Жүзге жуық үнді студенттері өздерін Қырғызстаннан үйлеріне қайтару туралы өтініш білдірді
"Бұл жерде кез-келген адам кез-келген уақытта мерт болуы мүмкін",- деп хабарлайды Ош қаласынан The Times of India қоңырау шалған үнді студенті Захир Хан.
Алматы.15-маусым. Kazakhstan Today - Қырғыздың Ош және Жалал-Абад қалаларындағы жүзге жуық үнді студенттері өмірлеріне қауіп төніп тұрғандықтарын айтып, өздерін Қырғызстаннан Үндістанға қайтару туралы өтініш білдірді, деп хабарлайды Kazakhstan Today агенттігі The Times of India үнді порталына сілтеме жасай отырып.
"Бұл жерде кез-келген адам кез-келген уақытта мерт болуы мүмкін",- деп хабарлайды Ош қаласынан The Times of India қоңырау шалған үнді студенті Захир Хан.
Оның айтуынша, үнді студенттері өз үйлерінде қамалып отыр.
"Менің үйімнің жанындағы ғимарат жанып жатыр. Біз өз пәтерлерімізде қамалып отырмыз",- дейді студент Амрит Дас(Amrit Das).
Қырғызстанның оңтүстігіндегі гуманитарлық ахуал ушығып тұр, себебі көптеген кәсіпорындар жабылған және де тұрғындар азық-түлік пен дәрі-дәрмектің жетіспеушілігін сезінуде.
Естеріңізге сала кетсек, Қырғызстанда маусымның 10-нан 11-не қараған түні төтенше жағдай енгізілген болатын. Соңғы мәліметтер бойынша Ош және Жалал-Абад облыстарында елде көз жұмғандардың саны 117 адамға жеткен.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
тақырып бойынша жаңалықтар
Министрлік Орталық Азия елдерінің өңірлік қауіпсіздігі мәселелері жөніндегі халықаралық конференцияға қатысты
Сурет: МИОР РК
Ташкентте "БҰҰ Жаһандық терроризмге қарсы стратегиясын іске асыру жөніндегі бірлескен іс-қимыл жоспары шеңберінде Орталық Азия елдерінің өңірлік ынтымақтастығы" тақырыбында жоғары деңгейдегі халықаралық конференция ұйымдастырылды, деп хабарлайды KAZAKHSTAN TODAY
Ағымдағы жылғы 3-4 наурызда Біріккен Ұлттар Ұйымының, сондай-ақ Орталық Азия елдерінің өкілдері өзара Терроризмге қарсы ынтымақтастықтың нәтижелерін бағалау мәселелерін талқылады.
Қазақстандық делегация құрамында АҚДМ Дін істері комитеті төрағасының орынбасары Бауыржан Бакиров қатысты.
Б.Бакиров министрліктің дін саласындағы іске асырып жатқан мемлекеттік саясаты туралы баяндама жасап, отандық заңнамамен, экстремизм мен терроризмге қарсы іс-қимыл жөніндегі мемлекеттік бағдарламалармен, сондай-ақ діни экстремизм мен терроризмнің алдын алу жөніндегі жұмыстардың негізгі бағыттарымен таныстырды.
Іс-шарада бұрын қолданыста болған бірлескен іс-қимыл жоспары шеңберіндегі 10 жылдық ынтымақтастықтың қорытындылары шығарылып, терроризмге қарсы күрес саласындағы өңірлік және халықаралық ынтымақтастық перспективаларының ағымдағы және болашақ үрдістері талқыланды.
Конференция соңында Орталық Азияда Жаһандық терроризмге қарсы стратегияны іске асыру жөніндегі бірлескен іс-қимыл жоспары ұсынылып, мақұлданды, сондай-ақ "Ташкент декларациясы" қабылданды.