Система Orphus

Байқоңырда "Союз ТМА-10" ғарыш кораблімен ұшатын негізгі экипаждың құрамы бекітілді

06.04.2007, 13:43 1371

БАЙҚОҢЫР. 6-сәуір. Kazakhstan Today. Бүгін Байқоңырда "Союз ТМА-10" ғарыш кораблімен ұшатын негізгі экипаждың құрамы бекітілді, деп хабарлайды Kazakhstan Today тілшісі.

Негізгі құрамға Халықаралық ғарыш станциясының командирі, "Союз ТМА" бортинженері, "Энергия" зымыран-ғарыштық корпорациясының ғарышкер-сынақшысы Федор Юрчихин; Халықаралық ғарыш станциясының бортинженері, "Союз ТМА" кораблінің командирі, Ресейдің мемлекеттік Гагарин атындағы ғарышкерлерді дайындау жөніндегі ғылыми-зерттеу-сынақ орталығының ғарышкер-сынақшысы Олег Котов пен ғарыштық турист - АҚШ азаматы Чарльз Симони енді.

Ал қосалқы экипажға Халықаралық ғарыш станциясының командирі, "Союз ТМА" командирі Роман Романенко, Халықаралық ғарыш станциясының бортинженері, "Союз ТМА" бортинженері, "Энергия" зымыран-ғарыштық корпорациясының ғарышкер-сынақшысы Михаил Корниенко бекітілді.

Мемлекеттік комиссияның отырысынан кейін дәстүрлі ұшырылым алдындағы баспасөз мәслихаты өтті. Экипаж мүшелерінің айтуынша, олар өз күштері мен "Союз- ФГ" зымыран тасығышы мен "Союз ТМА-10" ғарыш кораблінің сенімділігіне кәміл сененді.

Сонымен бірге экипаж бұрынғыдай таңертең емес, кешке ұшырылатындықтан ұшырылым алдындағы дайындықтардың кестесі де ауысты. Бүгін ғарышкерлер қызу дайындықтар жасап, ертең кешке 7-сәуірде экипаждар скафандрларды кию және ғарыш корабліне орналасу үшін №254 алаңға барады.

Айта кетейік, Халықаралық ғарыш станциясына баратын 15 басты экспедицияның экипажы мен "Союз ТМА-10" кемесін алып ұшатын "Союз-ФГ" зымыран тасығышының ұшырылымы 7 сәуір күні Астана уақыты бойынша 23 сағат 31 минутқа белгіленген.

Ақпаратты пайдаланған жағдайда «Kazakhstan Today» ақпараттық агенттігіне сілтеме жасау міндетті

При использовании информации, гиперссылка на информационное агентство Kazakhstan Today обязательна.

Комментарии

тақырып бойынша жаңалықтар

Ең көп оқылғаны