Женева қаласына БҰҰ ұйымдастыруымен Дурбан процессіне шолу конференциясы өтеді
Женева қаласына БҰҰ ұйымдастыруымен Дурбан процессіне шолу конференциясы өтеді
Астана. 20 сәуір. "Қазақстан Бүгін" - Швейцария Конфедерациясының астанасы Женева қаласына 2009 жылғы 20-24 сәуір аралығында БҰҰ ұйымдастыруымен Дурбан процессіне шолу конференциясы өтеді деп жоспарлануда. Бұл туралы бүгін Астанада өткен брифингте ҚР Сыртқы істер министрлігінің баспасөз хатшысы Ілияс Омаров мәлім етті, деп хабарлайды "Қазақстан Бүгін" агенттігінің тілшісі.
"Конференциянын негізгі мақсаты - 2001 жылы Дурбан қаласындағы (ОАР) басқосудың нәтижесінде қол жеткізген Декларация мен Іс-қимылдар бағдарламасының орындалуына шолу жасау, нәсілшілдікке байланысты қабылданған міндеттемелердің жүзеге асырылуын жеделдету, нәсілдік кемсітушілік, ксенофобия, төзімсіздіктің басқа да түрлерінің қазіргі кезеңдегі жағдайын талқылау",- деді І.Омаров.
Конференцияға Мәдениет және ақпарат міністрілігінің вице-министрі Бағлан Майлыбаев бастаған қазақстандық делегация қатысады.
Ақпаратты пайдаланған жағдайда "Казахстан Сегодня" ақпараттық агенттігіне гиперсілтеме жасау міндетті. «Қазақстан Бүгін» Ақпараттық агенттігінің материалдарына авторлық құқық.
тақырып бойынша жаңалықтар
Министрлік Орталық Азия елдерінің өңірлік қауіпсіздігі мәселелері жөніндегі халықаралық конференцияға қатысты
Сурет: МИОР РК
Ташкентте "БҰҰ Жаһандық терроризмге қарсы стратегиясын іске асыру жөніндегі бірлескен іс-қимыл жоспары шеңберінде Орталық Азия елдерінің өңірлік ынтымақтастығы" тақырыбында жоғары деңгейдегі халықаралық конференция ұйымдастырылды, деп хабарлайды KAZAKHSTAN TODAY
Ағымдағы жылғы 3-4 наурызда Біріккен Ұлттар Ұйымының, сондай-ақ Орталық Азия елдерінің өкілдері өзара Терроризмге қарсы ынтымақтастықтың нәтижелерін бағалау мәселелерін талқылады.
Қазақстандық делегация құрамында АҚДМ Дін істері комитеті төрағасының орынбасары Бауыржан Бакиров қатысты.
Б.Бакиров министрліктің дін саласындағы іске асырып жатқан мемлекеттік саясаты туралы баяндама жасап, отандық заңнамамен, экстремизм мен терроризмге қарсы іс-қимыл жөніндегі мемлекеттік бағдарламалармен, сондай-ақ діни экстремизм мен терроризмнің алдын алу жөніндегі жұмыстардың негізгі бағыттарымен таныстырды.
Іс-шарада бұрын қолданыста болған бірлескен іс-қимыл жоспары шеңберіндегі 10 жылдық ынтымақтастықтың қорытындылары шығарылып, терроризмге қарсы күрес саласындағы өңірлік және халықаралық ынтымақтастық перспективаларының ағымдағы және болашақ үрдістері талқыланды.
Конференция соңында Орталық Азияда Жаһандық терроризмге қарсы стратегияны іске асыру жөніндегі бірлескен іс-қимыл жоспары ұсынылып, мақұлданды, сондай-ақ "Ташкент декларациясы" қабылданды.