Мемлекет басшысы АҚШ Президентін Тәуелсіздік күнімен құттықтады
Сурет: Depositphotos
Қасым-Жомарт Тоқаев Президент Дональд Трампты Америка Құрама Штаттарының тәуелсіздігіне 250 жыл толуымен құттықтады, деп хабарлайды Ақорданың баспасөз қызметінен.
Президент құттықтау хатында Америка халқының еркіндік, теңдік және әділдік қағидаттарына бейіл екенін паш ететін бұл айтулы күннің айрықша тарихи маңызына назар аударды.
Сондай-ақ Мемлекет басшысы қазақ-америка қатынастарының қарқынды дамуына Президент Трамптың қосқан үлесін атап өтіп, кеңейтілген стратегиялық серіктестікті одан әрі нығайтуға дайын екенін растады.
Қасым-Жомарт Тоқаев Дональд Трамптың жауапты мемлекеттік қызметіне табыс, ал достас АҚШ халқына бақ-береке тіледі.
Естеріңізге сала кетейік, Қазақстанда 600-ден астам американдық компания жұмыс істесе, ал АҚШ инвестицияларының жалпы көлемі 100 млрд доллардан асқан.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
тақырып бойынша жаңалықтар
Қазақстан мен Иран Таяу Шығыстағы жағдайды талқылады
Қазақстан Сыртқы істер министрінің орынбасары Арман Исағалиев Иран елшісі Әли Акбар Джоукармен кездесті.
Тараптар екіжақты ынтымақтастық пен Таяу Шығыстағы қазіргі ахуал бойынша пікір алмасты, деп хабарлайды ҚР СІМ баспасөз қызметінен.
Сондай-ақ сұхбаттастар Қазақстан мен Иран арасындағы қатынастарды дамыту перспективаларын қарастырды. Көлік-логистикалық ынтымақтастықты нығайтуға және осы саладағы практикалық өзара іс-қимылды одан әрі кеңейтуге ерекше назар аударылды.
Кездесу барысында тараптар түрлі деңгейлердегі тұрақты әрі мазмұнды диалогты жалғастырудың маңыздылығын да атап өтті.
Сондай-ақ, өңірлік және халықаралық күн тәртібіндегі өзекті мәселелерді де талқылады.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Финляндиядағы қазақстандық студенттермен Құрылтай сайлауын өткізу барысы талқыланды
Сурет: ҚР СІМ
Қазақстанның Финляндиядағы елшісі Азамат Әбдіраимов осы елде білім алып жатқан қазақстандық студенттермен кездесу өткізіп, мемлекет басшысының бастамасымен Қазақстанда жүзеге асырылып жатқан ауқымды саяси реформалар туралы ақпаратпен бөлісті, деп хабарлайды ҚР Сыртқы істер министрлігінің баспасөз қызметінен.
"Алдағы Құрылтай депутаттарының сайлауына ерекше назар аударылды. Елші жас қазақстандықтарға дауыс беру тәртібін егжей-тегжейлі түсіндіріп, өскелең ұрпақтың елдің қоғамдық-саяси өміріне белсенді әрі саналы түрде қатысуының маңыздылығын атап өтті",- деп айтылған хабарламада.
Қазақстандық дипломат сапалы білім алудың және алған білім мен дағдыларды тәжірибеде тиімді қолданудың маңыздылығына тоқталды. Сондай-ақ студенттерге қабылдаушы елдің заңнамасын, қоғамдық нормалары мен дәстүрлерін сақтау және құрметтеу қажеттігі айтылды.
Бұдан бөлек, кездесу барысында қазақстандық студенттерді қызықтыратын өзекті мәселелер, сондай-ақ Елшіліктің алдағы іс-шаралары мен жоспарлары талқыланды. Кездесуге қатысушылар маңызды мәселелер бойынша өзара пікір және ұсыныстар алмасты.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Қазақстан мен ЕО КҚК арқылы энергия ресурстарын жеткізу мәселесін талқылады
Сурет: Depositphotos
Қазақстан Республикасының Сыртқы істер министрі Ермек Көшербаев Еуропа Одағының Сыртқы істер және қауіпсіздік саясаты жөніндегі Жоғарғы өкілі - Еуропалық комиссияның вице-президенті Кая Калласпен телефон арқылы сөйлесті.
Сұхбаттасушылар энергетика саласындағы өзара іс-қимыл мәселелеріне және энергия ресурстарын жеткізудің халықаралық инфрақұрылымын, оның ішінде Каспий құбыр консорциумы шеңберіндегі инфрақұрылымды одан әрі дамыту перспективаларына ерекше назар аударды.
Қазақстан Республикасының Президенті Қасым-Жомарт Тоқаевтың ү.ж. 23 маусымда Брюссельге жасаған сапарының қорытындысы бойынша қол жеткізілген уағдаластықтарды талқылау аясында тараптар екіжақты күн тәртібіндегі өзекті мәселелерді, сауда-экономикалық байланыстарды кеңейту, ынтымақтастықтың перспективалы бағыттарын, сондай-ақ алдағы екіжақты және көпжақты байланыстардың кестесін талқылады.
Әңгіме барысында тараптар серіктестікті одан әрі нығайтуға мүдделілігін растап, перспективалы ынтымақтастық бағыттарын кеңейтуге өзара бейілділігін білдірді.
Бұған дейін Қазақстан мен Грекия КҚК арқылы мұнай жеткізу қауіпсіздігін талқылаған болатын.
Естеріңізге сала кетейік, Каспий құбыр консорциумы (КҚК) мұнай қабылдауға уақытша шектеу енгізгеннен кейін Қазақстан мұнай экспортының қосымша бағыттарын қарастырып жатыр.
20 шілдеде Каспий құбыр консорциумының теңіз терминалында азаматтық танкерге тағы бір шабуыл жасалып, соның салдарынан мұнай тиеу тоқтатылды.
Сондай-ақ, 30 шілдеге қараған түні КҚК теңіз терминалының ВПУ-3 айлақтан тыс тиеу құрылғысында мұнай тиеп жатқан Маршалл аралдарының туы астындағы NIFFOS SIFNOS танкеріне дрондар шабуыл жасады.
Бұдан бөлек, КҚК теңіз терминалынан алты теңіз милі қашықтықтағы аумақтық суларда мұнай қабылдау үшін терминалға бет алған Мэн аралының туы астындағы MARATHI танкеріне шабуыл жасалды.
Кейінірек Украина КҚК-ға шабуылдарды тоқтатуға келісті, деп хабарлады Bloomberg агенттігі.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Қазақстан мен Қытай өнеркәсіп, құрылыс және энергетика салаларындағы ынтымақтастықты нығайтуда
Қазақстан мен Қытай өнеркәсіп, құрылыс және энергетика салаларындағы ынтымақтастықты одан әрі нығайтуға ниетті. Бұл туралы Премьер-министрдің бірінші орынбасары Нұрлыбек Нәлібаевтың ҚХР-дың Қазақстандағы елшісі Хань Чуньлиньмен кездесуі барысында мәлім болды, деп хабарлайды Үкіметтің баспасөз қызметінен.
"Кездесу барысында өнеркәсіп, құрылыс, энергетика салаларындағы қазақ-қытай ынтымақтастығының қазіргі жай-күйі, бірлескен бастамаларды жүзеге асыру барысы, оларды одан әрі нығайтудың перспективалық бағыттары қаралды", - деп айтылған хабарламада.
Атап айтқанда, Нұрлыбек Нәлібаев Қазақстан мен Қытай арасындағы қарым-қатынастардың стратегиялық сипатын атап өтіп, екі ел арасындағы ынтымақтастықты одан әрі дамытуда зор әлеуетін атап өтті.
Өз кезегінде Хань Чуньлинь Қытай тарапының өзара тиімді әріптестікті одан әрі дамытуға дайын екенін растады.
Кездесудің соңында тараптар екіжақты өзара ықпалдасудың өзекті мәселелері бойынша байланыстарды қолдауға келісті.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Қазақстан мен АҚШ энергетика, технологиялар және инвестициялар салаларындағы ынтымақтастықты талқылады
Сурет: ЖИ
Қазақстанның Сыртқы істер министрі Ермек Көшербаев пен АҚШ Мемлекеттік хатшысының Оңтүстік және Орталық Азия істері жөніндегі көмекшісі Пол Капур Қазақстан мен Америка Құрама Штаттарының энергетика, технологиялар және инвестициялар салаларындағы ынтымақтастықты талқылады, деп хабарлайды ҚР Сыртқы істер министрлігінің баспасөз қызметінен.
"Кездесу барысында тараптар екіжақты ынтымақтастықтың өзекті мәселелерін, сондай-ақ Қазақстан мен АҚШ арасындағы кеңейтілген стратегиялық әріптестікті одан әрі нығайтудың перспективаларын талқылады",- деп айтылған хабарламада.
Е.Көшербаев сұхбаттасын Қазақстанда жүзеге асырылып жатқан саяси және әлеуметтік-экономикалық өзгерістер туралы хабардар етіп, елдің дамудағы жаңа кезеңге қадам басқанын атап өтті. Осыған байланысты 23 тамызда өтетін Құрылтай сайлауы жаңа конституциялық модельді іс жүзінде іске асырудағы маңызды кезең болатыны аталып өтті.
Өз кезегінде, америкалық тарап ынтымақтастықты одан әрі нығайтуға мүдделілігін растады және энергетика, маңызды минералдар, озық технологиялар, цифрландыру, көлік және инвестициялар салаларындағы практикалық өзара іс-қимылды кеңейту үшін елеулі әлеует бар екенін атап өтті.
Су ресурстарын басқарудың жаһандық архитектурасын нығайту жөніндегі Қазақстанның бастамасына, оның ішінде Қазақстан Республикасы Президенті Қасым-Жомарт Тоқаевтың БҰҰ-ның мамандандырылған мекемесі ретінде Халықаралық су ұйымын құру туралы бастамасына ерекше назар аударылды.
Кездесу барысында сондай-ақ 2026 жылғы желтоқсанда Майами қаласында өтетін "G20" саммитіне дайындық мәселелері жөнінде пікір алмасылды. Саммитке Мемлекет басшысы АҚШ Президенті Дональд Трамптың шақыруымен қатысады. Осыған байланысты тараптар жоғары деңгейдегі күн тәртібін мазмұнды түрде қалыптастыру мақсатында одан әрі өзара іс-қимыл жасауға дайын екендерін білдірді.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Ресейдің Өскемендегі жаңа бас консулы тағайындалды
Сурет: Ресей СІМ
Михаил Королев Ресей Федерациясының Өскемендегі бас консулы болып тағайындалды, деп хабарлайды Ресей Сыртқы істер министрлігінің баспасөз қызметінен.
Михаил Королев Алтай политехникалық институтын бітірген. 1999 жылдан бері дипломатиялық қызметте.
Ресей Сыртқы істер министрлігінің Барнауылдағы аумақтық органының басшысы - өкілі, сондай-ақ Ресей Федерациясының Қазақстан Республикасындағы Өскемен қаласының бас консулы қызметтерін атқарған.
2022 жылдан бері Ресей Сыртқы істер министрлігінің Барнауылдағы аумақтық органының басшысы - өкілі қызметін атқарып келеді.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Израильде Қазақстандағы саяси өзгерістер таныстырылды
Сурет: ҚР СІМ
Қазақстан Республикасының Израиль Мемлекетіндегі Елшілігі Израильдің бұқаралық ақпарат құралдары мен сарапшылық қоғамдастық өкілдерінің қатысуымен ақпараттық-түсіндіру іс-шарасын өткізіліп, қатысушыларға 1 шілдеден бастап күшіне енген Қазақстан Республикасының жаңа Конституциясының негізгі ережелері таныстырылды, деп хабарлайды ҚР Сыртқы істер министрлігінің баспасөз қызметінен.
Ұйымдастырылған кездесу Израиль жұртшылығын 2026 жылдың 23 тамызында өтетін Қазақстан Республикасының Құрылтайына сайлау қарсаңында ұйымдастырылып, Қазақстанда жүзеге асырылып жатқан негізгі саяси және институционалдық өзгерістер туралы ақпараттандыруға арналды.
"Мемлекеттік билік жүйесін реформалауға, бір палаталы парламент - Құрылтайға көшуге, өкілді органдарды қалыптастырудың жаңа қағидаттарына, сондай-ақ жаңартылған саяси жүйедегі саяси партиялар мен азаматтық қоғамның рөліне ерекше назар аударылды",- деп атап өтті министрлік өкілдері.
Кездесу барысында сондай-ақ қатысушыларға сайлауды өткізу тәртібі, саяси партиялар мен кандидаттардың қатысуы, сайлау процесінің негізгі кезеңдері туралы толық ақпарат берілді. БАҚ өкілдері мен сарапшылар конституциялық реформаның практикалық іске асырылуы, мемлекеттік биліктің жаңа моделінің жұмыс істеуі, саяси партиялардың рөлі, сондай-ақ Қазақстанның одан әрі саяси және әлеуметтік-экономикалық дамуы мәселелеріне қызығушылық танытты.
Қатысушылар өздерін қызықтырған мәселелер бойынша сұрақтар қойып, жүргізіліп жатқан реформалар мен алдағы сайлау процесіне қатысты тиісті түсініктемелер алды.
Кездесу Қазақстан Республикасының Израильдегі дипломатиялық өкілдігі мен Израильдің медиа және сарапшылық қоғамдастығы арасында тікелей диалогты дамытуға, сондай-ақ Қазақстан туралы объективті және жан-жақты ақпаратты ілгерілетуге бағытталған маңызды алаң болды.
Қазақстан Республикасының Елшілігі Израильдің БАҚ өкілдерімен және сарапшылық қоғамдастықпен өзара іс-қимылды одан әрі жалғастырып, Қазақстанның саяси, әлеуметтік-экономикалық және қоғамдық дамуының өзекті мәселелеріне арналған тақырыптық брифингтер мен кездесулер өткізуді жоспарлап отыр.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.