Жоғарғы соттың жаңа төрағасы сайланды
Сенат елбасының ұсынысы бойынша Жоғарғы соттың төрағасы Мұсабек Илімбековты лауазымынан босатты, деп хабарлайды Kazakhstan Today агенттігінің тілшісі.
Астана. 15 - сәуір. Kazakhstan Today - Сенат елбасының ұсынысы бойынша Жоғарғы соттың төрағасы Мұсабек Илімбековты лауазымынан босатты, деп хабарлайды Kazakhstan Today агенттігінің тілшісі.
Бүгін Мемлекет басшысы ҚР Парламент Сенатының жалпы отырысында ҚР Жоғарғы сотының төрағасы қызметіне Бектас Бекназаровты сайлау жөнінде ұсыныс білдірген. Б. Бекназаров бұрындары Ақтөбе облыстық сотының төрағасы қызметін атқарған болатын.
2009 жылдан бері Жоғарғы сот төрағасы қызметін Мұсабек Илімбеков атқарған болатын.
Естеріңізге сала кетсек, кеше ҚР Парламент Сенатының жалпы отырысында Жоғарғы соттың алты судъясын сыбайлас жемқорлық қылмыстарын жасағандары үшін қызметінен босату туралы шешім қабылданған болатын. Осыған байланысты ҚР парламентінің сенат депутаты Ғани Қасымов Жоғарғы соттың төрағасы отставкаға кетуге тиіс деп мәлім еткен болатын.
Фото: aktobegazeti.kz.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
тақырып бойынша жаңалықтар
Министрлік Орталық Азия елдерінің өңірлік қауіпсіздігі мәселелері жөніндегі халықаралық конференцияға қатысты
Сурет: МИОР РК
Ташкентте "БҰҰ Жаһандық терроризмге қарсы стратегиясын іске асыру жөніндегі бірлескен іс-қимыл жоспары шеңберінде Орталық Азия елдерінің өңірлік ынтымақтастығы" тақырыбында жоғары деңгейдегі халықаралық конференция ұйымдастырылды, деп хабарлайды KAZAKHSTAN TODAY
Ағымдағы жылғы 3-4 наурызда Біріккен Ұлттар Ұйымының, сондай-ақ Орталық Азия елдерінің өкілдері өзара Терроризмге қарсы ынтымақтастықтың нәтижелерін бағалау мәселелерін талқылады.
Қазақстандық делегация құрамында АҚДМ Дін істері комитеті төрағасының орынбасары Бауыржан Бакиров қатысты.
Б.Бакиров министрліктің дін саласындағы іске асырып жатқан мемлекеттік саясаты туралы баяндама жасап, отандық заңнамамен, экстремизм мен терроризмге қарсы іс-қимыл жөніндегі мемлекеттік бағдарламалармен, сондай-ақ діни экстремизм мен терроризмнің алдын алу жөніндегі жұмыстардың негізгі бағыттарымен таныстырды.
Іс-шарада бұрын қолданыста болған бірлескен іс-қимыл жоспары шеңберіндегі 10 жылдық ынтымақтастықтың қорытындылары шығарылып, терроризмге қарсы күрес саласындағы өңірлік және халықаралық ынтымақтастық перспективаларының ағымдағы және болашақ үрдістері талқыланды.
Конференция соңында Орталық Азияда Жаһандық терроризмге қарсы стратегияны іске асыру жөніндегі бірлескен іс-қимыл жоспары ұсынылып, мақұлданды, сондай-ақ "Ташкент декларациясы" қабылданды.