Роскосмос "Союз" корабльдерімен 2010 жылға дейін Халықаралық ғарыш станциясына ұшырылатын экспедициялардың алдын-ала жоспар-кестесін жария етті
Роскосмос "Союз" корабльдерімен 2010 жылға дейін Халықаралық ғарыш станциясына ұшырылатын экспедициялардың алдын-ала жоспар-кестесін жария етті
Байқоңыр. 22 қыркүйек. "Қазақстан Бүгін" - Роскосмос "Союз" корабльдерімен 2010 жылға дейін Халықаралық ғарыш станциясына ұшырылатын экспедициялардың алдын-ала жоспар-кестесін жария етті, деп хабарлайды агенттік тілшісі "Байқоңыр" ғарыш орталығының баспасөз қызметіне сілтеме жасап.
Баспасөз қызметінің ақпаратына сәйкес, 2008 жылы Халықаралық ғарыш станциясына пилотты 9 "Союз" кораблін экипаждарымен ұшыру жоспарланған.
Оның ең таяудағысы - 12 қазандағы ұшырылым, онда "Союз ТМА-13" экипажына кіретін ғарышкерлер - Юрий Лончаков, Майкл Финк пен Ричард Гэрриот ұшады.
2009 жылдан бастап Байқоңырдан жылына 2 емес, 4 экспедиция ұшырылмақ. Бұл Халықаралық ғарыш станциясында жұмыс істейтін Ресейлік, АҚШ-тың НАСА және Еуропалық ғарыштық агенттігінің ғарышкерлері мен астронавтарының саны 3-тен 6 адамға дейін ұлғайтылуына байланысты.
2009-2010 жылдары пилотты "Союз" ғарыш кемелері мынадай күндері ұшырылады деп жоспарланған: 2009 жылдың 25 наурызы - "Союз ТМА-14", 2009 жылдың 25 мамыры - "Союз ТМА-15", 2009 жылдың 1 қазаны - "Союз ТМА-16", 2009 жылдың 20 қарашасы - "Союз ТМА-17", 2010 жылдың наурызы - "Союз ТМА-18", 2010 жылдың мамыры - "Союз ТМА-19", 2010 жылдың қыркүйегі - "Союз ТМА-20", 2010 жылдың қыркүйегі - "Союз ТМА-21".
2010 жылға дейін Халықаралық ғарыш станциясына ұшырылатын экспедициялардың алдын-ала жоспар-кестесінде Қазақстан ғарышкерлері Айдын Айымбетов пен Мұхтар Аймахановтың аты жоқ. Қазғарыш Ресейдің Федералдық ғарыш агенттігімен бірлесіп, Қазақстандық ғарышкерлерді 2010 жылдан кейінгі экспедицияларға қамту жайын қарастыруда. Бұл жөніндегі алдын-ала келісім Қазақстан мен Ресейдің ғарыш саласындағы ынтымақтастығы жөніндегі келісімнің шеңберінде жасалған. Қазақстандық ғарышкерлер үшін Халықаралық ғарыш станциясына жол тартатын ұзақ мерзімді экспедиция барысында жүзеге асырылатын ұлттық ғылыми бағдарламалар, сынақтар мен зерттеулердің жобасы жасалуда.
Ақпаратты пайдаланған жағдайда "Казахстан Сегодня" ақпараттық агенттігіне сілтеме жасау міндетті
тақырып бойынша жаңалықтар
Оқулықтар 100% цифрлық форматқа көшірілді
Бүгінде мектеп оқулықтарының цифрлық форматқа көшірілу көрсеткіші 100%-ды құрайды. Оқулықтар мемлекеттік сараптамадан өтіп, оқу-әдістемелік кешендер тізіміне енгізілді. Цифрлық оқулықтар елімізде 13 баспаның 11 платформасында әзірленуде, деп хабарлайды ҚР Оқу-ағарту министрлігінің баспасөз қызметінен.
Пәндерді оқытуда инновациялық әдіс-тәсілдерді енгізу мақсатында педагогтердің қолдануы үшін әдістемелік ұсыныстар әзірленді. Мұғалімдер сабақтарды заманауи цифрлық технологияларды, онлайн коммуникацияларды, саралау мен даралауды пайдалана отырып өткізеді, сондай-ақ онлайн ресурстарды қолдану бойынша білімдерін жетілдіреді", - деп атап өтті ҚР ОАМ Білім саласында сапаны қамтамасыз ету комитеті төрағасының орынбасары Майра Мелдебекова.
Бұдан басқа, робототехника, STEM, химия, физика, биология пәндері бойынша 1345 заманауи кабинет ашу жұмыстары жүргізілуде. Жыл соңына дейін 20 өңірдегі 1072 мектеп заманауи кабинеттермен жабдықталды.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Су тасқынынан аса зардап шеккен өңірлердегі оқушылар ағымдағы емтихандар мен сынақтардан босатылды
Cу тасқынынан аса зардап шеккен өңірлердегі оқушылар ағымдағы емтихандар мен сынақтардан босатылды, деп хабарлайды Оқу-ағарту министрлігінің баспасөз қызметінен.
Атап айтқанда, Атырау мен Ақтөбе облысындағы оқушылар үшін БЖБ мен ТЖБ алынып тасталды. Бұл туралы Республикалық ақпараттық штабта өткен брифингте ҚР ОАМ ресми өкілі Мереке Амангелдіқызы хабарлады.
Білім алушылардың білім жетістіктері мониторингінен Атырау, Ақтөбе, Қостанай және Батыс Қазақстан облыстарынан 28 мектеп босатылды. Алты өңірде мониторинг 15 сәуірден 22 сәуірге ауыстырылды (Ақмола, Атырау, Ақтөбе, СҚО, Қостанай және БҚО). Қалған өңірлерде оқу штаттық режимде жүргізілуде", - деді спикер.
Министрлік оқу процесін ұйымдастыру бойынша жұмыстарды жалғастыруда. Эвакуациялық пункттердегі балаларды орналастыру бойынша жұмыстар жүргізілуде. Бүгінгі таңда 2393 бала оқу процесін ұйымдастырумен бірге орналастырылды: бастауыш сынып оқушылары сауықтыру орталықтарына ата-аналарымен бірге жіберіледі; орта буындағы оқушылар республикалық маңыздағы инновациялық мектеп лицейлердің жатақханаларына орналастырылады ("Дарын", РФММ, БИЛ және НЗМ); жоғарғы сынып оқушылары (9-11 сыныптар) уақытша колледждерге орналастырылады.
Министрлік балаларға қосымша 3182 орын әзірлеп қойды", - деді ведомствоның ресми өкілі.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
2024 жылдың соңына дейін мектепке дейінгі ұйымдарда 77 мыңнан астам жаңа орын ашылады
Балаларды мектепке дейінгі тәрбиемен және оқытумен қамтуды арттыру мақсатында Мемлекет басшысының тапсырмасы бойынша 2023-2027 жылдарға арналған мектепке дейінгі ұйымдарды іске қосудың қадамдық жоспары әзірленіп, бекітілді. Биылдың өзінде балабақшаларда 77 мыңнан астам орын ашылады деп жоспарлануда, деп хабарлайды ҚР Оқу-ағарту министрлігінің баспасөз қызметінен.
ҚР Оқу-ағарту министрлігі Мектепке дейінгі білім беру департаменті директорының айтуынша, 2024 жылдың үш айында 8849 орынға арналған 125 мектепке дейінгі ұйым ашылды.
Жаңа орындар ашу - мектепке дейінгі ұйымдарды салу, жұмыс істеп тұрғандарын реконструкциялау және кеңейту, жалпы білім беретін мектептер жанындағы, тұрғын үй кешендерінің бірінші қабаттарындағы шағын орталықтар желісін кеңейту, жекеменшік мектепке дейінгі ұйымдарда мемлекеттік білім беру тапсырысын орналастыру арқылы көзделуде. Соңғы бес жылда балабақшаға жолдама алудың кезектілігі екі есеге төмендетілді. Бүгінгі таңда 2-6 жастағы балаларды қамту 91% құрайды. Биыл бұл көрсеткішті 92,5%-ға жеткізуді жоспарлап отырмыз", - деп атап өтті Манар Адамова.
Сонымен қатар балабақшаларда орындарды бөлу процесінің ашықтығы үшін кезектілікті есепке алудың бірыңғай базасы құрылды. Өтінішті электрондық үкімет порталы, екінші деңгейдегі банктердің мобильді қосымшалары және жергілікті атқарушы органдардың платформалары арқылы беру сияқты бірнеше тәсілдермен жүзеге асыру мүмкіндіктері іске қосылды. Қазір жоба еліміздің төрт өңірінде жүргізілуде.
Жалпы елімізде 11 472 мектепке дейінгі ұйым жұмыс істейді, онда 1 миллионға жуық бала қамтылған.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.