Қазақстанда ғарыш саласында жұмыс істейтін жоғары кәсіби білікті мамандар дайындалады - "Қазғарыш"
Қазақстанда ғарыш саласында жұмыс істейтін жоғары кәсіби білікті мамандар дайындалады - "Қазғарыш"
Астана. 22 қыркүйек. Kazakhstan Today - Қазақстанда "Бәйтерек" жобасының аясында ғарыш саласында жұмыс істейтін жоғары кәсіби білікті мамандар дайындалады, деп хабарлайды Kazakhstan Today Қазақстан Республикасының "Қазғарыш" Ұлттық ғарыш агенттігінің хабарламасына сілтеме жасап.
Баспасөз қызметінің ақпаратына сәйкес, ""Бәйтерек" жобасы Қазақстанға барлық халықаралық стандарттарға сәйкес келетін заманауи ғарыштық зымыран кешенін пайдалану тәжірибесін жинақтауға, жаңа жұмыс орындарын құруға және ғарыш саласында жұмыс істейтін ұлттық кәсіби білікті мамандарды дайындауға мүмкіндік береді".
"Қазғарыш" ақпаратына сәйкес, сондай-ақ, "аталған жобаны жүзеге асыру нәтижесінде Қазақстан Ресей мамандарымен бірлесе отырып, ғарыштық аппараттарды орбитаға шығу мүмкіндігіне ие мемлекеттердің біріне айналады".
Баспасөз қызметінің ақпаратына сәйкес, "қазіргі жағдаймен Байқоңыр ғарыш айлағында "Бәйтерек" ғарыштық зымыран кешенін құру жобасы бас жоспар-кестеге сәйкес жүргізілуде және қазір техникалық жобаны жасау сатысында жүр".
Еске сала кетейік, Қазақстан мен Ресей "Ангара" зымыран тасығышын пайдалана отырып, "Байқоңыр" ғарыш айлағында "Бәйтерек" ғарыштық зымыран кешенін құру туралы келісімге" 2004 жылдың 22 желтоқсанында қол қойған. Сарапшылардың пайымдауынша, бұл Қазақстан мен Ресей арасындағы ең ауқымды халықаралық ғарыштық жоба болып табылады.
Аталған ғарыштық зымыран кешені Ресейдің "Ангара" зымыран тасығышын, немесе оның келешек модификацияларын пайдалана отырып, ғарыштық аппараттарды ұшыруға арналған. "Бәйтерек" ғарыштық зымыран кешенінің құрамына Байқоңыр ғарыш айлағының құрылғылары мен коммуникациялары, техникалық құралдарының базасында құрылатын ұшырылымдық және техникалық позициялар енеді.
Зымыран жасау саалсындағы озық технологияларды пайдалану экологиялық қауіпсіздік деңгейін көтеруге және амил және гептил секілді улылығы аса жоғары зымыран отыны компоненттерін пайдаланып Байқоңыр ғарыш айлағынан ұшырылатын зымыран тасығыштар ұшырылымының экологияға зиянды әсерін айтарлықтай азайтуға мүмкіндік береді. Сөйтіп, бұл кешенді пайдалануға беру және жаңа үлгідегі зымыран тасығыштың сынақтарының қажетті циклін толық жүзеге асыру нәтижесінде улы зымыран отынымен жұмыс істейтін "Протон" зымыран тасығыштарының ұшырылымдарын біржола тоқтатуға мүмкіндік туады.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
тақырып бойынша жаңалықтар
Оқулықтар 100% цифрлық форматқа көшірілді
Бүгінде мектеп оқулықтарының цифрлық форматқа көшірілу көрсеткіші 100%-ды құрайды. Оқулықтар мемлекеттік сараптамадан өтіп, оқу-әдістемелік кешендер тізіміне енгізілді. Цифрлық оқулықтар елімізде 13 баспаның 11 платформасында әзірленуде, деп хабарлайды ҚР Оқу-ағарту министрлігінің баспасөз қызметінен.
Пәндерді оқытуда инновациялық әдіс-тәсілдерді енгізу мақсатында педагогтердің қолдануы үшін әдістемелік ұсыныстар әзірленді. Мұғалімдер сабақтарды заманауи цифрлық технологияларды, онлайн коммуникацияларды, саралау мен даралауды пайдалана отырып өткізеді, сондай-ақ онлайн ресурстарды қолдану бойынша білімдерін жетілдіреді", - деп атап өтті ҚР ОАМ Білім саласында сапаны қамтамасыз ету комитеті төрағасының орынбасары Майра Мелдебекова.
Бұдан басқа, робототехника, STEM, химия, физика, биология пәндері бойынша 1345 заманауи кабинет ашу жұмыстары жүргізілуде. Жыл соңына дейін 20 өңірдегі 1072 мектеп заманауи кабинеттермен жабдықталды.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Су тасқынынан аса зардап шеккен өңірлердегі оқушылар ағымдағы емтихандар мен сынақтардан босатылды
Cу тасқынынан аса зардап шеккен өңірлердегі оқушылар ағымдағы емтихандар мен сынақтардан босатылды, деп хабарлайды Оқу-ағарту министрлігінің баспасөз қызметінен.
Атап айтқанда, Атырау мен Ақтөбе облысындағы оқушылар үшін БЖБ мен ТЖБ алынып тасталды. Бұл туралы Республикалық ақпараттық штабта өткен брифингте ҚР ОАМ ресми өкілі Мереке Амангелдіқызы хабарлады.
Білім алушылардың білім жетістіктері мониторингінен Атырау, Ақтөбе, Қостанай және Батыс Қазақстан облыстарынан 28 мектеп босатылды. Алты өңірде мониторинг 15 сәуірден 22 сәуірге ауыстырылды (Ақмола, Атырау, Ақтөбе, СҚО, Қостанай және БҚО). Қалған өңірлерде оқу штаттық режимде жүргізілуде", - деді спикер.
Министрлік оқу процесін ұйымдастыру бойынша жұмыстарды жалғастыруда. Эвакуациялық пункттердегі балаларды орналастыру бойынша жұмыстар жүргізілуде. Бүгінгі таңда 2393 бала оқу процесін ұйымдастырумен бірге орналастырылды: бастауыш сынып оқушылары сауықтыру орталықтарына ата-аналарымен бірге жіберіледі; орта буындағы оқушылар республикалық маңыздағы инновациялық мектеп лицейлердің жатақханаларына орналастырылады ("Дарын", РФММ, БИЛ және НЗМ); жоғарғы сынып оқушылары (9-11 сыныптар) уақытша колледждерге орналастырылады.
Министрлік балаларға қосымша 3182 орын әзірлеп қойды", - деді ведомствоның ресми өкілі.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
2024 жылдың соңына дейін мектепке дейінгі ұйымдарда 77 мыңнан астам жаңа орын ашылады
Балаларды мектепке дейінгі тәрбиемен және оқытумен қамтуды арттыру мақсатында Мемлекет басшысының тапсырмасы бойынша 2023-2027 жылдарға арналған мектепке дейінгі ұйымдарды іске қосудың қадамдық жоспары әзірленіп, бекітілді. Биылдың өзінде балабақшаларда 77 мыңнан астам орын ашылады деп жоспарлануда, деп хабарлайды ҚР Оқу-ағарту министрлігінің баспасөз қызметінен.
ҚР Оқу-ағарту министрлігі Мектепке дейінгі білім беру департаменті директорының айтуынша, 2024 жылдың үш айында 8849 орынға арналған 125 мектепке дейінгі ұйым ашылды.
Жаңа орындар ашу - мектепке дейінгі ұйымдарды салу, жұмыс істеп тұрғандарын реконструкциялау және кеңейту, жалпы білім беретін мектептер жанындағы, тұрғын үй кешендерінің бірінші қабаттарындағы шағын орталықтар желісін кеңейту, жекеменшік мектепке дейінгі ұйымдарда мемлекеттік білім беру тапсырысын орналастыру арқылы көзделуде. Соңғы бес жылда балабақшаға жолдама алудың кезектілігі екі есеге төмендетілді. Бүгінгі таңда 2-6 жастағы балаларды қамту 91% құрайды. Биыл бұл көрсеткішті 92,5%-ға жеткізуді жоспарлап отырмыз", - деп атап өтті Манар Адамова.
Сонымен қатар балабақшаларда орындарды бөлу процесінің ашықтығы үшін кезектілікті есепке алудың бірыңғай базасы құрылды. Өтінішті электрондық үкімет порталы, екінші деңгейдегі банктердің мобильді қосымшалары және жергілікті атқарушы органдардың платформалары арқылы беру сияқты бірнеше тәсілдермен жүзеге асыру мүмкіндіктері іске қосылды. Қазір жоба еліміздің төрт өңірінде жүргізілуде.
Жалпы елімізде 11 472 мектепке дейінгі ұйым жұмыс істейді, онда 1 миллионға жуық бала қамтылған.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.