Webometrics рейтингісі: ЕҰУ тағы да бірінші!
11 ақпан күні Кибернетика лабораториясы (Cybermetics) Испания Ұлттық Зерттеу кеӊесiнiӊ ақпарат және құжаттама орталығыныӊ ресми веб-ресурсында Webometrics білім беру сайттарыныӊ рейтингісінде Л.Н. Гумилев атындағы Еуразия ұлттық университетініӊ Қазақстан бойынша алғашқы орынды иеленіп, дүниежүзі бойынша үздік 2 000 орынға табан тірегені және әлемдегі 20 000 ЖОО арасынан 1 836 орынға, Азиа бойынша 8 902 ЖОО арасынан 574 орын алғандығы белгілі болды
Астана. 11 ақпан. Kazakhstan Today - 11 ақпан күні Кибернетика лабораториясы (Cybermetics) Испания Ұлттық Зерттеу кеӊесiнiӊ ақпарат және құжаттама орталығыныӊ ресми веб-ресурсында Webometrics білім беру сайттарыныӊ рейтингісінде Л.Н. Гумилев атындағы Еуразия ұлттық университетініӊ Қазақстан бойынша алғашқы орынды иеленіп, дүниежүзі бойынша үздік 2 000 орынға табан тірегені және әлемдегі 20 000 ЖОО арасынан 1 836 орынға, Азиа бойынша 8 902 ЖОО арасынан 574 орын алғандығы белгілі болды, деп хабарлайды Kazakhstan Today агенттігініӊ тілшісі.
ЕҰУ Қазақстан бойынша тағы да бірініші!
Webometrics рейтингісі университет жариялайтын веб-беттердiӊ көлемімен, (көрнекiлiк) және әсерімен (тиiмдiлiк) өлшенедi, университеттегі ғаИИИламтор желісіндегі ғылыми жаИрияланымдар, әр ЖОО ғалымИдаИрыныӊ зерттеу еӊбектері, оларИға жасалған сілтеме ескеріліп, басты нысанаға ЖОО-ныӊ ғылыми-зерттеу әлеуеті алынады. Отандық және шетелдік ЖОО-лармен, ғылым - білім беру ұйымдарымен тығыз ынтымақтастық етудіӊ арқасында Еуразия ұлттық университеті қазақстандық ЖОО-лар арасында жасалынатын сілтемелердіӊ веб-домендер саны бойынша көш бастады.
Нәтижесінде ЕҰУ отандық 111 ЖОО арасынан Қазақстан бойынша Webometrics рейтингісіне сәйкес бірінші орынға және бүкіл әлем бойынша 20 000 ЖОО мен білім беру ұйымдары арасынан 1 836-ші орынға тұрақтады. Республикамыз бойынша екінші орында - Ил-Фараби атындағы Қазақ ұлттық университеті (әлемдік рейтинг бойынша 2 193 орын), Қазақ ұлттық аграрлық университеті үшінші орын (2 528 орын), төртінші орында - С. Асфендияров атындағы Қазақ ұлттық медициналық университеті (2 837 орын), бесінші орында М.Иуезов атындағы Оӊтүстік Қазақстан мемлекеттік университеті (2 936 орын).
http://www.webometrics.info/en/Asia/Kazakstan
Webometrics рейтингісінде сайттарды бағалаудыӊ екінші маӊызды критерийі - ғаламтор желісінде ұсынылған ғылыми мақалалар, ЖОО ғалымдарыныӊ зерттеулері мен олардыӊ дәйексөз көрсеткішініӊ болуы.
Бүгінде "еуразиялықтардыӊ" электрондық ғылыми мақалаларға ашық қолжетіміділік мүмкіндігімен қамтамасыз ететін Еуразия ұлттық университетініӊ репозиторий қорында 10 000-нан астам материалдар бар. Бұл ретте Л.Н. Гумилев атындағы ЕҰУ қазақстандық ЖОО арасында алғаш болып шетелдегідей мақалаларға еркін қолжетімділік мүмкіндігін тәжірибеде қолданып келеді.
Webometrics рейтингісі жылына екі рет қаӊтар және шілде айларында университеттер сайтыныӊ рейтингісін жарияласа, оқу ордамыздыӊ ресми веб-сайты бұған дейін де қазақстандық ЖОО-лар арасындағы рейтингіде бірнеше мәрте көш бастаған болатын. Бұл жетістіктер университеттіӊ білім беру деӊгейі мен белсенділігініӊ арта түскендігі және әлемдік стандарттарға сай дамып келе жатқандығыныӊ нақты көрінісі. Ғылым жолында тер төгіп жүрген ғалымдары мен профессорлары, жаӊа дәуірдіӊ жаӊалықтарына бейімделген ізденісі мол студенттері бар Астана төріндегі Еуразия ұлттық университеті алдағы уақытта да әлем университеттері ішінен ойып тұрып орын ала береді.
Еуразия ұлттық университетініӊ ұжымын жоғары жетістігімен құттықтай отырып, ғылым-білім ізденісінде толағай табыстарға жете беруіне тілек білдіреміз.
Баспасөз қызметі
тақырып бойынша жаңалықтар
Оқулықтар 100% цифрлық форматқа көшірілді
Бүгінде мектеп оқулықтарының цифрлық форматқа көшірілу көрсеткіші 100%-ды құрайды. Оқулықтар мемлекеттік сараптамадан өтіп, оқу-әдістемелік кешендер тізіміне енгізілді. Цифрлық оқулықтар елімізде 13 баспаның 11 платформасында әзірленуде, деп хабарлайды ҚР Оқу-ағарту министрлігінің баспасөз қызметінен.
Пәндерді оқытуда инновациялық әдіс-тәсілдерді енгізу мақсатында педагогтердің қолдануы үшін әдістемелік ұсыныстар әзірленді. Мұғалімдер сабақтарды заманауи цифрлық технологияларды, онлайн коммуникацияларды, саралау мен даралауды пайдалана отырып өткізеді, сондай-ақ онлайн ресурстарды қолдану бойынша білімдерін жетілдіреді", - деп атап өтті ҚР ОАМ Білім саласында сапаны қамтамасыз ету комитеті төрағасының орынбасары Майра Мелдебекова.
Бұдан басқа, робототехника, STEM, химия, физика, биология пәндері бойынша 1345 заманауи кабинет ашу жұмыстары жүргізілуде. Жыл соңына дейін 20 өңірдегі 1072 мектеп заманауи кабинеттермен жабдықталды.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Су тасқынынан аса зардап шеккен өңірлердегі оқушылар ағымдағы емтихандар мен сынақтардан босатылды
Cу тасқынынан аса зардап шеккен өңірлердегі оқушылар ағымдағы емтихандар мен сынақтардан босатылды, деп хабарлайды Оқу-ағарту министрлігінің баспасөз қызметінен.
Атап айтқанда, Атырау мен Ақтөбе облысындағы оқушылар үшін БЖБ мен ТЖБ алынып тасталды. Бұл туралы Республикалық ақпараттық штабта өткен брифингте ҚР ОАМ ресми өкілі Мереке Амангелдіқызы хабарлады.
Білім алушылардың білім жетістіктері мониторингінен Атырау, Ақтөбе, Қостанай және Батыс Қазақстан облыстарынан 28 мектеп босатылды. Алты өңірде мониторинг 15 сәуірден 22 сәуірге ауыстырылды (Ақмола, Атырау, Ақтөбе, СҚО, Қостанай және БҚО). Қалған өңірлерде оқу штаттық режимде жүргізілуде", - деді спикер.
Министрлік оқу процесін ұйымдастыру бойынша жұмыстарды жалғастыруда. Эвакуациялық пункттердегі балаларды орналастыру бойынша жұмыстар жүргізілуде. Бүгінгі таңда 2393 бала оқу процесін ұйымдастырумен бірге орналастырылды: бастауыш сынып оқушылары сауықтыру орталықтарына ата-аналарымен бірге жіберіледі; орта буындағы оқушылар республикалық маңыздағы инновациялық мектеп лицейлердің жатақханаларына орналастырылады ("Дарын", РФММ, БИЛ және НЗМ); жоғарғы сынып оқушылары (9-11 сыныптар) уақытша колледждерге орналастырылады.
Министрлік балаларға қосымша 3182 орын әзірлеп қойды", - деді ведомствоның ресми өкілі.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
2024 жылдың соңына дейін мектепке дейінгі ұйымдарда 77 мыңнан астам жаңа орын ашылады
Балаларды мектепке дейінгі тәрбиемен және оқытумен қамтуды арттыру мақсатында Мемлекет басшысының тапсырмасы бойынша 2023-2027 жылдарға арналған мектепке дейінгі ұйымдарды іске қосудың қадамдық жоспары әзірленіп, бекітілді. Биылдың өзінде балабақшаларда 77 мыңнан астам орын ашылады деп жоспарлануда, деп хабарлайды ҚР Оқу-ағарту министрлігінің баспасөз қызметінен.
ҚР Оқу-ағарту министрлігі Мектепке дейінгі білім беру департаменті директорының айтуынша, 2024 жылдың үш айында 8849 орынға арналған 125 мектепке дейінгі ұйым ашылды.
Жаңа орындар ашу - мектепке дейінгі ұйымдарды салу, жұмыс істеп тұрғандарын реконструкциялау және кеңейту, жалпы білім беретін мектептер жанындағы, тұрғын үй кешендерінің бірінші қабаттарындағы шағын орталықтар желісін кеңейту, жекеменшік мектепке дейінгі ұйымдарда мемлекеттік білім беру тапсырысын орналастыру арқылы көзделуде. Соңғы бес жылда балабақшаға жолдама алудың кезектілігі екі есеге төмендетілді. Бүгінгі таңда 2-6 жастағы балаларды қамту 91% құрайды. Биыл бұл көрсеткішті 92,5%-ға жеткізуді жоспарлап отырмыз", - деп атап өтті Манар Адамова.
Сонымен қатар балабақшаларда орындарды бөлу процесінің ашықтығы үшін кезектілікті есепке алудың бірыңғай базасы құрылды. Өтінішті электрондық үкімет порталы, екінші деңгейдегі банктердің мобильді қосымшалары және жергілікті атқарушы органдардың платформалары арқылы беру сияқты бірнеше тәсілдермен жүзеге асыру мүмкіндіктері іске қосылды. Қазір жоба еліміздің төрт өңірінде жүргізілуде.
Жалпы елімізде 11 472 мектепке дейінгі ұйым жұмыс істейді, онда 1 миллионға жуық бала қамтылған.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
ҚР Білім министрлігі мектептердегі оқу жылының аяқталатын күнін атады
ҚР Білім министрлігі мектептердегі оқу жылының аяқталатын күнін атады, деп хабарлайды ҚР Оқу-ағарту министрлігінің баспасөз қызметінен.
Қазақстандық мектептердегі төртінші тоқсан 1 сәуірден 25 мамырға дейін жалғасады. Төртінші тоқсанның ұзақтығы 8 оқу аптасын құрайды. Сондай-ақ, 25 мамырда қорытындылар шығарылып, оқу жылы аяқталады", деп көрсетілген хабарламада.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Қазақстанда педагогтерді жұмысқа қабылдау жүйесі автоматтандырылды
Сурет: gov.kz
Қазақстанда педагогтерді жұмысқа қабылдау жүйесі автоматтандырылды, деп хабарлайды ҚР Оқу-ағарту министрлігінің баспасөз қызметінен.
1 сәуірден бастап ҚР Оқу-ағарту министрлігі Ұлттық білім беру деректер қорында педагогтерді мектепке жұмысқа қабылдау бойынша жаңа модульді іске қосады. Бұл шара сыбайлас жемқорлыққа қарсы және конкурстық рәсімдерді ашық өткізуге бағытталған.
Сондай-ақ педагогтерді аттестаттауда құжаттарды тапсыру бойынша да автоматтандыру енгізілуде. Енді педагогтің барлық мәліметтері "Педагог портфолиосы" модулінде жинақталады. Мұнда педагог туралы, оның білімі, денсаулық жағдайы, жұмыс тәжірибесі, құқық бұзушылықтар, аттестаттаудан өту, марапаттары және тәлімгерлік пен цифрлық құжаттар туралы электрондық ақпарат сақталады.
Ашықтық пен есептіліктің болуы сыбайлас жемқорлыққа қарсы күресте басты рөл атқарады. Осы модульдерді енгізе отырып, педагогтерді жұмысқа қабылдау кезінде қағаз жүзіндегі құжат айналымын және сыбайлас жемқорлық тәуекелдерін толық жою жоспарлануда. Жүйені іске қосу алдында басқарма, бөлімдер мен білім беру ұйымдарының мамандары үшін оқыту ұйымдастырылды", - дейді ҚР ОМ Цифрландыру департаменті директорының орынбасары Майра Маралбаева.
Еске сала кетейік, бұған дейін аталған модуль Шымкент қаласында және Қарағанды облысының Шахтинск қаласында сынақтан өтті. Сондай-ақ жұмыс іздеу және қажетті персоналды таңдау бойынша еліміздің басқа өңірлерінде де ашықтық жағдай жасау үшін ҰБДҚ-ның "Электрондық еңбек биржасы" платформасымен өзара интеграциясы жоспарланған.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.