Система Orphus

Медициналық-әлеуметтік мекемелер карантинге жабылады

17.03.2020, 21:37 2242

Алматы. 17 наурыз. Kazakhstan Today - Медициналық-әлеуметтік мекемелер карантинге жабылады.

ҚР Еңбек және халықты әлеуметтік қорғау министрлігі ҚР Денсаулық сақтау министрлігімен бірлесіп қамқорлықтағы адамдардың егде адамдар мен мүгедектігі бар адамдарға арналған медициналық-әлеуметтік мекемелерге, сондай-ақ уақытша болу ұйымдарына баруына тыйым салады

Бұл шара ұйымдарда коронавирустық инфекцияның таралуына жол бермеу мақсатында қабылдануда.

Бұл ретте әлеуметтік мекемелер қызмет көрсетуді жалғастырады. Мекемелерде санитарлық-дезинфикациялық режим күшейтіледі. Атап айтқанда, қызметкерлер мен қамқорлықтағы адамдарды маскалармен, антисептикалық құралдармен, қолғаптармен және басқа да қорғаныс құралдарымен қамтамасыз етіледі. Қамқорлықтағылардың қатысуымен ұйымдар ішінде де, олардан тыс та бұқаралық спорттық және мәдени іс-шаралар өткізілмейтін болды.

Сондай-ақ, республикадағы эпидемиологиялық жағдай тұрақтанғанға дейін санаториялық-курорттық емдеу қызметін көрсетуді тоқтата тұру ұсынылды.

Бұл шаралар Қазақстанда төтенше жағдай аяқталғанға дейін жалғасады.

Бұдан басқа, жеке көмекшілер мен ымдау тілі мамандары көрсеткен қызметтер бойынша құжаттарды (орындалған жұмыстар актісі, сүйемелдеу парақтары) қабылдау электрондық форматта жүзеге асырылады.

Естеріңізге сала кетейік, елімізде 24410 адамға қызмет көрсететін 113 медициналық-әлеуметтік мекеме жұмыс істейді.

Ақпаратты пайдаланѓан жаѓдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігініњ материалдарына авторлық қ±қық.

При использовании информации, гиперссылка на информационное агентство Kazakhstan Today обязательна.

Комментарии

тақырып бойынша жаңалықтар

Ең көп оқылғаны