Тоқаев Конгоны Қазақстанның Африкадағы маңызды серіктесі деп атады
Тоқаев Дени Сассу-Нгессоның жауапты қызметіне толайым табыс, достас Конго халқына құт-береке тіледі
Қазақстан президенті Қасым-Жомарт Тоқаев Конго Республикасының Президенті Дени Сассу-Нгессо мен оның отандастарын ұлттық мейрамы - Тәуелсіздік күнімен құттықтады, деп хабарлайды Ақорданың баспасөз қызметінен.
Құттықтау жеделхатында Мемлекет басшысы Қазақстан мен Конго арасындағы қатынастардың маңызын атап өтті.
"Еліміз Конго Республикасын Африка құрлығындағы маңызды серіктес ретінде қарастырады", - деді Тоқаев.
Президент бірлескен күш-жігердің арқасында ынтымақтастық қос халықтың игілігі жолында нығая беретініне сенім білдірді.
Тоқаев Дени Сассу-Нгессоның жауапты қызметіне толайым табыс, достас Конго халқына құт-береке тіледі.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
тақырып бойынша жаңалықтар
Швейцарияның жаңа елшісі Қазақстандағы қызметіне кіріседі
Сурет: Depositphotos
Кристина Хонеггер Швейцарияның Қазақстан мен Тәжікстандағы жаңа елшісі болып тағайындалды, деп хабарлайды Швейцарияның Қазақстандағы елшілігінің баспасөз қызметінен.
Елшіліктің мәлімдеуінше, Кристина Хонеггердің Швейцарияның дипломатиялық қызметінде 20 жылдан астам жұмыс тәжірибесі бар. Осы уақыт ішінде ол Швейцарияның Федералдық сыртқы істер департаментінде басшылық қызметтер атқарып, елдің дипломатиялық өкілдіктерінде жұмыс істеген.
Оның кәсіби қызметінің негізгі бағыттарының қатарында Шығыс Еуропа мен Орталық Азия бар. Бұған дейін Хонеггер Швейцарияның Федералдық сыртқы істер департаментінде осы бағытты басқарып, өңір бойынша мол тәжірибе жинақтаған.
Қазақстан мен Тәжікстанға елші болып тағайындалғанға дейін ол Швейцарияның Беларусьтегі елшісі қызметін атқарған.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Қазақстан Лаосқа Еуропаға шығатын жаңа көлік бағытын ұсынды
Президент Қасым-Жомарт Тоқаев Лаос президенті Тхонглун Сисулитпен келіссөздер барысында отандық тауарларын Орталық Азия мен Еуропаға жеткізу үшін қазақстандық көлік дәліздерін пайдалануды ұсынды, деп хабарлайды Ақорданың баспасөз қызметінен.
Тоқаев Қазақстанның Лаос нарығына металлургия, тамақ, мұнай-химия, ауыл шаруашылығы және химия өнеркәсібі өнімдерін, сондай-ақ машина жасау және фармацевтика өнімдерін жеткізу көлемін арттыра алатынын атап өтті.
Тараптар көлік және логистика мәселелеріне ерекше назар аударды.
"Қытай мен Еуропа арасындағы құрлық жолымен тасымалданатын жүктің 85 пайызы еліміз арқылы өтеді. Грузияның Батуми және ҚХР-дың Ляньюньган порттарында қазақстандық терминалдар жұмыс істейді. Біз Қытайдың Сиань қаласында Қазақстанның логистикалық хабын іске қостық. Осы платформаларды лаостық жүк тасымалдаушылар пайдалана алады. Лаос өнімдерін Орталық Азия мен Еуропаға біздің көлік дәліздері арқылы шығаруға болады", - деді Тоқаев.
Президент екі елдің үкіметтеріне көлік және логистика саласында келісімдер жасасуды ұсынды. Қазақстан өз кезегінде Лаос арқылы өз өнімдерін Оңтүстік-Шығыс Азия нарықтарына жеткізуге мүдделі.
Қасым-Жомарт Тоқаев Лаос компанияларын "Астана" халықаралық қаржы орталығының жеңілдіктерін барынша пайдалануға шақырды. Қазір АХҚО-да 90-нан аса елінен келген 6300-ден астам компания тіркелген. АХҚО платформасы арқылы Қазақстанға 27 миллиард доллар инвестиция тартылды.
Әңгімелесу кезінде мәдени-гуманитарлық және туризм салаларындағы ықпалдастық перспективасына ерекше назар аударылды. Олар екі елдің жоғары оқу орындары арасында тығыз байланыс орнатудың, академиялық алмасу мен бірлесе кадр даярлау аясын кеңейтудің, сұранысқа ие лаостық мамандарды Қазақстанда оқытудың әлеуеті зор екендігін атап өтті.
Тхонглун Сисулит Қазақстан Лаосқа мамандар даярлауға көмек көрсететініне баса мән берді.
"Лаостың жүздеген азаматы Қазақстандағы оқу орындарында білім алды. Бүгінде олардың көбі мемлекеттік қызметте, кәсіпкерлікте, орталық және жергілікті деңгейде басшылық қызмет атқарады", - деді Лаос президенті.
Келіссөздер қорытындысы бойынша Тоқаев пен Сисулит Қазақстан мен Лаос арасындағы екіжақты ынтымақтастықты одан әрі кеңейтуге қос елдің де мүдделі екенін растайтын Бірлескен мәлімдеме қабылдады.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Тоқаев Астанада Лаос президентін қарсы алды
Сурет: Ақорда
Лаос президенті Тхонглун Сисулит Қазақстанға ресми сапармен келіп, Астанада оны елбасы Қасым-Жомарт Тоқаев қарсы алды, деп хабарлайды Ақорданың баспасөз қызметінен.
Ресми қарсы алу рәсімі Тәуелсіздік сарайында өтті. Мемлекеттер басшылары бір-біріне делегация мүшелерін таныстырғаннан кейін Қазақстан мен Лаос елдерінің мемлекеттік әнұрандары орындалды.
Кейіннен Қасым-Жомарт Тоқаев пен Тхонглун Сисулит шағын құрамда келіссөздер өткізді.
Тараптар қазақ-лаос қарым-қатынастарын дамыту және екі ел арасындағы ынтымақтастықты одан әрі нығайту мәселелерін талқылайды деп күтілуде.
Естеріңізге сала кетсек, биыл Лаос Шанхай ынтымақтастық ұйымының диалог жөніндегі 15-ші серіктесі атанған болатын.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Қазақстан Шығыс Азия елдерімен серіктестікті нығайтып келеді
Қазақстан Жапония және Корея Республикасымен серіктестік қатынастарды дамытуды одан әрі жалғастырып келеді. Кездесулер барысында тараптар саяси және өзара экономикалық іс-қимылды, гуманитарлық байланыстарды, сондай-ақ алдағы бірлескен жобаларды талқылады, деп хабарлайды ҚР Сыртқы істер министрлігінің баспасөз қызметінен.
Токиода Қазақстанның елшісі Ерлан Баударбек-Қожатаев Жапонияның бұрынғы премьер-министрі Сигэру Исибамен кездесіп, келіссөздер жүргізді. Тараптар саяси және парламентаралық байланыстарды, экономикалық ынтымақтастықты дамыту, сондай-ақ жаһандық қауіпсіздік, ядролық қарусыздану және орнықты даму салаларындағы өзара іс-қимыл мәселелерін қарастырды.
Сондай-ақ, тараптар климаттың өзгеруі, табиғи апаттар тәуекелдерінің алдын алу және оларды азайту, су қауіпсіздігі, туризм, мәдениет және гуманитарлық алмасулар сияқты салалардағы өзара іс-қимылды кеңейту үшін елеулі әлеует бар екенін атап өтті. Исиба өз кезегінде Қазақстандағы экологиялық сын-қатерлерге, соның ішінде Арал теңізі мен мұздықтардың жай-күйіне қызығушылық танытты.
Сонымен қатар, Астанада сыртқы істер министрінің орынбасары Арман Исағалиев Корея Республикасы СІМ Солтүстік-Шығыс және Орталық Азия бюросының бас директоры Нам Джинмен кездесіп, өнеркәсіп, жасанды интеллект, инфрақұрылым және білім беру салаларындағы ынтымақтастықты кеңейтуге, сондай-ақ "Орталық Азия - Корея Республикасы" форматындағы өзара іс-қимыл барысын талқылады.
Келіссөздер қорытындысы бойынша тараптар екіжақты өзара іс-қимылды одан әрі нығайтуға мүдделі екенін растады.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Қазақстан мен Вьетнам арасындағы қарым-қатынас қарқынды дами бермек - Көшербаев
Қазақстан мен Вьетнам арасындағы өзара қолдау рухындағы байланыстар айтарлықтай қарқынмен әрі қарай артып, бірлескен күш-жігер халықтар арасындағы дәстүрлі достықты тереңдетіп, екіжақты өзара іс-қимылдың жаңа мүмкіндіктерін ашады. Бұл туралы Қазақстанның сыртқы істер министрі Ермек Көшербаев Вьетнамның Тәуелсіздік күніне орай вьетнамдық әріптесі Ле Хоай Чунгке жолдаған құттықтауында мәлімдеді.
"Қазақстан мен Вьетнам екі ел арасындағы стратегиялық серіктестікке, өзара құрметке, сенімге және ортақ мүдделерге сүйенеді. Ал сыртқы саяси мекемелер арасындағы сындарлы диалог екіжақты күн тәртібін ілгерілетуде және өзара тиімді ынтымақтастықтың жаңа бағыттарын дамытуда маңызды рөл атқарады", - деді ол.
Министрдің пайымдауынша, Тәуелсіздік күні Вьетнам халқының бірлігі мен мемлекеттілігін, елдің даму жолындағы табандылығы мен жасампаз еңбегін айқын көрсетеді.
"Соңғы жылдары Вьетнам тұрақты экономикалық өсуді қамтамасыз етіп, жаңғыру үдерістерін табысты жүзеге асырып, халықаралық байланыстарын кеңейтіп келеді", - деп атап өтті Ермек Көшербаев.
Ол Ле Хоай Чунгке баянды бақыт пен қуаныш, қызметіңізге толағай табыс, ал бауырлас Вьетнам халқына құт-береке мен өркендеу тіледі.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Тоқаев Вьетнам халқын Тәуелсіздік күнімен құттықтады
Сурет: Ақорда
Қасым-Жомарт Тоқаев Вьетнам Коммунистік партиясы Орталық комитетінің Бас хатшысы, Вьетнам Социалистік Республикасының Президенті То Лам мен оның отандастарын Тәуелсіздік күнімен құттықтап, жеделхат жолдады, деп хабарлайды Ақорданың баспасөз қызметінен.
Президент бұл мерекені Вьетнам халқының бірлігі мен жасампаз рухының, сондай-ақ елдің тұрақты дамуы мен өркендеу жолындағы ұмтылысының жарқын нышаны ретінде атап өткен.
Сонымен қатар, бірлескен күш-жігердің арқасында стратегиялық серіктестік қос халықтың игілігі жолында қарқынды дами беретініне сенім білдірді.
Қасым-Жомарт Тоқаев То Ламның жауапты қызметіне толайым табыс, ал Вьетнам халқына құт-береке тіледі.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Қазақстан Қытаймен стратегиялық серіктестікті нығайтуға ниетті - Тоқаев
Қазақстан Қытаймен стратегиялық серіктестікті дәйекті түрде нығайтып, негізгі салалардағы ынтымақтастықты кеңейтуге ниетті, деп мәлім етті президент Қасым-Жомарт Тоқаев Синьхуа агенттігіне берген сұхбатында.
Оның айтуынша, қазіргі уақытта Қазақстан мен Қытай арасындағы қарым-қатынас бұрын-соңды болмаған жоғары деңгейде.
"Біздің стратегиялық серіктестігіміз шын мәнінде жан-жақты сипатқа ие болып, сауда, инвестиция, энергетика және көліктен бастап өнеркәсіптік кооперация, ауыл шаруашылығы, цифрландыру, медицина, ғылым, білім беру және мәдениетке дейінгі барлық негізгі салаларды қамтыды", - деді президент.
Ол сондай-ақ, Қытай Қазақстанның сыртқы сауда серіктестерінің ішінде бірінші орында екендігін, ал екіжақты сауда көлемі жаңа рекордтық көрсеткіштер көрсетуді жалғастырып келе жатқанын атап өтті.
Тоқаев көлік пен логистиканы ынтымақтастықтың стратегиялық бағыттарының бірі екендігін тілге тиек етті. Тараптар Қытай мен Еуропа арасындағы маңызды көлік буынына айналып келе жатқан Транскаспий халықаралық көлік бағытын немесе Орта дәлізді дамытуға ерекше мән береді.
"Біздің ортақ міндетіміз - бұл бағытты барынша бәсекеге қабілетті ету. Сондықтан біз "ақылды кеденді" енгізуге, құжат айналымын цифрландыруға, ақпараттық жүйелерді синхрондауға және шекаралық рәсімдерді автоматтандыруға ерекше мән береміз", - деп атап өтті мемлекет басшысы.
Оның айтуынша, Қазақстан мен Қытай арасындағы өзара іс-қимыл жаңа сапалық деңгейге көтеріліп келеді.
Президент технологиялық ынтымақтастықты тағы бір перспективалы бағыт деп атады. Қазақстан мен Қытай цифрлық экономика, зияткерлік өндіріс, электрондық коммерция, ғылыми зерттеулер және кадр даярлау салаларындағы бірлескен жобаларға мүдделі.
"Дәл осы технологиялық саладағы ынтымақтастық қазақ-қытай ынтымақтастығының жаңа кезеңіндегі аса маңызды бағыттардың біріне айналуы мүмкін", - деп мәлім етті Тоқаев.
Ол Қазақстанның Қытаймен БҰҰ, ШЫҰ және АӨСШК аясындағы үйлестіруді жалғастыратынын және "Орталық Азия - Қытай" форматындағы ынтымақтастықты толығымен қолдайтынын атап өтті.
Президент екі ел азаматтары арасындағы байланыстардың да дамып келе жатқанына назар аударды. Атап айтқанда, өзара визасыз режимнің енгізілуі туристер ағынының өсуіне ықпал етті. 2025 жылдың қорытындысы бойынша Қазақстанға Қытайдан 962 мың турист келді, бұл бір жыл бұрынғы көрсеткіштен 47%-ға көп.
Тоқаев Қазақстанның Қытаймен жан-жақты стратегиялық серіктестікті дәйекті түрде нығайтып, ынтымақтастықтың қолданыстағы бағыттарын кеңейтуге және жаңа бағыттарын дамытуға дайын екенін атап өтті.
Естеріңізге сала кетсек, келесі жылы Қазақстан мен Қытай арасында дипломатиялық қарым-қатынастардың орнағанына 35 жыл толады.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Қазақстан мен Польша саяси және парламентаралық ынтымақтастықты нығайту мәселелерін талқылады
Алдағы екіжақты іс-шараларға дайындыққа ерекше назар аударылды
Қазақстанның сыртқы істер министрінің орынбасары Арман Исетов пен Польшаның уақытша сенімді өкілі Михал Лабенда қазақ-поляк ынтымақтастығын одан әрі дамыту перспективаларын талқылады, деп хабарлайды министрліктің баспасөз қызметінен.
Кездесуде саяси және парламентаралық өзара іс-қимылды нығайтуға, сондай-ақ алдағы екіжақты іс-шараларға дайындық мәселелеріне басты назар аударылды.
Тараптар алдағы іс-шаралардың мазмұндық толықтырылуы мен практикалық іске асырылу мәселелерін талқылай отырып, тиісті бағыттар бойынша тығыз үйлестіруді жалғастыруға дайын екендіктерін растады.
Кездесу қорытындысы бойынша дипломаттар Қазақстан мен Польша арасындағы өзара іс-қимылды одан әрі дамытуға өзара мүдделілік білдірді.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.