Система Orphus

Байқоңырдан "Протон-М" зымыран тасығышы "Космос" жер серігін алып 9 желтоқсанда ұшырылады деп межеленген

03.12.2007, 18:06 921

Байқоңыр. 3- желтоқсан. "Қазақстан Бүгін" - Байқоңырдан "Протон-М" зымыран тасығышы "Космос" жер серігін алып 9 желтоқсанда ұшырылады деп межеленген, деп хабарлайды агенттік ғарыш айлағындағы ақпарат көзіне сілтеме жасап.

Ақпарат көзінің хабарлауынша, ғарыш айлағында "Космос" жер серігін алып ұшатын "Протон-М" зымыран тасығышын ұшыруға дайындық жұмыстары аяқталып келеді. Бүгін жанармай құю бекетінде Ресей Қорғаныс министрлігінің мүддесіне сай ұшырылатын "Космос" жер серігін алып ұшуға тиіс "Бриз-М" үдеткіш блогының бактарына жанармай құю жұмыстары жүргізілуде.

Бұдан кейін ғарыш айлағының мамандары "Протон-М" зымыран тасығышын ұшырылым кешеніне шығаруға дайындалады.

Ұшырылым алдындағы дайындақтарды тікелей ұшырылым кешенінде одан әрі жалғастыру жөніндегі шешімді 4 желтоқсанда мемлекеттік комиссия қабылдауға тиіс.

"Космос" жер серігін алып ұшатын "Протон-М" зымыран тасығышын №81 алаңның ұшырылым кешеніне шығару 5 желтоқсан таңертеңге белгіленген. Бұдан кейін ғарыш айлағының мамандары ұшырылым кешені мен зымыран тасығыштың жүйелерін тексере бастайды.

"Космос" жер серігін алып ұшатын "Протон-М" зымыран тасығышы №81 алаңнан 9-желтоқсанда Астана уақытымен 6 сағат 16 минутта (Мәскеу уақытымен 3.16) ұшырылады деп межеленген.

Ақпаратты пайдаланған жағдайда «Казахстан Сегодня» ақпараттық агенттігіне сілтеме жасау міндетті

При использовании информации, гиперссылка на информационное агентство Kazakhstan Today обязательна.

Комментарии

тақырып бойынша жаңалықтар

Ең көп оқылғаны