22.10.2022, 19:24 97201
Қазақстандықтар техникалық жұмыстарға байланысты eGov сайтының қызметтерін пайдалана алмайды
Сурет: ҰАТ АҚ
Достарға айту
Астана. 22 қазан. KAZAKHSTAN TODAY - Техникалық жұмыстарға байланысты қазақстандықтар eGov электрондық үкімет сайтының қызметтерін уақытша пайдалана алмайды, деп хабарлайды порталдың Telegram-арнасы.
2022 жылғы 22 қазан сағат 21:00-ден 2022 жылғы 23 қазан сағат 07:00-ге дейін техникалық жұмыстар жүргізілетін болады. Осы уақытта "ҰАТ" АҚ сүйемелдейтін ақпараттық жүйелер уақытша қолжетімсіз болуы мүмкін", - делінген хабарламада.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
тақырып бойынша жаңалықтар
29.03.2024, 10:55 646
Қазақстанда педагогтерді жұмысқа қабылдау жүйесі автоматтандырылды
Сурет: gov.kz
Достарға айту
Қазақстанда педагогтерді жұмысқа қабылдау жүйесі автоматтандырылды, деп хабарлайды ҚР Оқу-ағарту министрлігінің баспасөз қызметінен.
1 сәуірден бастап ҚР Оқу-ағарту министрлігі Ұлттық білім беру деректер қорында педагогтерді мектепке жұмысқа қабылдау бойынша жаңа модульді іске қосады. Бұл шара сыбайлас жемқорлыққа қарсы және конкурстық рәсімдерді ашық өткізуге бағытталған.
Сондай-ақ педагогтерді аттестаттауда құжаттарды тапсыру бойынша да автоматтандыру енгізілуде. Енді педагогтің барлық мәліметтері "Педагог портфолиосы" модулінде жинақталады. Мұнда педагог туралы, оның білімі, денсаулық жағдайы, жұмыс тәжірибесі, құқық бұзушылықтар, аттестаттаудан өту, марапаттары және тәлімгерлік пен цифрлық құжаттар туралы электрондық ақпарат сақталады.
Ашықтық пен есептіліктің болуы сыбайлас жемқорлыққа қарсы күресте басты рөл атқарады. Осы модульдерді енгізе отырып, педагогтерді жұмысқа қабылдау кезінде қағаз жүзіндегі құжат айналымын және сыбайлас жемқорлық тәуекелдерін толық жою жоспарлануда. Жүйені іске қосу алдында басқарма, бөлімдер мен білім беру ұйымдарының мамандары үшін оқыту ұйымдастырылды", - дейді ҚР ОМ Цифрландыру департаменті директорының орынбасары Майра Маралбаева.
Еске сала кетейік, бұған дейін аталған модуль Шымкент қаласында және Қарағанды облысының Шахтинск қаласында сынақтан өтті. Сондай-ақ жұмыс іздеу және қажетті персоналды таңдау бойынша еліміздің басқа өңірлерінде де ашықтық жағдай жасау үшін ҰБДҚ-ның "Электрондық еңбек биржасы" платформасымен өзара интеграциясы жоспарланған.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
26.03.2024, 17:40 3156
Биыл бірінші сыныпқа өтініш қабылдау 1 сәуірде басталады
Сурет: Depositphotos
Достарға айту
Биыл бірінші сыныпқа өтініш қабылдау 1 сәуірде басталып, 2024 жылдың 31 тамызына дейін жалғасады, деп хабарлайды ҚР Оқу-ағарту министрлігінің баспасөз қызметінен.
Ата-аналар баланың құжаттарын электрондық үкіметтің еgov.kz. веб-порталы арқылы тапсыра алады. Жаңа оқу жылында бірінші сыныпқа 370 мыңнан астам бала барады деп күтілуде.
Қазақстан Республикасының кейбір заңнамалық актілеріне білім беру, тәлімгерлік және балалардың қауіпсіздігі мәселелері жөніндегі Заңына сәйкес лицейлер мен гимназияларға бірінші сыныпқа қабылдау кезінде емтихан өткізуге тыйым салатын ереже енгізілді. Барлық балалар, дайындық деңгейіне қарамастан, тең мүмкіндіктерге ие болады. Бұл бастама тестілеу мен әңгімелесуге байланысты бірінші сынып оқушыларындағы психологиялық қысымды азайтуға бағытталған",- деп атап өтті орта білім Комитетінің басқарма басшысы Әлия Чокушева.
Балалар бірінші сыныпқа алты жастан бастап ата - анасы немесе заңды өкілінің өтініші негізінде қабылданады. Өтінішпен бірге №065у формасындағы денсаулық жағдайы туралы анықтама, 026/у-3 баланың денсаулық паспорты және баланың екі дана 3х4 фотосуреті болу керек. Өтініш демалыс және мереке күндерді қоспағанда, дүйсенбіден жұмаға дейін қабылданады.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
13.03.2024, 15:41 7831
Қосымша білім беру саласындағы үздік тәжірибелер кеңінен қолданылуы керек - Тамара Дүйсенова
Сурет: primeminister.kz
Достарға айту
ҚР Премьер-Министрінің орынбасары Тамара Дүйсенова қосымша білім беру саласындағы үздік тәжірибелерге арналған республикалық семинарға қатысты, деп хабарлайды ҚР Премьер-министрінің баспасөз қызметінен.
Шараға еліміздің барлық өңірінен келген педагогтар қатысты. Семинар аясында оларға қосымша білім беру саласындағы үздік тәжірибелер ұсынылды. Еліміздегі жан-жақты даму орталықтары техникалық және цифрлық сауаттылықтан бастап, балалардың көркемдік-эстетикалық дамуына және олардың сыни ойлау қабілетін қалыптастыруға дейінгі әртүрлі бағыттарда жұмыс істейді.
Мемлекет басшысының тапсырмасы бойынша биыл 10 жаңа қосымша білім беру орталығын ашу жоспарланған. Бүгінде елімізде 1 600-ден астам мектептен тыс ұйым бар, онда үйірмелер мен секциялардың 380-ге жуық түрі жұмыс істейді. Оларға 3 млн-нан астам жас қазақстандықтар қатысады.
Республикалық семинарға қатысушыларды қабылдаған Sana орталығында 45 секция мен үйірме жұмыс істейді. Балаларға 100-ге жуық мұғалім әртүрлі пәндерден сабақ береді. Тамара Дүйсенова орталықтың жұмысына және мұнда ұсынылған тәжірибелерге оң баға берді.
Жаңа заман тек білімді ғана емес, оны күнделікті өмірде қолдана білуді де қажет етеді. Сондықтан педагогикалық қоғамдастық білім беру сапасын арттыруға бағытталған Ұлттық баяндама жобасын дайындады. Онда баланың тұлға ретінде дамуына ерекше назар аударылады. Бұл істе мектеппен бірлесіп, балалардың жан-жақты дамуына үлес қосатын қосымша білім беру орталықтары маңызды рөл атқарады. Бұл бағытта бізде керемет тәжірибелер бар, енді басқа орталықтарға үздік тәжірибені кеңінен тарату міндеті тұр", - деді Тамара Дүйсенова.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
29.02.2024, 14:10 16401
Қазақстан мектептерінде буллингке қарсы бағдарлама басталады
Сурет: Depositphotos
Достарға айту
Биылдан бастап еліміз бойынша 2 миллионға жуық оқушы "ДосболLike: достық қолын соз" акциясына қосылды, деп хабарлайды ҚР Оқу ағарту министрлігінің баспасөз қызметінен.
Акция барысында 10 000-нан астам іс-шара өткізілді, онда әрбір оқушы өзін, өзінің даралығын, ішкі әлеуетін, шығармашылық қабілетін көрсете алды.
Акция қорытындысы бойынша республикада балалардың эмоциялық әл-ауқатын қамтамасыз ету үшін Оқу-ағарту министрлігі әзірлеген "ДосболLike" антибуллингтік бағдарламасы басталады.
Бұл бағдарлама ағымдағы жылдың наурыз айында пилоттық режимде басталады. Сәтті апробациядан өткеннен кейін "ДосболLIKE" бағдарламасын бүкіл ел аумағында кеңейту жоспарлануда. Аталған бағдарлама қауіпсіз оқу ортасын құру үшін маңызды қадам, онда әрбір бала өзін қорғалған сезініп, өсіп-өркендей алады", - деп атап өтті Балалардың құқықтарын қорғау комитетінің төрағасы Насымжан Оспанова.
Бағдарлама студенттердің жанжалдарға сындарлы жауап беру дағдыларын қалыптастыруға, балалардың әлеуметтік-эмоционалдық дағдыларын дамытуға, тұлғааралық және топаралық қатынастарды оңтайландыруға, балалардың субъективті әл-ауқатының деңгейін арттыруға бағытталған.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
28.02.2024, 20:28 18271
Алматылық оқушылар роботехникадан Хьюстон мен Лондонға жолдама жеңіп алды
Сурет: gov.kz
Достарға айту
23-25 ақпан күндері Алматы қаласының оқушылары робототехника бойынша ең ірі жарыстардың бірі "Central Asia FIRST Tech Championship" чемпионатына қатысты, деп хабарлайды Алматы қаласы әкімдігінің баспасөз қызметінен.
Астана қаласындағы әл-Фараби атындағы оқушылар сарайында өткен додаға Қазақстанның әр өңірінен үш мыңнан астам оқушы, әлемнің түрлі елдерінен 200-ден астам команда қатысты. Алматы қаласының намысын қорғаған оқушылар бірнеше жүлделі орындарға ие болды.
Жарыс қорытындысы бойынша №124 мектептің "Team 124" командасы "Winning Alliance 2nd pick" және "THINK AWARD 2st place" номинациясын және Лондонда өтетін халықаралық "UK first championship 2024" жарысына қатысуға жолдама, ал №206 мектеп-гимназиясының оқушысы Оңғарбек Томирис АҚШ-тың Хьюстон қаласында өтетін "2024 FIRST Championship, Houston" жарысына қатысуға сертификат жеңіп алды;
Сондай-ақ "Qazaq Style" командасы (№62, №119, №124, №200, №81, №202 мектеп оқушылары) "THINK AWARD 1st place" және "Best Pit Award" номинацияларының;
№81 мектеп-гимназиясының "Redstone" құрама командасы "CONNECT AWARD 3rd place" номинациясының;
Білім-инновация лицейі мен М.Базарбаев атындағы №138 гимназия оқушыларыннан құралған "Sana team" командасы "MOTIVATE AWARD WINNER" және "Best Mascot finalist", "Best Uniform Award finalist" номинацияларының;
№178 лицейінің оқушыларыннан құралған "ZOK Junoirs" командасы "INNOVATE AWARD 3rd place" номинациясының;
First Lego League бағыты бойынша М.Мақатаев атындағы №140 гимназиясының "ULY DALA" құрама командасы беделді "BREAKTHROUGH AWARD" номинациясының жеңімпаздары атанды.
Тағы бір жағымды жаңалық. Алматы мектептерінің түлектері еліміздің беделді жоғары оқу орындарының грант иегерлері атанды:
- Сәтбаев университеті - БИЛ лицейінің оқушысы Спандияр Тұяқбай және №39 мамандандырылған лицейінің оқушысы Маликов Мейіржан,
- АУЭС - М.Базарбаев атындағы №138 гимназия оқушысы Амангелді Шолпан, №81 мектеп-гимназия оқушысы Әлрахат Үмітхан, №140 М.Мақатаев атындағы гимназия оқушысы Нұрила Бердалы мен Мөлдір Бекенқызы, №178 мамандандырылған лицейінің оқушысы Олжас Санатұлы.
Сонымен қатар Еуропалық оқу орындарына түсуге 100% жеңілдікпен қолдау көрсету гранты №200 мектеп-гимназиясының оқушысы Мира Демеуғалиева мен №178 мамандандырылған лицейінің оқушысы Алуа Төлендіге берілді.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
26.02.2024, 12:28 23371
Қарағанды облысының мектептерінде жарамдылық мерзімі өткен дәрі-дәрмектер сақталған
Достарға айту
Қарағандының прокурорлары мектептерде медицина саласындағы жүйелі бұзушылықтарды анықтады, деп хабарлайды мекеменің баспасөз қызметінен.
Прокурорлық тексеру барысында медициналық қызмет көрсетпеу, сонымен қатар жарамдылық мерізімі өткен дәрілік заттарды сақтау фактілері анықталды.
2022 жылдан бастап Қарағанды қаласының мектептерінде 3 мыңға жуық оқушыға медициналық қызмет көрсетілмегені анықталды.
Мектептердің бірінің медициналық кабинетінде аллергиялық және шок реакциясының ауыр түрлерінде шұғыл емдеудің бір бөлігі ретінде қолданылатын, жарамдылық мерзімі өткен, "Преднизолон" ампулалары сақталған.
Облыстың басқа мектептерінде жарамдылық мерзімі 5-7 жыл бұрын өтіп кеткен дәрілік препараттар табылды.
Қадағалау шараларымен мерзімі өткен дәрі-дәрмектер жойылды, кінәлі тұлғалар жауапкершілікке тартылып, 7000 баланың құқықтары қорғалды.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
22.02.2024, 17:35 30531
Әр аймақта балаларды психологиялық қолдау орталықтары мен бөлімшелері ашылады
Қазіргі уақытта Өңірлік психологиялық қолдау орталықтарын дамыту және трансформациялау бойынша жұмыстар қарқынды жүргізілуде
Достарға айту
Әр аймақта балаларды психологиялық қолдау орталықтары мен бөлімшелері ашылады, деп хабарлайды ҚР Оқу-ағарту министрлігінің баспасөз қызметінен.
Орталық коммуникациялар қызметінде өткен дөңгелек үстел барысында Оқу-ағарту министрлігінің өкілдері еліміз үшін балалардың психологиялық қауіпсіздігін қамтамасыз етудің қаншалықты маңызды екенін атап көрсетті.
Қазіргі уақытта Өңірлік психологиялық қолдау орталықтарын дамыту және трансформациялау бойынша жұмыстар қарқынды жүргізілуде.
Бүгінде Астана және Алматы қалаларында, Ақтөбе, Қарағанды, Қостанай, Павлодар, Ақмола, Солтүстік Қазақстан, Батыс Қазақстан облыстарында 9 психологиялық қолдау орталықтары мен бөлімшелері жұмыс істейді. Бұл бастама барлық ел аумағында жалғасын табатын болады.
Аталған іс-шаралар кешені өңірлерде психологиялық қолдау қызметтерін институционалды күшейтуге бағытталған. Ол өз кезегінде Қазақстанда балалардың психологиялық қауіпсіздігінің деңгейін арттыруға мүмкіндік береді.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
22.02.2024, 17:24 30721
Оқу-ағарту министрі астанадағы Республикалық физика-математика мектебіне барды
Достарға айту
Оқу-ағарту министрі Ғани Бейсембаев Республикалық физика-математика мектебінің Астанадағы филиалына барды, деп хабарлайды министрліктің баспасөз қызметінен.
Еліміздің бас ұстазы республикалық және халықаралық олимпиадалардың жеңімпаздарымен және жүлдегерлерімен, сондай-ақ оқу ордасының ұжымымен кездесу өткізді.
Мектеп базасында iOS-бағдарламалауды оқытатын заманауи зертхана жұмыс істейді. Ол жерде оқитын WRO-2023 және FLL-2023 робототехника олимпиадасының жүлдегерлері министрге өз жобаларын ұсынды. Сабақтарды Apple сертификатталған жаттықтырушылары өткізетінін атап өткен жөн.
Педагогтермен кездесу барысында Ғани Бейсембаев еліміздегі білім беруді дамыту перспективаларына, сондай-ақ ведомство тарапынан қабылданып жатқан шараларға тоқталды. Министрдің айтуынша, білім беру сапасын арттыруда білікті кадрлар мен менеджерлерді даярлауға ерекше көңіл бөлінеді.
Жарты ғасырлық тарихы бар Республикалық физика-математика мектебі еліміздегі осы бағыттағы білім ошақтарының ішіндегі мықтылардың бірі. Мектеп түлектерінің қатарында: үздік педагогтер, ғалымдар, инженерлер, IT-мамандар бар. Бұл тәжірибені одан әрі дамыту қажет. Біз білім берудегі инновациялық трендтерді қалыптастыруға ықпал ететін жаңа жобаларды қарастырып жатырмыз", - деп атап өтті министр.
Айта кетейік, РФММ елордалық филиалында бүгінде 1500-ге жуық оқушы білім алуда. Осы жылдар ішінде оқушылар беделді халықаралық олимпиадаларда 17 алтын, 11 күміс, 23 қола медаль жеңіп алды. Түлектердің 75% - ы IT және инженерлік мамандықтарды таңдайды және елдіміз бен әлемдегі жетекші университеттерде оқиды.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Ең көп оқылғаны
29.03.2024, 10:14БҚО-да су тасқыны қаупі төнген аудандардан 500 адам эвакуацияланды 29.03.2024, 10:20 5736ҚР Украинадағы Елшілігі қазақстандықтарға Одесса мен Харьковтан кетуге кеңес береді29.03.2024, 10:35 4851Қазақстан президенті Қытайдың ірі энергетикалық компанияларының бірінің директорлар кеңесінің төрағасын қабылдады29.03.2024, 10:28 3201Қазақстандағы су тасқыны: су тасқыны қаупі бар аймақтардан 4,6 мыңнан астам адам эвакуацияланды29.03.2024, 10:52 2761Абай облысы Аягөз ауданында суда жоғалып кеткен үш адамды іздеу жұмыстары жалғасуда
25.03.2024, 14:07 50646ҚР Көлік министрлігінің басшысы Қытай тарапымен екі елдің көлік-логистикалық өзара іс-қимылын кеңейту мәселелерін талқылады24.03.2024, 21:55 48466Қазақстанда А гепатитімен ауырғандардың саны өсуде27.03.2024, 19:21 48396Бектенов су тасқынына қарсы жүргізіліп жатқан жұмыстар барысын талқылады27.03.2024, 21:24 46011Қазақстан ЕҚДБ-мен ынтымақтастықты кеңейтуге ниетті27.03.2024, 21:47 45641Алматыда қала әкімінің тапсырмасымен қала құрылысына жаңа талаптар енгізіліп жатыр
20.03.2024, 21:43 129771Президент Алматыға жұмыс сапарымен келді06.03.2024, 20:30 120511Су тасқыны кезеңіне дайындық аясында ШҚО-да мұзды ұсату жұмыстары жүргізілуде20.03.2024, 12:12 117216ҚМА қаржы пирамидаларын анықтау жөніндегі арнайы жобаны іске қосты20.03.2024, 12:29 116966Қазақстанда бизнес үшін жаңа бірыңғай цифрлық жүйе құрылады20.03.2024, 12:19 116926Қазақстан халқы Ассамблеясының кезекті сессиясы 24-25 сәуірде Астанада өтеді