Жеке тұлғалардың Қазақстанға көлік кіргізуіне берілетін жеңілдетілген режимі жақын күндері күшіне енеді
Астана. 1-шілде. Kazakhstan Today Жеке тұлғалардың Қазақстанға көлік кіргізуіне берілетін жеңілдетілген режимі жақын күндері күшіне енеді. Бұл туралы бүгін журналистерге берген сұхбатында ҚР сауда және экономикалық даму министрі Жанар Айтжанова мәлім етті, деп хабарлайды Kazakhstan Today агенттігінің тілшісі.
"Біз қаулының жобасын әзірлеп жатырмыз, оған бүгін қол қойылады, ал ертең баспасөз беттерінде жарық көріп, күшіне енеді",- деп хабарлады Ж. Айтжанова.
Осы қаулыға сәйкес "Қазақстан азаматының келесі жылдың 1-шілдесіне дейін қысқартылған тәртіппен бір жеңіл көлікті импорттық кеден баж салығы мен ҚҚС төлеп кіргізетін мүмкіндіктері бар",- деп атап өтті Ж. Айтжанова.
Министр, аталмыш қысқартылған режим тек жеке тұлғалар үшін екендігін нақтылап өтті.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
тақырып бойынша жаңалықтар
Министрлік Орталық Азия елдерінің өңірлік қауіпсіздігі мәселелері жөніндегі халықаралық конференцияға қатысты
Сурет: МИОР РК
Ташкентте "БҰҰ Жаһандық терроризмге қарсы стратегиясын іске асыру жөніндегі бірлескен іс-қимыл жоспары шеңберінде Орталық Азия елдерінің өңірлік ынтымақтастығы" тақырыбында жоғары деңгейдегі халықаралық конференция ұйымдастырылды, деп хабарлайды KAZAKHSTAN TODAY
Ағымдағы жылғы 3-4 наурызда Біріккен Ұлттар Ұйымының, сондай-ақ Орталық Азия елдерінің өкілдері өзара Терроризмге қарсы ынтымақтастықтың нәтижелерін бағалау мәселелерін талқылады.
Қазақстандық делегация құрамында АҚДМ Дін істері комитеті төрағасының орынбасары Бауыржан Бакиров қатысты.
Б.Бакиров министрліктің дін саласындағы іске асырып жатқан мемлекеттік саясаты туралы баяндама жасап, отандық заңнамамен, экстремизм мен терроризмге қарсы іс-қимыл жөніндегі мемлекеттік бағдарламалармен, сондай-ақ діни экстремизм мен терроризмнің алдын алу жөніндегі жұмыстардың негізгі бағыттарымен таныстырды.
Іс-шарада бұрын қолданыста болған бірлескен іс-қимыл жоспары шеңберіндегі 10 жылдық ынтымақтастықтың қорытындылары шығарылып, терроризмге қарсы күрес саласындағы өңірлік және халықаралық ынтымақтастық перспективаларының ағымдағы және болашақ үрдістері талқыланды.
Конференция соңында Орталық Азияда Жаһандық терроризмге қарсы стратегияны іске асыру жөніндегі бірлескен іс-қимыл жоспары ұсынылып, мақұлданды, сондай-ақ "Ташкент декларациясы" қабылданды.