"Днепр" зымыраны құлаған жердегі гептил концентрациясы шектеулі деңгейден мың еседей артық - ҚР төтенше жағдайлар министрлігі
АСТАНА. 31-шілде. Kazakhstan Today. "Днепр" зымыраны құлаған жердегі улы заттардың концентрациясы шектеулі деңгейден мың еседей артық. Бұл туралы Kazakhstan Today тілшісіне ҚР төтенше жағдайлар жөніндегі министрлігінің баспасөз қызметінен хабарлады.
"Зымыран құлаған жерде зымыран отыны - гептилдің қатерлі концентрациясы анықталды. Оның мөлшері шектеулі шамадан мың есе артық болып шықты",- деп хабарлайды мекеме.
Бұдан бұрын да хабарлағанымыздай, 27-шілдеде 1 сағат 43 минутта Байқоңырдан "Днепр" зымыран тасығышы 18 ғарыш аппаратын алып ұшты. 73-ші секундта зымыран құлап қалды. "Зымыран-тасығыштың бірінші сатысының жұмысы аяқталар тұста тарту күші векторы штаттан тыс ауытқып, зымыранның ұшу бағыты өзгеріске ұшыраған. Соның салдарынан қозғалтқыш апатты жағдайда істен шығып, ұшырылым сәтсіз аяқталды. Ғарыштық аппараттарды алып ұшқан зымыран тасығыш еліміздің бір иен ауданына құлап, апат орнында ауқымды шұңқыр түзілді",- деп хабарлайды "Роскосмос" агенттігі.
Қазақстан жағы РС-20 "Днепр" зымыран тасығышының құлау зардаптарын зерттеу жөніндегі үкіметтік комиссияны құрды. Комиссия құрамына білім және ғылым, төтенше жағдайлар, ішкі істер министрлігі, ауылшаруашылығы, сыртқы істер министрлігі, қоршаған ортаны қорғау, экономика және бюджетті жоспарлау, әділет министрліктерінің өкілдері кірді.
Комиссияға апаттың медициналық-санитарлық, экологиялық және техногендік зардаптарын қысқа мерзімде анықтау, апаттың кері әсерлерін шектеуге бағытталған кезек күттірмес шараларға қатысты ұсыныстар дайындау, шағым түсіру үшін қажетті шығын көлемін анықтау, апаттың залал-зардаптарын жоюға қажетті шаралардың тізімі мен жүзеге асыру мерзімін анықтау тапсырылған.
Сенбі күні Астанада "Байқоңыр" Федералдық ғарыш орталығының өкілдерінің қатысуымен комиссияның кезекті жұмыс отырысы болып өтті. Отырыста Қазақстан жағы "Ғарыштық нысандардан келген зардаптар үшін жүктелетін халықаралық жауапкершілік туралы конвенция" мен "Байқоңыр" ғарыш айлағында зымырандарды ұшыру барысында төтенше оқиғалар болған жағдайдағы ықпалдастық тәртіптері туралы Қазақстан және Ресей үкіметтері арасындағы келісімге бағынатынын мәлімдеді. Кеңеске қатысушылар сонымен бірге апаттың зардаптарын жою жөніндегі бірлескен штаб құру және әріқарай жүзеге асырылатын шаралардың ретін келісу жөнінде шешім қабылдады.
"Байқоңыр" Федералдық ғарыш орталығының өкілдеріне апат зардаптарын жою жоспарларына қатысты, сондай-ақ, жоспарлы шараларға жұмылдырылған күш-құралдар жөніндегі ақпараттармен тез арада таныстыру ұсынылды. Ресей жағына апат зардаптарын бағалау актісін Қазақстан жағы тиісті жұмыстар аяқталғаннан кейін таныстыратыны хабарланды. Сондай-ақ, тараптар "Днепр" зымыранының құлау зардаптарын жою жөніндегі Қазақстан мен Ресейдің үкіметтік комиссияларының бірлескен отырысын тамыздың алғашқы онкүндігінде Астанада өткізуге уағадаласты.
тақырып бойынша жаңалықтар
Оқулықтар 100% цифрлық форматқа көшірілді
Бүгінде мектеп оқулықтарының цифрлық форматқа көшірілу көрсеткіші 100%-ды құрайды. Оқулықтар мемлекеттік сараптамадан өтіп, оқу-әдістемелік кешендер тізіміне енгізілді. Цифрлық оқулықтар елімізде 13 баспаның 11 платформасында әзірленуде, деп хабарлайды ҚР Оқу-ағарту министрлігінің баспасөз қызметінен.
Пәндерді оқытуда инновациялық әдіс-тәсілдерді енгізу мақсатында педагогтердің қолдануы үшін әдістемелік ұсыныстар әзірленді. Мұғалімдер сабақтарды заманауи цифрлық технологияларды, онлайн коммуникацияларды, саралау мен даралауды пайдалана отырып өткізеді, сондай-ақ онлайн ресурстарды қолдану бойынша білімдерін жетілдіреді", - деп атап өтті ҚР ОАМ Білім саласында сапаны қамтамасыз ету комитеті төрағасының орынбасары Майра Мелдебекова.
Бұдан басқа, робототехника, STEM, химия, физика, биология пәндері бойынша 1345 заманауи кабинет ашу жұмыстары жүргізілуде. Жыл соңына дейін 20 өңірдегі 1072 мектеп заманауи кабинеттермен жабдықталды.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Су тасқынынан аса зардап шеккен өңірлердегі оқушылар ағымдағы емтихандар мен сынақтардан босатылды
Cу тасқынынан аса зардап шеккен өңірлердегі оқушылар ағымдағы емтихандар мен сынақтардан босатылды, деп хабарлайды Оқу-ағарту министрлігінің баспасөз қызметінен.
Атап айтқанда, Атырау мен Ақтөбе облысындағы оқушылар үшін БЖБ мен ТЖБ алынып тасталды. Бұл туралы Республикалық ақпараттық штабта өткен брифингте ҚР ОАМ ресми өкілі Мереке Амангелдіқызы хабарлады.
Білім алушылардың білім жетістіктері мониторингінен Атырау, Ақтөбе, Қостанай және Батыс Қазақстан облыстарынан 28 мектеп босатылды. Алты өңірде мониторинг 15 сәуірден 22 сәуірге ауыстырылды (Ақмола, Атырау, Ақтөбе, СҚО, Қостанай және БҚО). Қалған өңірлерде оқу штаттық режимде жүргізілуде", - деді спикер.
Министрлік оқу процесін ұйымдастыру бойынша жұмыстарды жалғастыруда. Эвакуациялық пункттердегі балаларды орналастыру бойынша жұмыстар жүргізілуде. Бүгінгі таңда 2393 бала оқу процесін ұйымдастырумен бірге орналастырылды: бастауыш сынып оқушылары сауықтыру орталықтарына ата-аналарымен бірге жіберіледі; орта буындағы оқушылар республикалық маңыздағы инновациялық мектеп лицейлердің жатақханаларына орналастырылады ("Дарын", РФММ, БИЛ және НЗМ); жоғарғы сынып оқушылары (9-11 сыныптар) уақытша колледждерге орналастырылады.
Министрлік балаларға қосымша 3182 орын әзірлеп қойды", - деді ведомствоның ресми өкілі.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
2024 жылдың соңына дейін мектепке дейінгі ұйымдарда 77 мыңнан астам жаңа орын ашылады
Балаларды мектепке дейінгі тәрбиемен және оқытумен қамтуды арттыру мақсатында Мемлекет басшысының тапсырмасы бойынша 2023-2027 жылдарға арналған мектепке дейінгі ұйымдарды іске қосудың қадамдық жоспары әзірленіп, бекітілді. Биылдың өзінде балабақшаларда 77 мыңнан астам орын ашылады деп жоспарлануда, деп хабарлайды ҚР Оқу-ағарту министрлігінің баспасөз қызметінен.
ҚР Оқу-ағарту министрлігі Мектепке дейінгі білім беру департаменті директорының айтуынша, 2024 жылдың үш айында 8849 орынға арналған 125 мектепке дейінгі ұйым ашылды.
Жаңа орындар ашу - мектепке дейінгі ұйымдарды салу, жұмыс істеп тұрғандарын реконструкциялау және кеңейту, жалпы білім беретін мектептер жанындағы, тұрғын үй кешендерінің бірінші қабаттарындағы шағын орталықтар желісін кеңейту, жекеменшік мектепке дейінгі ұйымдарда мемлекеттік білім беру тапсырысын орналастыру арқылы көзделуде. Соңғы бес жылда балабақшаға жолдама алудың кезектілігі екі есеге төмендетілді. Бүгінгі таңда 2-6 жастағы балаларды қамту 91% құрайды. Биыл бұл көрсеткішті 92,5%-ға жеткізуді жоспарлап отырмыз", - деп атап өтті Манар Адамова.
Сонымен қатар балабақшаларда орындарды бөлу процесінің ашықтығы үшін кезектілікті есепке алудың бірыңғай базасы құрылды. Өтінішті электрондық үкімет порталы, екінші деңгейдегі банктердің мобильді қосымшалары және жергілікті атқарушы органдардың платформалары арқылы беру сияқты бірнеше тәсілдермен жүзеге асыру мүмкіндіктері іске қосылды. Қазір жоба еліміздің төрт өңірінде жүргізілуде.
Жалпы елімізде 11 472 мектепке дейінгі ұйым жұмыс істейді, онда 1 миллионға жуық бала қамтылған.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
ҚР Білім министрлігі мектептердегі оқу жылының аяқталатын күнін атады
ҚР Білім министрлігі мектептердегі оқу жылының аяқталатын күнін атады, деп хабарлайды ҚР Оқу-ағарту министрлігінің баспасөз қызметінен.
Қазақстандық мектептердегі төртінші тоқсан 1 сәуірден 25 мамырға дейін жалғасады. Төртінші тоқсанның ұзақтығы 8 оқу аптасын құрайды. Сондай-ақ, 25 мамырда қорытындылар шығарылып, оқу жылы аяқталады", деп көрсетілген хабарламада.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.