АСТАНА. 31 - шілде. Kazakhstan Today. Жалпыұлттық әлеуметтік-демократиялық партиясы Орталық сайлау комиссиясы жанындағы ақпараттық дауларды қарау жөніндегі қоғамдық кеңес құрамынан шығатындығын мәлімдеді, деп хабарлайды Kazakhstan Today агенттігінің тілшісі.
"Мен қоғамдық кеңесте одан әрі бола алмаймын. Сондықтан да бұл кеңестен өзімнің шығатындығым туралы мәлім етемін",- деп мәлімдеді кеше Орталық сайлау комиссиясы отырысында осы комиссияның жанындағы ЖСДП өкілі Темірлан Тәшімбетов.
Ол, қоғамдық кеңестің 27-шілдеде өткен отырысында "Хабар" агенттігінің Алматыдағы бөлімшесі ЖСДП-ның насихат роликтерін көрсетуден бас тартқандығына байланысты өтінішін қарау барысында аталмыш бейнероликті Бас прокуратураның сараптамасына жіберу туралы шешім қабылданғандығын еске сала кетті. "Роликті насихат басталған кезде Бас прокуратураның сараптамасына жіберу, біздің пайымдауымызша, тек осы роликтерді эфирге шығару мүмкіндігін созу ғана",- деп мәлім етті Т. Тәшімбетов.
Ол сондай-ақ, партия ақпараттық дауларды қарастыру жөніндегі қоғамдық кеңес құрамына басқа өкілін жібере ме дегенді түсіндірмеді.
Сонымен қатар Орталық сайлау комиссиясының төрағасы Қуандық Тұрғанқұлов партия өкіліне олардың шағымдары кеңеске 23-шілдеде келіп түскендігін, ал бейнероликтердің өзін "27-шілдеде түс кезінде" әкелгендігін еске сала кетті.
"Бас прокуратураның қарау мерзіміне тоқталатын болсақ, заң 5 күнді қарастырады. Бес күн ішінде - 6-тамызға дейін - бізге қорытындысын береді",- деді Орталық сайлау комиссиясының төрағасы. Ол сондай-ақ, кеңес жұмысына қатысу немесе қатыспау туралы шешім партия өкілінің өз құқығы екендігін атап көрсетті.
Ақпаратты пайдаланған жағдайда «Kazakhstan Today» ақпараттық агенттігіне сілтеме жасау міндетті
Жалпыұлттық социал -демократиялық партиясы Орталық сайлау комиссиясы жанындағы ақпараттық дауларды қарау жөніндегі қоғамдық кеңес құрамынан шығатындығын мәлімдеді
тақырып бойынша жаңалықтар
Министрлік Орталық Азия елдерінің өңірлік қауіпсіздігі мәселелері жөніндегі халықаралық конференцияға қатысты
Сурет: МИОР РК
Ташкентте "БҰҰ Жаһандық терроризмге қарсы стратегиясын іске асыру жөніндегі бірлескен іс-қимыл жоспары шеңберінде Орталық Азия елдерінің өңірлік ынтымақтастығы" тақырыбында жоғары деңгейдегі халықаралық конференция ұйымдастырылды, деп хабарлайды KAZAKHSTAN TODAY
Ағымдағы жылғы 3-4 наурызда Біріккен Ұлттар Ұйымының, сондай-ақ Орталық Азия елдерінің өкілдері өзара Терроризмге қарсы ынтымақтастықтың нәтижелерін бағалау мәселелерін талқылады.
Қазақстандық делегация құрамында АҚДМ Дін істері комитеті төрағасының орынбасары Бауыржан Бакиров қатысты.
Б.Бакиров министрліктің дін саласындағы іске асырып жатқан мемлекеттік саясаты туралы баяндама жасап, отандық заңнамамен, экстремизм мен терроризмге қарсы іс-қимыл жөніндегі мемлекеттік бағдарламалармен, сондай-ақ діни экстремизм мен терроризмнің алдын алу жөніндегі жұмыстардың негізгі бағыттарымен таныстырды.
Іс-шарада бұрын қолданыста болған бірлескен іс-қимыл жоспары шеңберіндегі 10 жылдық ынтымақтастықтың қорытындылары шығарылып, терроризмге қарсы күрес саласындағы өңірлік және халықаралық ынтымақтастық перспективаларының ағымдағы және болашақ үрдістері талқыланды.
Конференция соңында Орталық Азияда Жаһандық терроризмге қарсы стратегияны іске асыру жөніндегі бірлескен іс-қимыл жоспары ұсынылып, мақұлданды, сондай-ақ "Ташкент декларациясы" қабылданды.