ҚР СІМ мен KAZENERGY энергетикалық дипломатияны дамытуды талқылады
Сурет: ҚР СІМ
ҚР сыртқы істер министрі Ермек Көшербаев KAZENERGY қауымдастығының төрағасы Серікқали Брекешевпен кездесу барысында энергетикалық дипломатия, халықаралық ынтымақтастық саласындағы және Қазақстанның энергетикалық әлеуетін халықаралық салалық алаңдарда таныстыруда өзара іс-қимыл мәселелері талқылады, деп хабарлайды СІМ баспасөз қызметінен.
Тараптар шетелдік инвестицияларды энергетика секторына тарту, шетелдік компаниялармен, халықаралық ұйымдармен және салалық бірлестіктермен өзара іс-қимылды кеңейту, сондай-ақ халықаралық іскерлік байланыстарды нығайту мәселелеріне ерекше назар аударды.
Сондай-ақ, 2026 жылғы 11 - 15 қазан аралығында Эр-Рияд қаласында өтетін XXV WPC Energy Дүниежүзілік конгресіне Қазақстанның қатысу дайындығы қарастырылды.
"Конгрестің халықаралық іскерлік бағдарламасын талқылау шеңберінде тараптар іс-шараны Қазақстан Республикасы Президентінің жанындағы Шетелдік инвесторлар кеңесінің 40-шы пленарлық отырысы кезеңінде өткізу мүмкіндігін атап өтті. Мұндай формат бір алаңда мемлекет өкілдерін, ірі халықаралық энергетикалық корпорациялардың басшыларын және жетекші шетелдік инвесторларды біріктіруге мүмкіндік береді",- деп айтылған хабарламада.
Қазақ тарапы Конгресс алаңын елдің инвестициялық және технологиялық мүмкіндіктерін таныстыру, сондай-ақ Астананы 2028 жылы келесі WPC Energy Дүниежүзілік конгресін өткізу орны ретінде ілгерілету үшін пайдалануды жоспарлап отыр.
Осы тұрғыда 2028 жылғы 11 - 15 маусымда Астанада өтетін XXVI WPC Energy Дүниежүзілік конгресіне дайындық мәселелері талқыланды. Конгресті өткізу энергетика мәселелері бойынша халықаралық диалогты дамытуға және Қазақстанның жетекші халықаралық компаниялармен және сарапшылар қоғамдастығымен өзара іс-қимылын кеңейтуге маңызды үлес қосады.
Кездесу қорытындысы бойынша энергетикалық дипломатияны дамыту, халықаралық ынтымақтастықты нығайту және Қазақстанның энергетика секторына шетелдік инвестицияларды тарту бойынша күш-жігерді әрі қарай үйлестіруге дайындық расталды.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
тақырып бойынша жаңалықтар
Тоқаев Үндістанда өткен БРИКС саммитінің ұйымдастырылуына жоғары баға берді
Сурет: Ақорда
Қазақстан президенті Қасым-Жомарт Тоқаев Үндістан премьер-министрі Нарендра Модиді Нью-Делиде БРИКС саммитінің табысты өтуімен құттықтады, деп хабарлайды Ақорданың баспасөз қызметінен.
Мемлекет басшысы саммиттің жоғары деңгейде ұйымдастырылғанына, сондай-ақ әлемдік экономикада көшбасшылардың бірі саналатын Үндістанның ғылыми-техникалық саладағы тамаша жетістіктеріне және халықаралық аренадағы зор беделіне тоқталды.
"Үндістан Сіздің парасатты әрі тегеурінді басшылығыңызбен прогресс пен орнықты даму жолында алға қарай нық қадам басып келеді", - деді Тоқаев.
Президент Қазақстан мен Үндістан арасындағы қарым-қатынастардың дамуына да тоқталды. Оның айтуынша, бүгінде Қазақстанда үнді капиталының үлесі бар 600-дей компания нәтижелі жұмыс істейді. Былтыр елімізге 150 мыңға жуық Үндістан азаматы келген.
Өз кезегінде Моди Тоқаевқа БРИКС саммитіне қатысқаны үшін алғыс айтып, оның сөйлеген сөзіне жоғары баға берді.
Тараптар сондай-ақ энергетика, цифрландыру, білім беру және туризм салаларындағы ынтымақтастықты талқылады. Жоғары технологиялар мен креативті индустрияларға, соның ішінде Astana Hub пен Хайдарабадтағы Cyberabad технологиялық экожүйесі арасындағы ықтимал ынтымақтастыққа ерекше назар аударылды.
Моди Қазақстан өкілдерін, әсіресе жастарды, келесі жылы Мумбайда өтетін WAVES креативті индустриялар саммитіне қатысуға шақырды.
Бұған дейін Қазақстан басшысы саммитте сөйлеген сөзінде зорлық-зомбылықтан әлемдік экономикаға келген шығын $22 трлн-ға жеткенін мәлімдеп, өңірлік қақтығыстарды бәсеңдетуден саяси диалог пен дипломатия арқылы ұзақ мерзімді тұрақтылыққа көшуге шақырды.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Қақтығыстардың салдарынан жаһандық экономикаға келген шығын 22 трлн АҚШ долларына жетті - Тоқаев
Сурет: Ақорда
2025 жылы зорлық-зомбылықтан әлемдік экономикаға келген шығын шамамен $22 трлн-ға немесе әлемдік ЖІӨ-нің 10 пайызына жетті, деп мәлім етті Қазақстан президенті Қасым-Жомарт Тоқаев Нью-Делиде өткен "аутрич" / "БРИКС плюс" форматындағы пленарлық отырыста.
Мемлекет басшысы өңірлік қақтығыстар тек соғыс қимылдары жүріп жатқан елдерге ғана емес, бүкіл әлемдік экономикаға әсер ететінін атап өтті.
"Былтыр қақтығыстардың салдарынан жаһандық экономика шамамен 22 триллион доллар зиян шекті. Яғни әлемдік ішкі жалпы өнімнің 10 пайызына парапар. Бұл - алаңдатарлық ахуал. Біз аймақтық кикілжіңдердің қақтығысушы тараптармен шектелмей, халықаралық экономикаға зардабын тигізе бастағанына куә болып отырмыз. Маңызды теңіз жолдарының үзілуі жаһандық энергетика, азық-түлік және сауда тізбегіндегі осал тұстарды анық көрсетті", - деп мәлім етті Тоқаев.
Оның айтуынша, бейбітшілік пен стратегиялық тұрақтылық экономикалық және орнықты дамуға қажетті алғышарттар саналады. Президент өңірлік қақтығыстарды бәсеңдетуден саяси диалог пен дипломатия арқылы ұзақ мерзімді тұрақтылыққа көшуге шақырды.
Тоқаев сондай-ақ, жаңа қарулану жарысының туындау қаупі бар екенін айтып, ядролық державаларды жоғары деңгейдегі диалогқа, соның ішінде жаңа технологияларға байланысты тәуекелдерді азайту мәселелерін талқылауға шақырды.
Президент жетекші державалар арасындағы сенімнің төмендеуін тағы бір проблема ретінде атады. Оның айтуынша, бұл БҰҰ-ға балама жоқ. Реформа Ұйымның қақтығыстардың алдын алып, ұжымдық шешімдер қабылдау әлеуетін нығайтуға тиіс. БҰҰ Жарғысы мүлтіксіз сақталуы қажет. Оны әркім өз бетінше қолдануына болмайды. Қауіпсіздік Кеңесін реформалау кезінде қазіргі әлемнің жағдайы ескеріліп, оның құрамында Азия, Африка және Латын Америкасы елдерінің өкілдері болуын қамтамасыз еткен жөн.
Мемлекет басшысы экономикалық ынтымақтастық мәселесіне де жеке тоқталды. Оның айтуынша, 2025 жылы Қазақстанның БРИКС-қа мүше және серіктес елдермен тауар айналымы 72 миллиард долларға жуықтаған.
"Біз барлық БРИКС мемлекеттерімен сауда-экономикалық және инвестициялық байланыстарды әртараптандыруға ниеттіміз. Оған өнеркәсіп, транзит және технологиялық әлеуетіміз жетеді", - деді президент.
Қазақстан Еуразиялық экономикалық одақтың қазіргі төрағасы ретінде БРИКС-пен экономикалық ынтымақтастықты кеңейтуді және Үндістанмен еркін сауда туралы келісім жасасуды құптайды.
Тоқаев перспективалы бағыттардың қатарында энергетика саласындағы терең өңдеуді, аса маңызды минералдарды, ауыл шаруашылығын, технологиялар трансферін және бірлескен инвестицияларды атады. Оның айтуынша, Жаңа даму банкі БРИКС елдеріндегі, сондай-ақ Қазақстандағы коммерциялық тұрғыдан өміршең жобаларды қаржыландыру мүмкіндігін қарастыра алар еді.
Президент сондай-ақ көлік байланыстарын белсенді дамыту қажеттігін ұсынды. 2025 жылы Қазақстан арқылы 40 миллион тоннаға жуық транзиттік жүк тасымалданған. Елдің ұзақмерзімді жоспар бойынша осы көрсеткішті жылына 100 миллион тоннаға жеткізу.
"Жалпы, Қытай мен Еуропа арасындағы құрлық жолдарымен жеткізілетін жүктің 85 пайызы Қазақстан аумағымен өтеді", - деді Тоқаев.
Қазақстан теміржол желісін, порттар мен цифрлық инфрақұрылымды дамытуды жоспарлап отыр. Президент сондай-ақ Транскаспий халықаралық көлік бағытының және оны "Бір белдеу, бір жол" бастамасымен әрі "Солтүстік - Оңтүстік" дәлізімен ұштастырудың әлеуетін атап өтті.
Тоқаев жасанды интеллектіні ынтымақтастықтың тағы бір бағыты ретінде атады. Ол жасанды интеллект саласында БРИКС плюс серіктестігін іске қосуды ұсынды.
"Нақты шара ретінде жасанды интеллект саласы бойынша БРИКС плюс серіктестігін іске қосуды ұсынамын. Оның аясында ұлттық ЖИ орталықтарын біріктіруге, зертханалар мен ғылыми жобаларды қолжетімді етуге, сондай-ақ бірлесіп көптілді шешімдер әзірлеуге болады", - деді президент.
Қазақстан мұндай ынтымақтастық үшін өзінің есептеу инфрақұрылымын, сондай-ақ БҰҰ-ның ұлттық және цифрлық орталықтарының мүмкіндіктерін ұсынуға дайын.
Тоқаев сондай-ақ БРИКС елдеріне БҰҰ-ның мамандандырылған мекемесі ретінде Халықаралық су ұйымын құру жөніндегі Қазақстан бастамасына қосылуды ұсынды.
Оның айтуынша, жаһандық деңгейде су ресурстарын басқару ісі шашыраңқы жүргізіліп келеді, сондықтан жаңа ұйым мемлекеттер арасындағы үйлестіруді жақсарта алар еді. Президент БРИКС-ке мүше мемлекеттер мен серіктестерімізді осы маңызды жобаны қолдау үшін Қазақстан бастамашы болған халықаралық консультацияларға қосылуға шақырамын.
Мемлекет басшысы БРИКС әлем халқының жартысына жуығын және әлемдік ЖІӨ-нің шамамен 40 пайызын қамтитынын атап өтті. Қазақстан бұл бірлестікті БҰҰ-ның орталық рөліне негізделген халықаралық жүйені толықтыратын практикалық ынтымақтастыққа арналған ашық алаң ретінде қарастырады.
Президент сөзін түйіндей келе, тиімді көпжақты ынтымақтастық болмаса, көпполярлы жүйе жікке бөлінуді одан сайын ушықтырып, адамзатқа қауіп төндіретінін айтты. Оның пікірінше, Қазақстан егемендікке, мүдделердің теңгеріміне және ортақ жауапкершілікке негізделген жасампаз көпполярлы жүйені қолдайды.
Бұған дейін ҚХР Төрағасы Си Цзиньпин Қытай БРИКС елдері үшін жасанды интеллект саласындағы халықаралық ынтымақтастық орталығын құратынын мәлімдеді. Ол сондай-ақ жасанды интеллект, сауда және инвестициялар, цифрлық экономика, зияткерлік өндіріс және мамандар даярлау салаларындағы ынтымақтастықты дамыту жөніндегі бес бастаманы ұсынды.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Тоқаев БРИКС саммиті аясында АҚШ президентінің арнайы өкілімен кездесті
Сурет: Ақорда
ҚР президенті Қасым-Жомарт Тоқаев БРИКС саммиті аясында АҚШ президентінің Оңтүстік және Орталық Азия бойынша арнайы өкілі Серджио Гормен кездесті, деп хабарлайды Ақорданың баспасөз қызметінен.
Серджио Гор ең әуелі Қасым-Жомарт Тоқаевқа Қазақстан Тәуелсіздігінің 35 жылдығы қарсаңында президент Дональд Трамп жолдаған құттықтау хатты табыстады.
Елбасы жылы лебізі үшін АҚШ президентіне алғыс айтып, Америка көшбасшысын Қазақстанға сапармен келуге шақыратынын растады.
Тараптар қазақ-америкалық стратегиялық әріптестікті, оның ішінде жасанды интеллект және цифрландыру салаларындағы ынтымақтастықты дамыту мәселелерін талқылады.
"Қазіргі уақытта Майамиде өтетін G20 саммитіне қатысуға дайындалып жүрмін. Бұл екіжақты күн тәртібіндегі мәселелерді талқылауға жақсы мүмкіндік деп ойлаймын. Өзара тиімді ықпалдастықты ілгерілету жолында сөзден гөрі нақты іске көшкенді жөн көреміз", - деді Тоқаев.
Серджио Гор екі ел арасындағы сауда-экономикалық байланыстардың белсенді дамып келе жатқанын атап өтіп, АҚШ Президентінің Қазақстанмен және Орталық Азиямен әріптестікті нығайтуға ерекше мән беретінін айтты.
Кездесу қорытындысы бойынша тараптар өзара тиімді ынтымақтастыққа тың серпін беретін сан қырлы серіктестікті одан әрі кеңейтуге ниетті екендерін растады.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Тоқаев Абу-Дабидің тақ мұрагерімен ірі жобаларды іске асыру мәселелері талқылады
Сурет: Ақорда
Қазақстан президенті Қасым-Жомарт Тоқаев БРИКС-тің XVIII саммиті аясында Абу Дабидің Тақ мұрагері Халед бен Мұхаммед Әл Наһаянмен кездесті, деп хабарлайды Ақорданың баспасөз қызметінен.
Тараптар энергетика, көлік-логистика, ақпараттық технология және ауыл шаруашылығы салаларында табысты іске асырылып жатқан ірі инвестициялық жобаларды талқылады. Аталған бастамалар экономикалық ықпалдастықты жандандырып, өзара сауда-саттық көлемін арттыруға септігін тигізеді.
Тоқаев сондай-ақ шейх Халед бен Мұхаммед бен Заид Әл Наһаянның Астанаға жасаған сапарының тарихи маңызын атап өтті. Оның аясында екіжақты қарым-қатынасты дамытуға тың серпін берген маңызды құжаттарға қол қойылған болатын.
"Өзара ынтымақтастығымыз шын мәнінде сан қырлы сипатқа ие және көптеген бағытты қамтиды. Алдағы уақытта да бірлескен жұмысты ілгерілету үшін күш жұмылдыра береміз", - деді президент.
Кездесу қорытындысы бойынша тараптар екі ел арасындағы тығыз ынтымақтастықты нығайтуға мүдделі екенін растады.
Тоқаев БАӘ Президенті, шейх Мұхаммед бен Заид Әл Наһаянға жылы лебізін жолдап, оның Қазақстанға сапармен келуін күтетінін айтты.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Тоқаев БРИКС саммитіне қатысу үшін Нью-Делиге барды
Сурет: Ақорда
Мемлекет басшысы Қасым-Жомарт Тоқаев БРИКС XVIII саммитіне қатысу үшін Нью-Дели қаласына барды, деп хабарлайды Ақорданың баспасөз қызметі.
Әуежайда Қазақстан президентін Үндістан Үкіметінің ресми тұлғалары қарсы алды.
Сапар аясында Қасым-Жомарт Тоқаев "аутрич"/"БРИКС+" форматындағы пленарлық отырыста сөз сөйлейді, сондай-ақ бірқатар екіжақты кездесу өткізеді.
Естеріңізге сала кетсек, БРИКС саммиті Нью-Делиде 12-13 қыркүйекте өтеді.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Қазақстандағы саяси реформалар ҰҚШҰ алаңында талқыланды
Сурет: ҚР СІМ
Мәскеуде "Қазақстан - Орталық Азия - Үлкен Еуразия: жаңа сын-қатерлер жағдайындағы тұрақтылық пен қауіпсіздік" атты дөңгелек үстел өтті, деп хабарлайды ҚР Сыртқы істер министрлігінің баспасөз қызметінен.
Іс-шара Ұжымдық қауіпсіздік туралы шарт ұйымы Хатшылығының (ҰҚШҰ) бастамасы бойынша ұйымдастырылды. Талқылауға ҰҚШҰ Бас хатшысы, Ұйымға мүше мемлекеттердің тұрақты өкілдері, ҰҚШҰ Парламенттік ассамблеясының Жауапты хатшысы, сондай-ақ жетекші сарапшылар мен дипломаттар қатысты.
Талқылаудың негізгі тақырыптарының бірі Қазақстандағы саяси өзгерістер болды. Қатысушылар Орталық Азиядағы қауіпсіздіктің түрлі аспектілерін қамтамасыз ету тұрғысынан Қазақстан Республикасында өткен конституциялық реформа мен Құрылтай сайлауына байланысты мәселелерді егжей-тегжейлі талқылады.
Қазақстанның ҰҚШҰ жанындағы тұрақты өкілі Марат Сыздықов жаңа Конституциясының күшіне енуі туралы, сондай-ақ Құрылтайға сайлау туралы егжей-тегжейлі хабардар етті.
Сондай-ақ, қатысушылар халықаралық және өңірлік ахуалға, оның ҰҚШҰ елдерінің қауіпсіздігіне ықпалына қатысты пікір алмасты.
Естеріңізге сала кетсек, ҰҚШҰ құрамына Қазақстан, Армения, Беларусь, Қырғызстан, Ресей және Тәжікстан елдері кіреді.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Экологиялық хаб, Expo 2030 және ИСЕСКО-мен ынтымақтастық: Қазақстанның халықаралық бастамалары
Сурет: ҚР СІМ
Қазақстан экология және су қауіпсіздігі саласында бастамалар көтере отырып, Эр-Риядта өтетін Expo 2030 көрмесіне қатысуға дайындалуда және де ИСЕСКО-мен ынтымақтастықты кеңейтуді көздейді. Дәл осындай мәселелер қазақстандық дипломаттардың жұмысы аясында халықаралық алаңдарда талқыланды.
Қазақстанның Кения Республикасындағы Төтенше және Өкілетті елшісі, ҚР БҰҰ-ның Найробидегі кеңсесі жанындағы тұрақты өкілі Барлыбай Садықов Біріккен Ұлттар Ұйымының Қоршаған орта жөніндегі бағдарламасы (ЮНЕП) жанындағы Тұрақты өкілдер Комитеті Кіші комитетінің 13-ші жыл сайынғы отырысына қатысты.
Ол Халықаралық су ұйымын құру, сондай-ақ БҰҰ-ның 22 сәуірді Халықаралық планетаны көгалдандыру күні деп белгілеу туралы резолюция қабылдауына қатысты бастамаларды таныстырды.
Қазақстан сондай-ақ, Алматы қаласындағы ЮНЕП-тің Орталық Азияға арналған Субөңірлік кеңсесін одан әрі нығайтудың және оны қысқа мерзімде толыққанды өңірлік экологиялық хабқа айналдыруды қолдайды.
Садықов 2026 жылдың сәуірінде Астанада өткен Өңірлік экологиялық саммиттің қорытындыларына назар аударды. Саммит нәтижесінде "Орталық Азияның экологиялық ынтымақтастығы" декларациясы қабылданды.
Халықаралық жұмыстың тағы бір бағыты - Қазақстанның Эр-Риядта өтетін "Expo 2030 Riyadh" халықаралық көрмесіне дайындық барысы. Қазақстанның Сауд Арабиясындағы елшісі Мәдияр Меңілбеков Expo 2030 Riyadh Company бас атқарушы директоры Талал Әл-Марримен кездесті.
Тараптар Қазақстанның "Expo 2030 Riyadh" халықаралық көрмесіне қатысуына қатысты негізгі ұйымдастырушылық мәселелерін талқылады. белсенді әрі мазмұнды қатысуға мүдделі екенін, сондай-ақ көрменің мемлекеттер арасындағы ынтымақтастықты нығайту, озық тәжірибемен алмасу, инновациялық шешімдер мен технологияларды ілгерілетуге мүдделі екенін мәлімдеді.
Сонымен қатар, Мароккода Қазақстан 40 мемлекет өкілдері қатысқан Ислам әлемі білім, ғылым және мәдениет ұйымы (ИСЕСКО) Бас конференциясының 4-ші кезектен тыс сессиясына қатысты.
Қазақстанның Мароккодағы елшісі, ИСЕСКО жанындағы ҚР тұрақты өкілі С.Сайлауқызы Қазақстанның ИСЕСКО-ға мүше мемлекеттерді өз қаржылық міндеттемелерін уақтылы орындауға шақырды. Ол Қазақстанның мүшелік жарналарды толық көлемде төлеп, ИСЕСКО-ға ерікті қолдау көрсетіп отырғанын атап өтті.
Сессияға қатысушылар ұйымның қаржылық тұрақтылығын қамтамасыз ету бойынша уақытша шараларды, соның ішінде мүше мемлекеттердің берешегін реттеу мәселелерін бекітті. Қазақстан ұсынылған қарар жобаларын қолдап, білім, ғылым және мәдениет салаларындағы бірлескен жобаларды кеңейтуге дайын екенін растады.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.