық заңнамамен, экстремизм мен терроризмге қарсы іс-қимыл жөніндегі мемлекеттік бағдарламалармен, сондай-ақ діни экстремизм мен терроризмнің алдын алу жөніндегі жұмыстардың негізгі бағыттарымен таныстырды.
Іс-шарада бұрын қолданыста болған бірлескен іс-қимыл жоспары шеңберіндегі 10 жылдық ынтымақтастықтың қорытындылары шығарылып, терроризмге қарсы күрес саласындағы өңірлік және халықаралық ынтымақтастық перспективаларының ағымдағы және болашақ үрдістері талқыланды.
Конференция соңында Орталық Азияда Жаһандық терроризмге қарсы стратегияны іске асыру жөніндегі бірлескен іс-қимыл жоспары ұсынылып, мақұлданды, сондай-ақ "Ташкент декларациясы" қабылданды.