Жамбыл облысы шетелдік инвесторларға инвестициялық әлеуетін таныстырды
Сурет: ҚР СІМ
Тараз қаласында отандық және шетелдік инвесторлардың қатысуымен өңірлік инвестициялық штабтың отырысы өтті, деп хабарлайды Қазақстан Республикасының Сыртқы істер министрлігінен.
Ә. Қуантыров Мемлекет басшысының тапсырмасына сәйкес өңірлік инвестициялық штабтар инвесторлардың мәселелерін, оның ішінде "қолмен басқару" режимінде жедел шешуге арналған тиімді алаңға айналуға тиіс екенін атап өтті. Сонымен қатар, Үкімет алдында 2029 жылға қарай ұлттық экономика көлемін 450 млрд АҚШ долларына дейін жеткізу және кемінде 150 млрд АҚШ доллары көлемінде тікелей шетелдік инвестиция тарту жөніндегі стратегиялық міндет тұрғанын айтты.
Ол бүгінде біз облыстың жекелеген инвестициялық жобаларды іске асырудан экономиканың тұтас салаларын жүйелі дамытуға белсенді көшіп жатқанын атап өтті. Қосылған құны жоғары жаңа өндірістік тізбектер қалыптасуда, шикізатты терең өңдеу және экспортқа бағытталған өндірістерді дамыту үшін қажетті жағдайлар жасалуда.
Бүгінде өңірдің инвестициялық портфелі жалпы құны 5,6 трлн теңгені құрайтын 116 жобаны қамтиды. Олар шамамен 20 мың жұмыс орнын құруды көздейді және негізінен өнеркәсіп, агроөнеркәсіптік кешен мен энергетика салаларында жүзеге асырылуда. 2026 жылдың бірінші жартыжылдығының қорытындысы бойынша негізгі капиталға салынған инвестициялар көлемі 505,9 млрд теңгені құрап, өткен жылдың сәйкес кезеңімен салыстырғанда 59,2%-ға өсті.
Жұмыс сапары аясында Әлібек Қуантыров "Тазабек-Досжан" шаруа қожалығында, "Тараз" индустриялық аймағында, "Aqtas Group" ЖШС зауытында, сондай-ақ "Алель Агро" АҚ құс фабрикасында болды.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
тақырып бойынша жаңалықтар
Ермек Көшербаев Қазақстан мен Сингапур елдері арасындағы қатынастардың нығая түскенін атап өтті
Сурет: Depositphotos
Қазақстанның сыртқы істер министрі Ермек Көшербаев Сингапур сыртқы істер министрі Вивиан Балакришнанға жолдаған құттықтауында Қазақстан мен Сингапур арасындағы қатынастардың нығайып келе жатқанын атап өтті, деп хабарлайды агенттік тілшісі.
"Сингапур елі әлемдегі тұрақсыздық жағдайында табысты дамып қана қоймай, халықаралық күн тәртібін белсенді қалыптастырып отырған шағын мемлекеттің жарқын үлгісі ретінде әлемдік аренада ерекше орын алады. Қазақстан мен Сингапур арасындағы қатынастардың одан әрі нығайып келе жатқанын зор ықыласпен атап өтемін", - деді сыртқы істер министрі.
Оның айтуынша, Қазақстан мен Сингапурдың жан-жақты ынтымақтастығы, әсіресе сауда, инвестиция және халықаралық дипломатия салаларында дәйекті түрде белең алып келеді.
Ермек Көшербаев достас Сингапур халқына бақ-береке мен өркендеу, ал әріптесі Вивиан Балакришнанға алдағы қызметіне табыс тіледі.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Қазақстан мен Грекия КҚК арқылы мұнай жеткізу қауіпсіздігін талқылады
Сурет: ҚР СІМ
Грекия Қазақстанмен энергетика, сауда, инвестициялар, көлік және гуманитарлық байланыстарды қоса алғанда, өзара қызығушылық тудыратын барлық бағыттар бойынша екіжақты ынтымақтастықты одан әрі дамытуға мүдделі екендігін растады, деп хабарлайды ҚР Сыртқы істер министрлігінің баспасөз қызметінен.
Бұл туралы Қазақстан Республикасы Сыртқы істер министрінің бірінші орынбасары Ержан Ашықбаев Грекия Республикасының Қазақстан Республикасындағы Төтенше және Өкілетті Елшісі Антониа Кацуруды қабылдау барысынде белгілі болды.
"Кездесу барысында тараптар Қазақстан мен Грекия арасындағы екіжақты қатынастардың қазіргі жай-күйі мен оларды одан әрі дамыту болашағын, көпжақты форматтарда өзара іс-қимыл мәселелерін, сондай-ақ ағымдағы жылдың соңына дейін жоспарланған іс-шаралар кестесін талқылады", - деп мәлім етті баспасөз қызметінен.
Е. Ашықбаев энергетика саласындағы ынтымақтастық мәселелеріне ерекше назар аударды. Осы тұрғыда тараптар қазақстандық мұнайды еуропалық нарықтарға экспорттауда стратегиялық маңызға ие Каспий құбыр консорциумының (КҚК) айналасындағы ахуал жөнінде пікір алмасты. Энергетикалық инфрақұрылымның тұрақты жұмысын, халықаралық нарықтарға энергия ресурстарының үздіксіз әрі орнықты жеткізілуін, сондай-ақ кемелердің қауіпсіздігін және теңіз қатынасының еркіндігін қамтамасыз етудің маңыздылығы атап өтілді.
Өз кезегінде Грекия Елшісі А. Кацуру энергетика, сауда, инвестициялар, көлік және гуманитарлық байланыстарды қоса алғанда, өзара қызығушылық тудыратын барлық бағыттар бойынша екіжақты ынтымақтастықты одан әрі дамытуға грек тарапының дайын екенін растады.
Кездесу соңында тараптар саяси диалогты тұрақты түрде қолдауға және барлық бағыттар бойынша қазақ-грек серіктестігін кеңейту бойынша жұмысты жалғастыруға келісті.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Қазақстан көршілес елдермен Сырдария мен Әмудария суын пайдалану мәселесін талқылады
Қазақстанның Өзбекстандағы елшісі Ералы Тоғжанов Түркістан қаласында өткен Орталық Азияның Мемлекетаралық су шаруашылығын үйлестіру комиссиясының 94-отырысына қатысты, деп хабарлайды ҚР Сыртқы істер министрлігінен.
Комиссия отырысына Қазақстан, Өзбекстан, Тәжікстан және Түрікменстанның су шаруашылығы ведомстволарының басшылары қатысты. Сондай-ақ, Қырғыз Республикасы бақылаушы ретінде қатысты.
Тараптар Сырдария мен Әмудария су қоймаларының жұмыс режимдерін және олардан су алу шегін пайдалану, су ресурстарын есепке алудың автоматтандырылған жүйесін енгізу, сондай-ақ Аралды құтқару халықаралық қоры аясындағы өңірлік бастамаларды іске асыру мәселелерін қарастырды.
Сондай-ақ, отырыс барысында Орталық Азиядағы су ресурстарын пайдалану тиімділігін арттыруға бағытталған CAWEC жобасына ерекше назар аударылды. Дүниежүзілік банк өкілі Дмитрий Петрин қатысушылардың назарына жобаны одан әрі іске асырудың негізгі бағыттарын ұсынды.
Отырыс қорытындысы бойынша Мемлекетаралық су шаруашылығын үйлестіру комиссиясының 94-отырысының хаттамасына қол қойылды.
Комиссияның кезекті отырысы Түрікменстанда өтеді.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Қазақстан мен Сауд Арабиясы жоғары деңгейдегі кездесулерге дайындалып жатыр
Қазақстан Республикасы Сыртқы істер министрінің орынбасары Арман Исағалиев Сауд Арабиясы Корольдігінің Сыртқы істер министрінің халықаралық көпжақты қатынастар жөніндегі орынбасары Абдуррахман Әл-Рассимен кездесті.
Тараптар екі ел арасындағы халықаралық және өңірлік ұйымдар аясындағы өзара іс-қимылын талқылады. Атап айтқанда, көпжақты алаңдарда ұстанымдарды үйлестіруге және екі елдің бастамаларын өзара қолдауға ерекше назар аударылды.
Дипломаттар алдағы жоғары және аса жоғары деңгейдегі кездесулердің кестесін де қарастырды. Тараптар бұл іс-шаралар нақты уағдаластықтар мен практикалық нәтижелерге жеткізуі тиіс екенін атап өтті.
Кездесу қорытындысы бойынша Қазақстан мен Сауд Арабиясының өкілдері екі елдің сыртқы саяси ведомстволары арасындағы белсенді диалогты жалғастыруға уағдаласты.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Қазақстан мен Нигерия ынтымақтастықтың жаңа бағыттарын талқылады
Қазақстан Республикасының Алжирдегі Елшісі Әнуарбек Ахметов Алжирге сапармен келген Нигерия Федеративтік Республикасы Сыртқы істер министрлігінің Мемлекеттік хатшысы Дунома Умар Ахмедпен кездесті, деп хабарлайды ҚР СІМ баспасөз қызметінен.
Кездесу барысында Ахметов саяси және әлеуметтік-экономикалық реформаларды таныстырды. Сондай-ақ, ол жаңа Конституцияның күшіне енуі және алдағы Құрылтай сайлауы туралы ақпарат берді.
Тараптар Қазақстан Президентінің БҰҰ аясында Халықаралық су ұйымын құру жөніндегі бастамасын талқылады.
Нигерия СІМ-нің Мемлекеттік хатшысы аталған бастаманың өзектілігін жоғары бағалап, су қауіпсіздігін қамтамасыз ету барлық мемлекеттердің күш-жігерін біріктіруді талап ететін жаһандық міндет екенін атап өтті.
Тараптар сондай-ақ Қазақстан-Нигерия ынтымақтастығының қазіргі жай-күйі мен даму перспективаларын талқылап, саяси диалогты одан әрі дамыту, сауда-экономикалық байланыстарды кеңейту және шарттық-құқықтық базаны жетілдіру мәселелері бойынша пікір алмасты.
Кездесу қорытындысы бойынша халықаралық ұйымдар шеңберіндегі өзара іс-қимылды одан әрі нығайтуға, сондай-ақ екі елдің елшіліктері мен сыртқы саяси ведомстволары арасындағы тұрақты байланыстарды қолдауға өзара мүдделілік расталды.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.